Muǵalimderdi artyq jumystarǵa tartqandarǵa aıyppul salynady

NUR-SULTAN. QazAqparat - Muǵalimderdi artyq jumystarǵa tartqandyǵy úshin tıisti aıyppuldar bolady. Osylaısha, pedagogtarǵa qatysty shamadan tys júkteme azaıtylmaq. Bul týraly Parlament Májilisinde «Pedagog mártebesi týraly» zań jobasynyń tanystyrylymynan keıin QR Bilim jáne ǵylym mınıstri Ashat Aımaǵambetov aıtty, dep habarlaıdy QazAqparat tilshisi.

Uqsas jańalyqtar

Mektepterde magıstr dárejesi bar ustazdarǵa qosymsha aqy tólenedi

Muǵalimder úshin jańa memlekettik syılyq taǵaıyndalady Pedagog mártebesi: El kútken eki usynys elekten ótpeı tur Aımaǵambetov: «Pedagog mártebesi týraly» zańdy jyl sońyna deıin qabyldaýymyz kerek

«Memleket basshysy muǵalimderdi kerek emes ártúrli jumystarǵa tartýǵa tosqaýyl qoıý máselesin kóterdi. Bul rette qaptaǵan esepter men artyq jumystar barshylyq. Sondyqtan bul baǵytta tıisti sharalardy atqaramyz. Zań jobasynda qajetti sanktsııalar qarastyryldy», - dedi mınıstr.

Belgili bolǵandaı, muǵalimderdi olarǵa qatysy joq jumystarǵa tartqany úshin jáne artyq eseptilikke jekkeni úshin 20-dan 120 AEK-ke deıin aıyppul qarastyrylǵan. Sonymen qatar, osyndaı aıyppul jumys ýaqytynyń normasyn zańsyz asyrǵany úshin de eskerilgen.

«Bul sharalar óziniń úlken septigin tıgizedi dep oılaımyn. Mysaly, dırektorlar, ákimdikter jáne basqa memlekettik organdarǵa qatysty. Búginde mektepke kimder kelmeıdi? Tekserýshi organdar da az emes. Kerek emes ártúrli aqparat surasa, muǵalimderdi jumysyna tán emes sharalarǵa tartatyn bolsa, onda tıisti jaza qoldanýǵa múmkindik týdy. Zań jobasy qabyldanǵannan keıin biraz jaqsy ózgerister bolady dep sanaımyn», - dedi A. Aımaǵambetov.