Muhıtty eskek qaıyqpen kesip ótpek bolǵan 75 jastaǵy frantsýz qaza tapty
2022 jylǵy 23 qańtar 13:53

Muhıtty eskek qaıyqpen kesip ótpek bolǵan 75 jastaǵy frantsýz qaza tapty

LONDON. QazAqparat - 75 jastaǵy frantsýz saıahatshysy Jan-Jak Saven muhıttaǵy ekinshi jeke saıahatynda qaıtys boldy - ol Atlant muhıtyn eskekpen kesip ótpek boldy, dep habarlaıdy QazAqparat BBC jańalyqtaryna silteme jasap.

Juma kúni Savenniń aýdarylǵan qaıyǵy saıahatshy bastaǵan Portýgalııadan bir jarym myń shaqyrymdaı jerde Azor araldarynan tabyldy.

Saven qazasynyń sebepteri men jaǵdaılary áli belgisiz.

«Ókinishke qaraı, bul joly muhıt bizdiń dosymyzdan kúshti boldy, ol teńizdi jáne onda saıahattaǵandy súıetin», - delingen Savenniń Facebook paraqshasynda.

Saven 1 qańtarda Portýgalııanyń Sagreshinen Atlant muhıty arqyly ekinshi saıahatyna shyqty.

Birinshisin ol úsh jyl buryn úlken, arnaıy salynǵan bóshkede jasaǵan. Beısenbige qaraǵan túni Saven eki márte apat sıgnalyn bergen.

Sodan keıin onymen baılanys úzilgen. Ol buǵan deıin sársenbi kúni Facebook-te qatty jel onyń jolyn 900 shaqyrymǵa uzartqanyn jáne onyń kún panelimen qıyndyqtary bar ekenin jazǵan.

Biraq oqyrmandardy alańdaıtyn eshteńe joq jáne ol aqaýlardy tez arada túzetetinine sendirdi.

Burynǵy desantshy, keıinirek jeke ushqysh bolǵan Saven ótken aptada 75 jasqa tolǵan týǵan kúnin qaıyǵynda shampan iship atap ótti.

Ol óziniń segiz metrlik qaıyǵymen muhıtty shamamen úsh aıda kesip ótýdi josparlaǵan. Ol bul áreketin «kárilikke kúlý tásili» dep sanaǵan.


Avtor:
Tilshi

Jańalyqtar

MURAǴAT