+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Mońǵolııadan kóship kelgen qandasymyz tórt túlikti tóldetip, mıllıoner atanyp otyr

2021 jylǵy 9 mamyr 23:40
Bólisińiz:
Mońǵolııadan kóship kelgen qandasymyz tórt túlikti tóldetip, mıllıoner atanyp otyr

TALDYQORǴAN. QazAqparat - Almaty oblysynda Mońǵolııadan kóship kelgen Mıllıoner Qajykenuly tórt túlikti tóldetip, mıllıoner atanyp otyr. Ol alǵashynda kásibin eki bıe, úsh ingenmen bastaǵan, dep habarlaıdy QazAqparat tilshisi.

Uqsas jańalyqtar
Qazaqstanda áleýmettik kásipkerlikke qandaı qoldaý kórsetilip jatyr Aqmola oblysynda mal basy kóbeıdi Ermek Marjyqpaev: Óńirden 2 mln tonnadan astam astyq eksporttalady

Qazir túıe sany 30-ǵa jýyqtady. Jylqysy 60-tan asty. Bıe men túıe saýyp, halyqqa qymyz-shubatyn usynyp otyr.

Kásipker kúnine 50 lıtrge deıin qymyz ashytady. Qymyzdyń ár lıtrin 700 teńgege baǵalasaq, kásipkerdiń bıznesiniń tasy órge domalap otyrǵanyn túsinýge bolady.

«Atajurtqa kelgen - bir baqyt, elge kelip, eńbek etip, eńse túzep, urpaq órbitken - bir baqyt. Bir jaǵadan bas, bir jeńnen qol shyǵaratyn halge jettik. Qazir eńbek etken kisige bári bar. Qoly qımyldaǵannyń aýzy qımyldaıdy. Osy Táýelsizdigimizdiń arqasynda elimizge kelip, beıbit zamanda baqytty ǵumyr keship jatyrmyz»,- deıdi Taldyqorǵanǵa qarasty Moınaq aýylynyń turǵyny Mıllıoner Qajykenuly.


Otaǵasynyń erekshe esimine keler bolsaq, Mońǵolııada anasyn bosandyrǵan ulty orys akýsher Mıllıoner qoıypty.

Mıllıoner Qajykenuly men Maıra Saıasıqyzy úsh ul, eki qyz tárbıelep ósirgen.

Uldarynyń aldy mal sharýashylyǵynda bolsa, kelinderi ene jolyn qýyp, maldan alynǵan ónimdi óndirip, qurt-maı jasap, sharýany uqsatyp otyr.


Otbasylyq kásipte kishkentaı nemerelerge de jumys bar. Biri qozy-laqqa qarasa, eresekteri ájesine maı shaıqap, qurt jasap qolǵabys etedi.

Bul áýlet byltyr indet qaharyna mingen tusta tabıǵı «aqtamaq» ónimimen naýqastardyń tez ońalyp ketýine bir kisideı úles qosty.

«Densaýlyǵyna baılanysty qany azaıǵan adamdar, ókpesi aýyrǵandar, bórtken shyqqan adamdar, ishki qurylysy aýyratyn áıelder bizge jıi keledi. Saýmal ishedi. Túıeniń órkeshin kóp suraıdy. Sebebi, ol - áıelderdiń qaterli isik aýrýyna em», - deıdi Maıra Saıasıqyzy.

Jalpy Jetisý jerine qonys aýdarǵan qandastardyń deni mal sharýashylyǵymen aınalysady. Ata kásipten bólek qolóner sheberleri, orta jáne shaǵyn bızneste el damýyna óz úlesin qosyp keledi.

El táýelsizdiginiń 30 jylynda Almaty oblysyna 20-dan astam elden 214 myńdaı qandasymyz kóship kelgen. Bul - shamamen 69 myń otbasy.

Uly kóshtiń basynda turǵan baýyrlarymyz búginde ekinshi býyn urpaq órbitip, memleketimizdiń órkendeýine bir kisideı úles qosyp keledi.








Bizdiń kanalymyzǵa jazylyńyz:

Bólisińiz:

Avtor:

Samal Qabysheva

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT