+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Muhtar Áýezov atyndaǵy teatr ártisteri aqmolalyq kórermendermen kezdesti

2021 jylǵy 28 qyrkúıek 18:06
Bólisińiz:
Muhtar Áýezov atyndaǵy teatr ártisteri aqmolalyq kórermendermen kezdesti

KÓKShETAÝ. QazAqparat - Muhtar Áýezov atyndaǵy Qazaq ulttyq teatry ujymynyń Aqmola oblysynda gastroldik sapary máresine jetti. Osyǵan oraı, atalmysh teatr ártisteri aqmolalyq kórermendermen kezdesti, dep habarlaıdy QazAqparat tilshisi.

Uqsas jańalyqtar
Aqtóbede Tólegen Aıbergenov pen Shámshi Qaldaıaqovqa eskertkish ornatyldy Táýelsizdiktiń 30 jyly: Aqmola oblysynyń mádenıet salasy qalaı damyp keledi Atyraýda Naýryz merekesine bólingen 116 mln teńgege qatysty jaǵdaı túsindirildi

Asanáli Áshimov bastaǵan teatr ujymy qyrkúıektiń 23-28 aralyǵynda aqmolalyqtarǵa eń úzdik spektaklderin usyndy.

Teatr festıvaliniń shymyldyǵy jazýshy, dramatýrg, Memlekettik syılyqtyń laýreaty Dýlat Isabekovtiń «Jaýjúrek» dramasymen ashyldy. Kartına belgili ánshi-kompozıtor, seri, Balýan Sholaqtyń ómiri men shyǵarmashylyǵyna arnalǵan. Kelesi kúnderi jazýshy, dramatýrg, Memlekettik syılyqtyń laýreaty Tynymbaı Nurmaǵanbetovtiń «Bes boıdaqqa bir toı» komedııasy, dramatýrg Aleksandr Volodınniń «Qoshqym kelmeıdi» dramasy, aqyn, dramatýrg Israıl Saparbaıdyń «Syǵan serenadasy» mıýzıkli, jazýshy, dramatýrg, Memlekettik syılyqtyń laýreaty Dýlat Isabekovtyń «Júz jyldyq mahabbat» dramasy kórsetildi. Búgin, sońǵy kúni Abaıdyń qara sózderi boıynsha «Qara» dramasymen máresine jetedi.

Osyǵan oraı, M.Jumabaev atyndaǵy Aqmola oblystyq ámbebap ǵylymı kitaphanasynda atalmysh teatrdyń tanymal akterleri Bekjan Turys pen Dýlyǵa Aqmolda aqmolalyq kórermenderimen kezdesip, Kókshetaý qalasynda ótken gastroldik týr týraly óz áserlerimen bólisti, sahnada olarmen bolǵan qyzyqty oqıǵalardy aıtyp, stýdentterdiń suraqtaryna jaýap berdi.

«Bıyl teatrymyzdyń gastroldik týry elimizdiń Táýelsizdik mereıtoıy qarsańynda Kókshetaý qalasynan bastaldy. Ókinishke oraı, bes kún zýlap ótip, óńirge gastrolimizdi búgin aıaqtaımyz. Biz oblys pen qala basshylyǵyna jyly shyraımen qarsy alǵany jáne qonaqjaılylyǵy úshin óte rızamyz. Stýdenttermen – bolashaq akterlermen jáne rejısserlermen búgingi kezdesý joǵary deńgeıde ótti. Búgin biz Qazaqstanda tanymal rejısser Juldyzbek Jumabaıdyń Abaı Qunanbaevtyń 175 jyldyǵyna arnalǵan «Qara» fılosofııalyq spektaklin qoıyp, erteń Petropavl qalasyna attanamyz», - dedi bólisti teatr jáne kıno akteri Dýlyǵa Aqmolda M.Jumabaev atyndaǵy Aqmola oblystyq ámbebap ǵylymı kitaphanasynda ótken kezdesýde.

Sonymen birge, kezdesýde búgingi ómirdi kórsetetin qyzyqty ári kórkem mazmundaǵy teatr spektaklderin tamashalaǵan kórermender rýhanı baıyp, kóptegen jaǵymdy emotsııalarǵa ıe bolǵany aıtyldy.

Eske sala keteıik, 23-27 qyrkúıek aralyǵynda Muhtar Áýezov atyndaǵy Qazaq ulttyq teatrynyń akterleri «Kókshetaý» mádenıet saraıynyń sahnasynda eń tabysty jáne kórermender arasynda suranysqa ıe qoıylymdardy qoıdy.


Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT