+7 (701) 759 90 19
USD 378.36 EUR 411.92
RUB 5.76 CNY 53.92
Jańalyqtar

Mońǵolııalyq qandasymyz Malaızııadaǵy avtorallıde álem chempıony atandy - Sheteldegi qazaq tildi BAQ-qa sholý

2019 jylǵy 22 jeltoqsan 12:20
Bólisińiz:
Mońǵolııalyq qandasymyz Malaızııadaǵy avtorallıde álem chempıony atandy - Sheteldegi qazaq tildi BAQ-qa sholý

NUR-SULTAN. QazAqparat - «QazAqparat» HAA sheteldegi qazaq tilinde taraıtyn aqparat kózderine aptalyq sholýyn usynady.

Uqsas jańalyqtar
Oralhan Bókeı parsy tilinde sóıledi - Sheteldegi qazaqtildi BAQ-qa sholý Qazaq jigiti álemdegi TOP-10 kompanııanyń birinde eńbek etedi – Sheteldegi qazaqtildi BAQ-qa sholý

Qazaqtyń ulttyq shańǵy sportyn nasıhattaý sharasy ótti - Tıanshannet

Qazaqtyń dástúrli teri shańǵysyn qaıta jańǵyrtý maqsatynda 15 jeltoqsan kúni Shynjańnyń Altaı aımaǵy, Kóktoǵaı aýdanyndaǵy shańǵy alańynda keń kólemdi sporttyq shara ótkizildi, dep habarlaıdy «Tıanshannet» aqparattyq portaly.

Bul jolǵy sporttyq shara 2020 jylǵa josparlanǵan memleket kólemindegi sport oıyndarynyń bastamasy eken.

Atalǵan aqparat kóziniń málimetinshe, Altaı aımaǵy «Adamzattyń shańǵy tebý oshaǵy» dep atalady. Osy joly qar shańǵylarynyń ishinde teri shańǵysy basty nazarda bolǵanyn jazady qytaılyq BAQ.

Jergilikti turǵyndar paıdalanatyn teri shańǵysy eń baıyrǵy qar shańǵynyń bir túri. Teriden jasalǵan qar shańǵysy qysy uzaq, qary qalyń Altaıdyń jergilikti turǵyndary úshin ejelden beri paıdalanyp kele jatqan qystyq kólik quraly. Taýly jerde kólik qatynasy qolaısyz bolǵandyqtan, jergilikti qazaqtar teri shańǵyny keńinen paıdalanǵan. Ańshylar men sharýalardyń negizgi kóligi osy teri shańǵysy bolǵan. Shańǵynyń ózegin qaıyń men qaraǵaı aǵashynan jasap, syrtyn jylqy sıraǵynyń terisimen qaptaıdy. Ornynan qozǵalyp, ekpin alý úshin bir taıaqty ǵana qoldanǵan. Basqa qar shańǵyǵa qaraǵanda, teriden jasalǵan shańǵynyń ózindik ereksheligi - órge shyqqanda teri júnine qarsy baǵytta bolǵandyqtan, bıikten artqa syrǵyp ketpeıdi. Taýdan tómen syrǵanaǵanda bir baǵytta jyǵylǵan teri júnine baǵyttas bolǵandyqtan, jyldamdyǵy basqa qar shańǵylardan tez bolady.

Eske sala keteıik, Altaıdaǵy baıyrǵy qar shańǵysy beınelengen jartas sýretin zerttegen ǵalymdar, ony 10 myń jyldyń aldyndaǵy jádiger retinde moıyndaǵan. Osydan keıin 2007 jyly «Altaı taýy eń baıyrǵy qar shańǵysy mekeni» dep Gınnestiń rekordtar kitabyna engizildi.

Forbes Uzbekistan basylymynyń basshysy Qazaqstandyq bolady - «ÓzA» aqparattyq agenttigi

Álemdegi eń tanymal ekonomıkalyq-qarjy jaıyndaǵy málimetter boıynsha aqparat taratatyn Amerıka jýrnaly «Forbes» Ózbekstanda óz basylymyn keler 2020 jyldan bastap shyǵarmaq. Forbes Uzbekistan basylymynyń bas keńsesi Tashkentte ornalasyp, jýrnaldyń alǵashqy nusqasy naýryz aıynda kópshilikke jol tartady, dep jazady Ózbekstannyń «ÓzA» memlekettik aqparattyq agenttigi.

Ataýly basylym úshin ruqsatnamany qazaqstandyq kásipker Armanjan Baıtasov alǵan. Ol redaktsııanyń basshysy «Forbes Kazakhstan» jýrnalynyń redaktory Anastasııa Novıkova bolatynyn málim etti.

«ÓzA» basylymnyń málimetine súıensek, Ózbek BAQ-qa jańadan engeli turǵan aqparat kózi eki tilde - ózbek jáne orys tildi jýrnal men veb-saıtyn iske qosýdy josparlap otyr. Qazirgi ýaqytta onyń alǵashqy nusqasyn shyǵarýǵa qyzý daıyndyq bastalyp ta ketti. Forbes Uzbekistan-nyń negizin qalaýshy Armanjan Baıtasov Ózbekstanda Forbes Club-ti tikeleı ózi júrgizbek nıette.

Mońǵolııalyq qandasymyz Malaızııada ótken avtorallıde álem chempıony atandy - kaznews.mn

Avtorallıden «RFC-Grand Final -2019» álem chempıonaty ótti. Malaızııanyń ný ormandarynda 10 kúnge jalǵasyp, myńdaǵan shaqyrymdy qamtyǵan jarysqa Mońǵolııa komandasynda qandasymyz Sabyrjan Baıanhanuly óner kórsetti. Álemniń eń myqty degen komandalary men sportshylaryn artta qaldyrǵan S. Baıanhanuly álem chempıony atandy, dep habarlaıdy mońǵolııalyq BAQ.

Aqparat kóziniń málimetine súıensek, Sabyrjan Baıanhanuly mońǵolııanyń Erdenet qalasynda turady. Bul básekege Mońǵolııadan alǵash ret ózderi qurastyrǵan avtokólikpen qatysqan. Aıta ketken jón, kezekti jolsyz jerdegi avtorallıden Azııa chempıonaty 2020 jyly Mońǵolııada ótedi.

TRT arnasynda jarııalanǵan Qazaqstannyń alǵashqy táýelsizdik habary - TRT

Baýyrlas Túrkııa eli - Qazaqstannyń táýelsizdigin alǵashqy bolyp moıyndaǵan el. Qandastardan kelgen kópten kútken habardy da radıodan da, teledıdardan da álemge pash etti, dep jazady Túrkııa Radıo Televızııa portaly.

«Mine, sol Túrkııa Teleradıo korporatsııasy TRT arnasynda jarııalanǵan Qazaqstannyń táýelsizdik alýy týraly habaryn kórińizder» degen vıdeoaqparatyn jarııalaıdy túrkııalyq BAQ.

Kórinis TRT muraǵatynan alynǵan eken.

Mektep baǵdarlamasyna jańa oqý páni engiziledi - «ÓzA» aqparattyq agenttigi

Ózbekstandaǵy jalpy orta bilimdik mekemelerde «Tárbıe» páni kezeńimen oqý baǵdarlamasyna engiziletin bolady, dep habarlaıdy Ózbekstannyń «ÓzA» memlekettik aqparattyq agenttigi.

Atalǵan BAQ-tyń málimetinshe, Mınıstrler kabınetiniń osy jónindegi tıisti qaýlysynyń jobasy talqylaýǵa jiberildi. Onda, mektep baǵdarlamasyndaǵy «Ádep», «Otan sezimi», «Ulttyq ıdeıa men mádenıet negizderi» jáne «Álem dinder tarıhy» atty pánder biriktirilip tek «Tárbıe» sabaǵy bolady. 1-9 synyptarǵa arnalǵan bul pándi 2020-2021 jylǵy oqý baǵdarlamasyna engizý kózdelip otyr.

«Atalmysh baǵdarlamany Ózbekstan Respýblıkasy Halyqtyq bilim mınıstrligi «Tárbıe» páni boıynsha jalpy memlekettik bilim berý standarty men oqý ádistemesin daıyndap engizedi. Joba boıynsha 2020-2021 oqý jylynda 1-9 synyptardyń, al 2021-2022 oqý jylynan bastap 10-11 synyptarǵa «Tárbıe» sabaǵyn oqytý úshin mýltımedııalyq qosymshalar men oqý-ádistemelik keshenderge tapsyrys jasalatyn bolady», - dep túıindeıdi uza.uz.

Bizdiń kanalymyzǵa jazylyńyz:

Basty sózder: Qandastar, BAQ,
Bólisińiz:

Avtor:

Beısen Sultan

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT