+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Muǵalimder eki aı boıy biliktilik arttyrýǵa arnalǵan tegin kýrstan óte alady

2021 jylǵy 15 shilde 12:10
Bólisińiz:
Muǵalimder eki aı boıy biliktilik arttyrýǵa arnalǵan tegin kýrstan óte alady

NUR-SULTAN. QazAqparat - Bilim jáne ǵylym mınıstrliginde mektep pedagogteri úshin tegin tsıfrlyq kýrstar ázirlendi, dep habarlaıdy QazAqparat.

Onlaın kýrstar 2 tamyzda bastalyp, 31 qazanǵa deıin jalǵasady. Oǵan pedagogıkalyq joǵary oqý oryndarynyń stýdentteri de qatysa alady.

«Pandemııa jaǵdaıynda muǵalimderdiń róli, qoǵamdaǵy orny men eńbegi odan ári aıqyndala tústi. Tsıfrlandyrý zamanynda muǵalimderdiń ІT quzirettilikterin arttyrý qajet. Kýrs pedagogterdiń tsıfrlyq daǵdylaryn jetildirýge baǵyttalǵan. Kýrs baǵdarlamasy Eýropalyq bilim qorymen birlesip ázirlendi. EBQ sarapshysy beınepedagogıka negizderi boıynsha sessııa ótkizip, beınematerıaldar jasaý boıynsha óz ádistemesimen bólisedi. Kýrs bilim jáne ǵylym mınıstrliginiń www.edu.kz platformasynda ornalastyrylady. Sondaı-aq Microsoft Kazakhstan, Bilim Media Group jáne Kundelik oqytý kýrsy aıasynda pedagogterge arnalǵan beınedárister ázirledi», – dedi QR BǴM «Órleý» biliktilikti arttyrý ulttyq ortalyǵynyń basqarma tóraıymy Ásel Muhametjanova.

Qazaqstandyq muǵalimder Fınlıandııa men Ońtústik Koreıanyń bilim berý protsesine ınnovatsııalyq tehnologııalardy ıntegratsııalaý tájirıbesimen tanysady.

Kýrsta tsıfrlyq bilim berý tehnologııalaryn paıdalana otyryp, pedagogterdi sabaqty jobalaý ádistemelerine úıretedi.

Sondaı-aq pedagogter ActivStudio, Pictochart, Jamboard, Prezi, Flippity sandyq baǵdarlamalaryn kásibı túrde meńgerip, ulttyq bilim derekqorynyń resýrstaryn paıdalanýdy úırenedi.

QR BǴM qosymsha bilim pedagogteri úshin de kýrstar uıymdastyryp, qazirgi tańda 2000-ǵa jýyq pedagog biliktiligin arttyrdy.

Olar úshin jetekshi ǵalymdardyń, oqytýshylardyń jáne praktık-pedagogterdiń arnaıy master-klastary uıymdastyryldy.

«Kýrstyń árbir qatysýshysy óz tájirıbesin basqalardyń nátıjelerimen salystyrýǵa, óziniń atqarǵan jumysynyń baǵasyn bilýge, sondaı-aq áriptesteriniń, ǵalymdardyń, ádisker-praktıkterdiń keńesteri men usynymdaryn tyńdaýǵa múmkindik aldy. Biliktilikti arttyrý kýrstary pedagogterdi jetildirýge kómektesip, olardyń kásibı qarym-qatynas aıasyn keńeıtedi», –dep atap ótti QR BǴM Respýblıkalyq qosymsha bilim berý oqý-ádistemelik ortalyǵynyń dırektory Raısa Sher.

Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT