+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Muǵalim jalaqysyn esepteýdiń ındıkatory ózgerýi kerek - Aıgúl Muqasheva

2019 jylǵy 15 tamyz 13:35
Bólisińiz:
Muǵalim jalaqysyn esepteýdiń ındıkatory ózgerýi kerek - Aıgúl Muqasheva

NUR-SULTAN. QazAqparat - Qazaqstan bilim jáne ǵylym salasy qyzmetkerleriniń kásipodaq uıymy tóraǵasynyń orynbasary Aıgúl Muqasheva erteń Tamyz keńesine Memleket basshysynyń qatysýy pedagog mártebesin kóterýge jasalǵan eleýli qadam ekenin aıtty, dep habarlaıdy QazAqparat tilshisi.

Uqsas jańalyqtar
Qaraǵandyda qazaq tilin oqytýda tsıfrlyq tehnologııalardy paıdalaný múmkindikteri talqylandy Jambylda 1000-ǵa jýyq oqýshy qatysqan oblystyq slet ótti Fatıma Jaqypova QR bilim jáne ǵylym vıtse-mınıstri qyzmetinen bosatyldy

«Pedagog mártebesin retteıtin zań jobasy ustazdar qaýymy kópten beri qordalanyp qalǵan máselelerdi sheshedi degen úmitpen otyr. Zań jobasy qazir Úkimetke tústi. Úkimetten keıin Parlament talqysyna túsedi. Erteń respýblıkalyq tamyz keńesi bolady. Ol keńesten úlken jańalyq kútemiz. Óıtkeni, tarıhymyzda birinshi ret Tamyz keńesine el Prezıdenti Qasym-Jomart Toqaev qatysqaly otyr», - deıdi kásipodaq ókili.

Aıgúl Muqasheva ustaz tabysynyń eldegi ortasha eńbekaqy mólsherinen tómen bolýy ádiletsiz dep sanaıdy.

«Ustaz mártebesi degende eń birinshi oıǵa eńbekaqy túsedi. Qazir ustazdardyń alatyn jalaqasy respýblıkalyq ortasha eńbekaqy mólsherinen 40 paıyz tómen. Oqý bitirip, jańadan jumysqa kirgen muǵalimderdiń jalaqysy nebári 50 myń teńgeden kóp bolmaıdy. Kásipodaq tarapynan kópten beri aıtylyp júrgen máseleniń biri – jalaqyny esepteý júıesine qatysty. Bazalyq laýazymdyq jalaqy degen uǵym bar. Qazir onyń kólemi – 17 697 teńge. Jalpy jalaqy osy bazalyq laýazymdyq jalaqydan bastap esepteledi. Biz sol bazalyq aqynyń mólsherin mınımaldy aılyq eńbekaqy kólemimen teńestirýdi usynyp otyrmyz. Qazir onyń kólemi – 42 500 teńge. Osy ındıkatordy aýystyrsa, muǵalimniń jalaqysy da naqty óser edi. Ol usynysty áleýmettik seriktestigimiz bolyp sanalatyn QR Bilim jáne ǵylym mınıstrligi de qoldap otyr, depýtattar da kóterip júr», - degen maman muǵalimder tarapynan kásipodaq uıymyna jyl saıyn myńdaǵan shaǵym túsetinin aıtady.

«Bilim jáne ǵylym salasy qyzmetkerleriniń kásipodaǵy eń iri qoǵamdyq uıym bolyp esepteledi. Qatarymyzda 700 myńnan astam kásipodaq múshesi bar. Solardyń júginimderi boıynsha byltyr muǵalimderge tıesili 300 mln teńgege jýyq qarajat qaıtaryldy. ıAǵnı, muǵalimderdiń eńbekaqysyn zańsyz ustap qalǵan nemese tólenbeı qalǵan. Bıylǵy alty aıdyń ózinde 120 mln teńge ustazdarǵa qaıtaryldy. Mańǵystaý oblysynda eńbek demalysy men saýyqtyrý ótemaqysy esebinen tólenetin 6,5 mlrd teńge ýaqytynda aýdarylmaǵany anyqtalǵan bolatyn. Qazirgi tańda bul soma túgel tólendi. Birinshi jartjyldyqta bizdiń kásipodaqqa pedagogtar tarapynan 1,5 myń jazbasha ótinish tústi. Onyń kóbi eńbekaqyny zańsyz ustap qalý nemese tólemeı qoıýǵa, jumystan shyǵarýǵa baılanysty aryzdar. Byltyr jumystan zańsyz shyǵarylǵan 44 muǵalim qaıtadan jumysqa kirdi. Onyń altaýy sot arqyly quqyǵyn qorǵap shyqty. 113 ustaz jumystan zańsyz shyǵarylǵaly turǵan jerinen qyzmetinde qaldyryldy. Osydan-aq ustazdardyń mártebesi qandaı deńgeıde ekenin kórýge bolady. Erteńgi tamyz keńesi osyndaı máselelerdiń túıinin tarqatýǵa sep bolady degen oıdamyz», - deıdi Aıgúl Muqasheva.

Bizdiń kanalymyzǵa jazylyńyz:

Basty sózder: Qazaqstan Prezıdenti, Bilim,
Bólisińiz:

Avtor:

Esimjan Naqtybaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT