Muhtar Shahanov Memleket basshysynyń alǵys hatymen marapattaldy

ALMATY. QazAqparat - Almaty ákimi Baqytjan Saǵyntaev «Qazaq SSR Tilder týraly» alǵashqy Zańnyń qabyldanǵanyna 30 jyl tolýyna oraı bir top zııaly qaýym ókilimen kezdesti, dep habarlaıdy QazAqparat tilshisi.

Uqsas jańalyqtar

Meniń baılyǵym - meniń ólmes óleńderim - Muhtar Shahanov

Baqytjan Saǵyntaev memlekettik tildiń damýyna úles qosqan jazýshy, jýrnalıst, ǵalym jáne qoǵam qaıratkerlerine Memleket basshysynyń alǵys hatyn tapsyrdy.

Olardyń arasynda «Memlekettik tilge qurmet» qoǵamdyq birlestiginiń tóraıymy Asyly Osman, Halyqaralyq «Qazaq tili» qoǵamynyń prezıdenti Ómirzaq Aıtbaev, M. Áýezov atyndaǵy Ádebıet jáne óner ınstıtýtynyń dırektory Kenjehan Matyjanov, jazýshy Smaǵul Elýbaev, A. Baıtursynov atyndaǵy Til bilimi ınstıtýtynyń bas ǵylymı qyzmetkeri Telhoja Januzaqov, halyq jazýshysy Muhtar Shahanov, A. Baıtursynov atyndaǵy Til bilimi ınstıtýtynyń dırektory Erden Qajybek, Qazaqstan Jazýshylar Odaǵy tóraǵasynyń orynbasary Mereke Qulkenov, Ulttyq aýdarma bıýrosynyń redaktory Nazgúl Qojabekova, jazýshy-pýblıtsıst Jumash Kenebaı, «Jas qazaq» gazetiniń bas redaktory Smaıyl Sraıyl bar.

Kezdesý barysynda jınalǵandar memlekettik tildi odan ári damytý, ony qala jurty arasynda dáripteý máselelerin talqylap ózara pikir almasty.

Sonymen qatar, qala mektepteriniń kitaphanalaryn qazaq jazýshylarynyń kitaptarymen toltyrý jáne ınternet bazasyn qazaq tildi kontentpen tolyqtyrý usynyldy.