+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

Múgedek stýdentti avtobýstan túsirip tastaǵan: Astana LRT oqıǵanyń mán-jaıyn aıtty

2019 jylǵy 22 qarasha 20:12
Bólisińiz:
Múgedek stýdentti avtobýstan túsirip tastaǵan: Astana LRT oqıǵanyń mán-jaıyn aıtty

NUR-SULTAN. QazAqparat - Qosshyda júrgizýshi aıazdy kúni múgedek stýdentti avtobýstan túsirip tastaǵan oqıǵaǵa qatysty Astana LRT túsinikteme berdi, dep habarlaıdy QazAqparat tilshisi.

Uqsas jańalyqtar
Tótenshelikter jolda qalǵan avtobýstyń jolaýshylaryn evakýatsııalady SQO avtojolynda Túrkııa azamattary jolda qaldy Stýdentti avtobýstan túsirip ketken astanalyq júrgizýshi jumystan qýyldy

«Keshe Facebook áleýmettik jelisinde kámelet jasyna tolmaǵan jasóspirimdi -25 gradýs sýyqta avtobýstan túsirip ketti degen shaǵym jazyldy. Keıin anyqtalǵandaı jasóspirimniń ózimen birge jeńildigi bar «Aımaq» atty tólem kartasy bolmaǵan. Iá, jolaýshynyń arnaıy jeńildigi bolǵan, biraq ol qalanyń ishinde ǵana jaramdy. Jalpy qoǵamdyq kólikterdegi jeńildikke qatysty qalalyq máslıhattyń 2017 jyly qabyldaǵan arnaıy sheshimi bar. Oǵan sáıkes jolaýshylar jeńildikti tek qalanyń ishinde ǵana qoldana alady. Jolaýshy Qosshy eldimekeninen mingen, al ol qala aýmaǵyna jatpaıdy. Bizde elordamen irgeles Arshaly jáne Tselınograd aýdandarymen kelisim bar, oǵan sáıkes atalǵan aýdan turǵyndary úshin qala irgesine qatynaıtyn qoǵamdyq kólikterge jeńildik qarastyrylǵan. Biraq ol qaladan tys syrtqy qozǵalysqa arnalǵan», - dedi Astana LRT JShS baspasóz qyzmetiniń jetekshisi Naýat Azanbaeva.

Onyń aıtýynsha, qyzmettik tekseristen keıin júrgizýshige qatysty tıisti sharalar qabyldanady.

«Taǵy bir aıtyp ótetin jaıt, stýdentti túsirip ketken avtobýstyń nómiri men onyń júrgizýshisi týraly naqty derek joq. Sebebi shaǵym túsirýshi avtobýstyń nómiri men júrgizýshiniń aty-jóni kórsetpegen. Degenmen biz tekserý jumystaryn júrgizip, jobamen avtobýs pen onyń júrgizýshisin tapqan boldyq. Qazir júrgizýshi jumysta bolǵandyqtan biz ony shaqyra almaımyz, erteń jumystan bos kezinde shaqyryp máseleni qarastyratyn bolamyz. Jolaýshynyń aıtýy boıynsha, júrgizýshi jeńildik kartasy jaramsyz bolǵandyqtan odan qolma qol aqshalaı tóleýin suraǵan, óz kezeginde stýdent aqshasynyń joqtyǵyn aıtqan. Sodan soń júrgizýshi jolaýshyny avtobýstan túsirip tastaǵan. Árıne, biz júrgizýshiniń aıazdy kúni jolaýshyny joldan tastap ketý áreketin qoldamaımyz», - dedi ol.

Aıta ketsek, buǵan deıin Aqmola oblysy aýmaǵyndaǵy «Lesnaıa polıana» aıaldamasynda qoǵamdyq kólik júrgizýshisi 17 jastaǵy múgedek stýdentti aıazdy kúni avtobýstan túsirip tastaǵany týraly habarlaǵan bolatynbyz.

Bizdiń kanalymyzǵa jazylyńyz:

Basty sózder: Nur-Sultan, Aqmola oblysy, Kólik,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT