FÝTBOLDAN ÁLEM ChEMPIONATY-2022

Muǵalimder 5 kúndik jumys aptasyna kóshti - buıryq

2022 jylǵy 3 qazan, 11:50
Muǵalimder 5 kúndik jumys aptasyna kóshti - buıryq

ASTANA. QazAqparat – QR Oqý-aǵartý mınıstri pedagogterdi beskúndik jumys rejımine kóshirý týraly buıryǵy kúshine endi, dep habarlaıdy QazAqparat tilshisi.

Qujattyń tolyq ataýy – «QR Oqý-aǵartý mınıstriniń Pedagogtiń jumys ýaqyty men demalys ýaqyty rejıminiń erekshelikterin aıqyndaý qaǵıdalaryn bekitý týraly QR Bilim jáne ǵylym mınıstriniń 2020 jylǵy 21 sáýirdegi № 153 buıryǵyna ózgerister engizý týraly» 2022 jylǵy 27 qyrkúıektegi № 410 buıryǵy.

Qujat boıynsha úsh aýysymdyq oqytý rejıminde jumys isteıtin jáne oryn tapshylyǵy bar, tehnıkalyq jáne kásiptik, orta bilimnen keıingi bilim berý uıymdarynan basqa mektepke deıingi tárbıe jáne oqytý oryndarynda, orta bilim berý uıymdarynda bes kúndik jumys aptasy belgilenedi.

ıAǵnı, demalys kúnderi senbi men jeksenbi bolmaq. Al úsh aýysymdyq júıemen oqytatyn jáne oryn tapshylyǵy bar orta bilim berý uıymdarynda aptasyna alty kún jumys isteıtin pedagogter úshin demalys kúni jeksenbi bolady.

Buıryqta qosymsha bilim berý baǵdarlamalary boıynsha sharttyq negizde jumys isteıtin mektepke deıingi uıymdardyń pedagogteriniń jumys ýaqyty men demalys rejımi ishki tártip erejelerimen belgilenetini aıtylǵan.

Qujat 1 qazannan bastap kúshine endi.

Eske salsaq, buǵan deıin Oqý-aǵartý mınıstri Ashat Aımaǵambetov bilim basqarmalary men respýblıkalyq uıymdardyń basshylarymen jańa oqý jylyna daıyndyq máseleleri boıynsha keńes ótkizgen edi.


Uqsas jańalyqtar
Seriktester jańalyqtary

Jańalyqtar