+7 (701) 759 90 19 Lenta
USD 385.16 EUR 425.95
RUB 6.01 CNY 54.51
Jańalyqtar

Múgedek arbasynda otyrsa da kópke úlgi bolǵan kásipker áıel

2019 jylǵy 19 tamyz 17:36
Bólisińiz:
Múgedek arbasynda otyrsa da kópke úlgi bolǵan kásipker áıel

NUR-SULTAN. QazAqparat - Aýyl turǵyndary kásippen aınalysatyn bolsa memleket tarapynan kórsetiletin qoldaýlar men jeńildikter barshylyq. Osyndaı qoldaýǵa ıe bolyp otyrǵandardyń biri atyraýlyq kásipker Álııa Isımova. Ol múgedek arbasynda otyryp-aq, halyqqa qyzmet kórsetip, balalar úıine qaıyrymdylyq jasap júrgen erekshe adam.

Uqsas jańalyqtar
Bıznesmenderdiń kóbi naryqqa shyǵýdyń erejesin bilmeıdi - EEK Mınıstr kásipkerlerdi «ımporttyq qoqyspen» kúresýge shaqyrdy ShQO-da «Jas kásipker» jobasyna qatysýshylar sany myńnan asty

Geolog eldimekeninde turatyn kásipker Álııa Isımovanyń jasy 54-te, eki balanyń anasy, toǵyz nemereniń ájesi. Ózi І-toptaǵy múgedek bolsa da, jigeri muqalmaǵan. Alǵashynda úıinde otyryp 3-4 tigin mashınasyn satyp alyp, aýyl turǵyndaryna qyzmet kórsetýdi bastap ketken. Tapsyrys kóbeıe bastaǵan soń Álııa úlken sheberhana ashýdy josparlapty. Aldymen «Damý» qory men ekinshi deńgeıli bankterge barady. Alaıda, olardyń nesıe rásimdeý talaby unamaı, Aýyl sharýashylyǵyn qarjylaı qoldaý qoryna baryp kóredi.

«Aýyl sharýashylyǵyn qarjylaı qoldaý qory biraz jeńildik qarastyrady eken. Munda tipti kásibińdi turaqty tabys kózine aınaldyryp alǵansha 18 aıǵa deıin jeńildik merzimi baryn, kelesi jyly qosyp óteýge bolatyn jeńildikter bar ekenin túsindirdi. Bıznesti qalaı bastaımyn dep senimsizdikpen kelgen azamattarǵa bul úlken qoldaý. Taǵy bir ereksheligi kepildikke alatyn múlik aýyldyq jerde bolsa da shekteý qoıylmaıtyndyǵy qyzyqtyrdy. Biz úshin nesıeniń 6 paıyzdyq mólsherlememen beriletininiń ózi úlken jeńildik boldy»,-deıdi kásipker.

Osylaısha, Álııa mamandarmen keńesip, 2016 jyly Geolog aýylynda tigin sheberhanasyn salý úshin Aýyl sharýashylyǵyn qarjylaı qoldaý qorynan 6 paıyzdyq mólsherlememen 5 jylǵa 6 mln teńge nesıe alyp, qurylysty bastap ketedi. Qurylys bitken soń 2017 jyly taǵy 3 mln teńge nesıe rásimdegen. Ol qarjyǵa sheberhana ishine qural jabdyqtar men tigin mashınalaryn satyp alyp, jumysyn tolyq iske qosqan. Sóıtip, kásipker jańa sheberhanada suranysqa saı barlyq tapsyrystardy qabyldaı bastaıdy.

«2018 jyly kásibimdi keńeıtip, zamanaýı úlgige saı tige alatyn mashınalar satyp alý úshin taǵy 5 mln teńge rásimdedim. Bul nesıe maǵan «Kásipker» baǵdaramasy arqyly 4 jylǵa berildi. Búginde kóbine balalardyń kıimderin tigip, jergilikti naryqqa ótkizip otyrmyz. Suranystyń arqasynda nesıeni jabýǵa tabysymyz jetkilikti. Buǵan qosa jumyssyz 10 áıeldi turaqty jumyspen qamtyp otyrmyn. Bul úkimettiń aýyl kásipkerlerine jasaǵan qoldaýynyń nátıjesi», - deıdi Álııa Isımova.



Qazir mektep, balabaqshadan tapsyrystar túsip jatqan qarbalas kezeń. Álııa aldaǵy ýaqytta 300 sharshy metr tigin sheberhanasyn taǵy 140 sharshy metrge keńeıtýdi josparlap otyr.

Jalpy Atyraý oblysynda bıyl 1 tamyzǵa deıingi esep boıynsha 187 kásipker 1 mlrd 148 mln teńgeniń nesıesin alǵan. Onyń 80 paıyzy kásibin jańadan ashqandar.

Aıta ketý kerek, Aýyl sharýashylyǵyn qarjylaı qoldaý qory aýylda iske asyrylatyn kásiptiń barlyq túrine tómen paıyzben nesıe beredi. Nesıelendirý merzimi - 5 jylǵa, aýyl sharýashylyǵyna 6,5 jylǵa deıin. Kásip bastaǵandarǵa jeńildik merzimi qarastyrylǵan. Kepildikke aýyldyq jerlerdegi múlkin de qoıýǵa bolady. Bir sózben aıtqanda, nesıe alýdyń sharttary jeńil, talaptary qıyn emes. Aýyl turǵyndarynyń kásippen aınalysýyna memleketten barynsha qoldaý kórsetiledi, tek eńbek etý kerek.



Bizdiń kanalymyzǵa jazylyńyz:

Bólisińiz:

Aýdarma:

Qanat Mámetqazyuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT