Muǵalimderdi maman tapshy óńirlerge tartýǵa arnalǵan jańa baǵdarlama bastaldy
2022 jylǵy 21 maýsym 16:53

Muǵalimderdi maman tapshy óńirlerge tartýǵa arnalǵan jańa baǵdarlama bastaldy

NUR-SULTAN. QazAqparat – Elimizde muǵalimder tapshylyǵy bar jáne bilim sapasy nashar óńirlerge úzdik pedagogterdi tartý boıynsha arnaıy baǵdarlama qolǵa alyndy. Bul týraly QR Oqý-aǵartý mınıstrligi Mektepke deıingi jáne orta bilim komıtetiniń tóraǵasy Gúlmıra Kárimova málim etti, dep habarlaıdy QazAqparat tilshisi.

QR Oqý-aǵartý mınıstrliginiń málimetine sáıkes, muǵalimder tapshylyǵy jáne bilim sapasy nashar óńirler máselesi Túrkistan, Atyraý, Mańǵystaý jáne Almaty oblysyna qatysty bolyp otyr.

Atalǵan aımaqtarda matematıka, fızıka, hımııa, orys tili men ádebıeti jáne shetel tili muǵalimderi jetispeıdi.

Máseleni sheshý úshin mınıstrlik pedagogterge arnalǵan arnaıy baıqaý jarııalap otyr. Qajetti qujattar tizimi óńirlik bilim basqarmalary jáne NZM-niń (Nazarbaev zııatkerlik mektebi) aqparat resýrstarynda ornalastyrylǵan. Qujat qabyldaý 2022 jylǵy 26 maýsymǵa deıin júredi.

«Muǵalimder osy baǵdarlamaǵa qatysyp óz baǵyn synaı alady. Baǵdarlamaǵa tájirıbeli ustazdarmen qatar oqýdy endi bitirgen jas mamandar da ótinim bere alady. Joǵaryda atalǵan 4 óńirde úılestirý keńesi quryldy. Baǵdarlamaǵa qatysýshy ustazdar aldymen óz páni boıynsha test tapsyrady. Ekinshi kezeńge ótkender 350 sózden turatyn esse jazýy kerek. Eki kezeńnen sátti ótken muǵalim sońǵy áńgimelesýden ótedi. Áńgimelesý ZOOM platformasy arqyly suraq-jaýap túrinde uıymdastyrylady», - dedi Gúlmıra Kárimova mınıstrliktiń «Oqu-ağartu LIVE» jobasynyń tikeleı efırinde.

Onyń aıtýynsha, baǵdarlamaǵa qatysýshy muǵalim barlyq tapsyrmanyń 60 paıyzyn sátti oryndaǵan jaǵdaıda joldama alady.

Sondaı-aq, ustazdar synaqty óńirlerdegi Nazarbaev zııatkerlik mektebinde tapsyrady.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT