+7 (701) 759 90 19
USD 425.48 EUR 494.2
RUB 6.14 CNY 66.67
Jańalyqtar

Múgedektik rásimdeý áleýmettik turǵyda «tartymdy» iske aınalyp barady – Dáýren Abaev

2021 jylǵy 2 qyrkúıek 22:50
Bólisińiz:
Múgedektik rásimdeý áleýmettik turǵyda «tartymdy» iske aınalyp barady – Dáýren Abaev

NUR-SULTAN. QazAqparat – QR Prezıdent ákimshiligi basshysynyń birinshi orynbasary Dáýren Abaev «Ashyq dıalog 2» suhbatynyń kezekti sanynda Prezıdent Joldaýynda aıtylǵan jańa Áleýmettik kodekstiń mańyzyna toqtaldy, dep habarlaıdy QazAqparat tilshisi.

Uqsas jańalyqtar
903,9 myń adamǵa ataýly áleýmettik kómek taǵaıyndaldy Temirtaýda Ulttyq ulan sarbazy ózine oq atyp kóz jumdy

«Prezıdent áskerge barý mamandyq alýdyń taǵy bir múmkindigi bolý kerektigin aıtty. Bul da óte mańyzdy tezıs dep oılaımyn. Óıtkeni shuǵyl áskerı qyzmetkerlerdi daıarlaý isine tyńǵylyqty qaraýǵa jol ashady. Negizinde bul jerde azamattyq qyzmettiń keıbir elementterin kirgizý týraly aıtylyp otyr. Ásker qatarynan bosaǵannan keıin azamattar tek qana saptyq, jaýyngerlik qabiletterdi ǵana emes, bazalyq, kásibı qabyletterdi meńgerip, azamattyq ómirde jumysqa ornalasa alýy kerek. Bizde mektepten keıin memlekettiń nazarynan tys qalatyn adamdar bar. Bálkim sabaq úlgeriminiń nasharlyǵynan joǵary oqý ornyna túse almaıtyn shyǵar. Olardy kóp jaǵdaıda jumysqa da almaıdy. Óıtkeni joǵary bilimi men jumys tájirıbesi joq degen sııaqty. Ondaı jandarǵa ne isteý kerek? Ne qylmysqa aralasady, ne masyldyqqa tap bolady. Kezdeısoq tabystarǵa arqa súıep kúneltýi múmkin. Osy tusta armııa áleýmettik turǵyda óz múmkindigińdi iske asyrýdyń jaqsy baspaldaǵy bola alady. Árıne, bul áleýetti paıdalaný kerek», - dedi Prezıdent ákimshiligi basshysynyń birinshi orynbasary.

Onyń sózine qaraǵanda, Prezıdent Joldaý arqyly jetkizgisi kelgen taǵy bir mańyzdy messedj – jańa Áleýmettik kodeks áleýmettik baǵdarlamalardy sanaly túrde paıdalaný kerektigi týraly aıtqany.

«Áńgime ne týraly bolyp otyr? Mysaly, óńirlerdegi ahýaldyń monıtorıngteri keıde múgedek múshesi bar otbasylar, ókinishke qaraı, ol adamnyń saýyǵýyna múddeli emes ekenin kórsetken. Mundaı jaıttar kezdesip jatyr. Nege? Óıtkeni ol áleýmettik kiris pen jeńildiktiń mańyzdy kózi. Múgedektik rásimdeý áleýmettik turǵyda «tartymdy» iske aınalyp barady. Bul máseleniń ádep jaǵyn qozǵaǵym kelip otyrǵan joq. Árıne, ómirde túrli jaǵdaı bolady. Áleýmettik qorǵaý júıesi adamdy jumysqa ornalasýǵa, oqýǵa, áleýmettik ómirge belsendi kirisýge yntalandyrmaıtyny óz aldyna bólek másele», - degen spıker buǵan deıin atamlysh másele eń ońaı jolmen rettelip kelgenin eske aldy.

«Dóreki estiletin shyǵar, biraq biz ondaı azamattardyń problemasynan áleýmettik kómek arqyly jaltarǵymyz keledi. Al basqa elderde, Eýropa elderinde áleýmettik qoldaýdyń jumysqa ornalastyrý, oqytý sııaqty basqa formalary qoldanylady. ıAǵnı, Prezıdent bul jerde memleket áleýmettik kómekti qaıyrymdylyq prıntsıpteriniń negizinde emes, áleýmettik ádildik prıtsıpteriniń negizinde qurýdy usynady. Meniń oıymsha, kóptegen múgedekter buǵan da muqtaj. Bul da joǵary quzyrettilikti qajet etetin kúrdeli mindet. Biraq problema bar eken, ony sheshý mindeti de týyndaıdy. Prezıdent Joldaýynda osy máseleni qozǵady», - dedi Dáýren Abaev.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT