+7 (701) 759 90 19
USD 376.51 EUR 418.91
RUB 6.13 CNY 54.90
Jańalyqtar

Múgedekterge arnalǵan «Teń jol» avtomektebi úzdik joba atandy

2019 jylǵy 7 qarasha 20:40
Bólisińiz:
Múgedekterge arnalǵan «Teń jol» avtomektebi úzdik joba atandy

PETROPAVL. QazAqparat – Petropavl qalasynyń turǵyny Sálimhan Sábıtovtyń «Teń jol» múgedekterge arnalǵan avtomektebi jobasy «Qazaqstannyń úzdik áleýmettik jobasy» respýblıkalyq baıqaýynda úzdikter qatarynan kórindi, dep habarlaıdy QazAqparat tilshisi.

Uqsas jańalyqtar
Jumys berýshiler múgedekterdi jumysqa ornalastyrý kvotasyn oryndamaı otyr – Saparbaev Birjan Nurymbetov múgedekterdi ońaltý júıesine enetin jańashyldyqtardy atady Birjan Nurymbetov: Kez kelgen qurylysty bastarda múgedekterge jaıly bolýyn eskerý kerek

Avtokólik júrgizgip úırengisi keletin múmkindigi shekteýli jandarǵa arnalǵan avtomektep Petropavl qalasynda jumys istep jatyr. Ideıa avtory – qala turǵyny Sálimhan Sábıtov. Bul jerde negizinen tirek-qımyl júıesi buzylǵandar oqıdy. Olarǵa yńǵaıly bolý úshin oqytý avtokóligi Chelıabi qalasynda qaıta jaraqtandyryldy. Qazirdiń ózinde avtomektepti 4 adam aıaqtap, kópten kútken qujatyn qolǵa aldy.

«Kólikti júrgizýge otyrǵanda qatty qoryqqanym esimde. Biraq armanyma jetý úshin ol qorqynyshty jeńý kerek boldy. Benzostroı yqsham aýdanynda turamyn. Basynda sol aýdannan shyqpaıtynmyn. Qazir qala ortasynda da erkin júremin», - deıdi avtomektep túlegi Ekaterına Zeletskaıa.

«Teń jol» - respýblıka boıynsha teńdesi joq biregeı avtomektep. Sodan da bolar, Sálimhan Sábıtov osy jobasymen respýblıkalyq baıqaýda 228 úmitkerdiń ishinen úshinshi orynǵa ıe boldy. Nátıjesinde ol 500 myń teńgeniń sertıfıkatymen marapattaldy.

«Jobalardyń kópshiligi maǵan unady. Baıqaýǵa qatysýshylar óz jumystaryn memleketimizdiń ózekti máseleleri boıynsha ázirlepti. Onyń ishinde ekologııa, ınklıýzııa bar. Buǵan deıin tek Eýropada júzege asyrylyp jatqan jobalar endi elimizde de iske asyrylyp jatyr eken», - deıdi Sálimhan Sábıtov.


Jobalardyń tek 57-si ǵana úzdik dep tanyldy. SQO-dan usynylǵan Sálimhannyń áleýmettik jobasy endi respýblıka kóleminde júzege asyrylmaq.

«Osy baıqaýda men basqa qalalardan kelgen qatysýshylarmen tanysyp, sóılestim. Jobama qyzyqqandar boldy, «ashsańyzdar, men sizderge franshıza retinde satpaımyn, syıǵa beremin» dedim. Endi Qostanaı jáne Jańaózen qalalarynda jazǵa qaraı fılıaly ashylady dep josparlap otyrmyz», - deıdi joba avtory.

Mamandardyń aıtýynsha, búginde Petropavl qalasynda ǵana 10 myńnan astam múgedek jan bar. Onyń 800-den astamynyń avtomektepte oqyp, júrgizýshi kýáligin alýǵa múmkindigi bar.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT