Monoqalalar mańynan jańa ken oryndar ashylýy múmkin

NUR-SULTAN. QazAqparat – «Qazgeologııa» UGK» AQ 18 ýchaskede geologııalyq barlaý jumystaryn júrgizip jatyr, dep habarlaıdy QazAqparat.

QR Ekologııa, geologııa jáne tabıǵı resýrstar mınıstrliginiń aqparatyna sáıkes, atalǵan ýchaskelerdiń beseýi Jezqazǵan, Sátbaev jáne Altaı monoqalalarynyń mańynda ornalasqan. Máselen, Qaraǵandy oblysynda Qaıyndy ýchaskesinde aýmaǵy 3835 sharshy shaqyrym Segizbaı-Kólde 1430 sharshy shaqyrym, Úshshoqyda 515,5 sharshy shaqyrym bolatyn izdestirý jumystary boıynsha úsh joba iske asyrylýda. Ýchaskeler Jezqazǵan jáne Sátbaev qalalarynan 100 shaqyrym qashyqtyqta ornalasqan. Jezqazǵan kásipornynyń shıkizat bazasyn tolyqtyrý osy óńirdiń damýyna jańa serpin beredi. Shyǵys Qazaqstan oblysynda Altaı aýdanyna qarasty Revnıýshın alańynda altyn-polımetall ken oryndaryn anyqtaý úshin iri masshtabty izdestirý jumystaryn júrgizilip jatyr.

«Іzdestirý jumystarynyń materıaldarymen ýchaskelerdiń tıisti masshtabtaǵy geologııalyq kartasy, geofızıkalyq jáne geohımııalyq zertteýler nátıjeleriniń kartalary jasalady. Іrilendirilgen kórsetkishter boıynsha anyqtalǵan nysandarǵa geologııalyq-ekonomıkalyq baǵalaý jáne odan ári geologııalyq-barlaý jumystary boıynsha usynymdar beriledi. Bıyl nysandarda dalalyq, zerthanalyq jáne kameraldyq jumystar jalǵastyrylady. Olardyń nátıjeleri boıynsha zertteletin aýmaqtardyń perspektıvalaryna túpkilikti baǵa beriledi», - dep atap ótedi mınıstrlikten.

Vedomstvo málimetinshe, ýchaskelerdi geologııalyq zertteý jáne izdestirý protsesine jerdi qashyqtyqtan zondtaý, geofızıkalyq, burǵylaý, taý-ken jumystary, zerthanalyq-saraptamalyq zertteýler jáne materıaldardy kameraldyq óńdeý kiredi.