Muǵalimderdiń keshiktirilgen 28 mlrd teńge eńbekaqysy bir apta ishinde aýdarylady - mınıstrlik
2022 jylǵy 22 maýsym 20:19

Muǵalimderdiń keshiktirilgen 28 mlrd teńge eńbekaqysy bir apta ishinde aýdarylady - mınıstrlik

NUR-SULTAN. QazAqparat - QR Oqý-aǵartý vıtse-mınıstri Ǵanı Beısembaevtyń eńbek demalysy tólemderin tóleýge qatysty túsinikteme berdi, dep habaralıdy QR Oqý-aǵartý mınıstrliginiń baspasóz qyzmeti.

Ǵanı Beısembaev maýsym aıynyń basynan bastap ákimdikter pedagogterge 246 mlrd teńge kóleminde eńbek demalysy aqysyn ýaqytyly aýdarǵanyn, óńirlerdiń basym bóliginde muǵalimderge eńbek demalysy aqysy tolyq tólengenin aıtty.

Sondaı-aq, birqatar óńirde 28 mlrd teńge kólemindegi qarajat ýaqtyly aýdarylmaǵanyn atap ótti.

«Eńbek demalysy men aı saıynǵy eńbekaqy jergilikti bıýdjet esebinen (ákimdikter) tólenetinin eske sala keteıik. Sonymen qatar taldaý barysynda mınıstrlik birqatar óńirde 28 mlrd teńge kólemindegi qarajat ýaqtyly aýdarylmaǵanyn tirkedi. Munyń basty sebebi - qarajattyń jetispeýshiliginen emes, kerisinshe jergilikti deńgeıdegi jumystar men rásim máselelerine baılanysty bolyp otyr.

Bul máseleler tolyǵymen jergilikti bilim basqarmalarynyń quzyretine jatady. Sondyqtan mundaı málimdemelerge jaýapkershilikpen qarap, keıbir máselelerdiń qaı memlekettik organdardyń quzyrynda ekenin eskerýdi suraımyz», - dedi vıtse-mınıstr.

Mınıstrlik málimetine saı, másele mınıstrliktiń baqylaýynda tur. Ákimdikterdiń málimetinshe, tólem máselesi bir apta ishinde sheshiledi. Sapany qamtamasyz etý jónindegi óńirlik departamentter bilim berý salasy qyzmetkerlerine aı saıynǵy eńbekaqyny ýaqtyly tóleýin baqylaýdy jalǵastyrady.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT