+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Muǵalimderdiń balalary balabaqshaǵa kezeksiz qabyldanady – QR zańy

2020 jylǵy 20 mamyr 15:49
Bólisińiz:
Muǵalimderdiń balalary balabaqshaǵa kezeksiz qabyldanady – QR zańy

PETROPAVL. QazAqparat – Soltústik Qazaqstan oblysynyń ortalyǵy – Petropavl qalasynda pedagogter qaýymynyń balalary mektepke deıingi mekemege kezeksiz qabyldanatyn bolady, dep habarlaıdy QazAqparat tilshisi.

Bul jeńildik bilim berý salasynyń qyzmetkerlerine «Pedagog mártebesi týraly» QR Zańyna sáıkes jasalyp otyr.

Qazir tek Petropavl balabaqshalarynda ǵana 1 myń 198 tárbıeshi, mektepterde 2 myńnan astam muǵalim eńbek etedi. Olar balalaryn mektepke deıingi bilim berý mekemesine kezeksiz ornalastyrý úshin indigo saıtyna kirip, ózi jaıynda málimet qaldyrýy tıis.

«Saıtqa kirip, óziniń jeke kabınetinde mártebesin rastap, JSN kórsetýi kerek. Jalpy, balabaqshaǵa ornalastyrýda jeńildik buǵan deıin áskerı qyzmetshilerge jasalyp keldi. Budan basqa, kópbalaly otbasydan shyqqan, múmkindigi shekteýli jáne jetim balalar da kezekti kóp kútpeıtin», - deıdi Petropavl qalalyq mektepke deıingi tárbıe jáne oqytý sektorynyń meńgerýshisi Saıran Ispandıarova.

Búginde Petropavlda 6,5 myńnan astam búldirshin balabaqshaǵa kezekte tur. Bul, ótken jylmen salystyrǵanda 3,5 myńǵa az.

«Ata-analarǵa balalaryn kezekke qoıý úshin ákimdikke barýdyń qajeti joq. 2018 jyldan bastap bul qyzmet avtomattandyryldy. Byltyr indigo saıtynda «erte brondaý» bólimi engizildi. Jalpy, bul saıttan balabaqshaǵa qajetti bar aqparatty alýǵa bolady», - deıdi Saıran Ispandıarova.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT