+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Mońǵolııa qazaǵy ІT salasynda 5 myń maman daıyndap shyǵardy - Sheteldegi qazaqtildi BAQ-qa sholý

2019 jylǵy 28 qyrkúıek 11:31
Bólisińiz:
Mońǵolııa qazaǵy ІT salasynda 5 myń maman daıyndap shyǵardy - Sheteldegi qazaqtildi BAQ-qa sholý

NUR-SULTAN. QazAqparat - «QazAqparat» HAA sheteldegi qazaq tilinde taraıtyn aqparat kózderine aptalyq sholýyn usynady.

Uqsas jańalyqtar

Kısh aralyndaǵy jerasty qalasy - «Fars»


Tarıhy 2500 jyldan asatyn bul ejelgi jerasty qalasy jer betinen 16 metr tereńdikte ornalasqan álemdegi jalǵyz marjan araly, ıaǵnı Kıshtyń júreginde. Bul týraly osy aptada Rarstoday aqparat agenttigi habarlady.

Aqparat kóziniń málimetine súıensek, bul qala týnnel syndy jáne tóbesi tabıǵı marjandar men aıǵulaqtarǵa toly. Bul jerasty qalasynyń tóbesiniń bıiktigi - 8 metr. Kısh - Irannyń Parsy Shyǵanaǵynda ornalasqan eń ádemi araldarynyń biri. Kógildir teńiz, teńdessiz marjan ári qumdy jaǵalaýlar, túrli-tústi balyqtar men sý janýarlary, palma aǵashtary bul aralǵa erekshe kórinis syılaıdy.

Al jer asty Karzın qalasy kópshiliktiń nazaryn ózine tartady. Kısh araly men onyń jaǵalaýlarynyń bir bóliginde marjandar kóp bolǵandyqtan onyń mańyndaǵy teńizdiń sýy móldir bolyp keledi. Sol sebepti aralda kóptegen týrısterdi baıqaýǵa bolady. Onyń ústine, Kısh araly erkin saýda aımaǵy bolyp tabylady. Sondyqtan Irannyń týrızm jáne saýda baılanysynyń mańyzdy strategııalyq aımaǵy.

Kádirbek Saılaýuly: Biz IT qyzmetterimizdi klassıkalyq deńgeıge jetkizemiz - kaznews.mn


Sońǵy jyldary sandyq júıege kóshý týraly kóp aıtylyp, sol úshin álemniń damýshy elderi kóptegen talpynystar jasap jatqany belgili. Jańa tehnologııany tıimdi paıdalana almaǵandar zaman kóshinen qalyp jatqandyqtan, kompanııalar jedel aqparattyq tehnologııanyń sońǵy jetistikterin paıdalanyp, isin ilgeri bastyrýda.

Mońǵolııadaǵy sondaı kompanııalardyń basty seriktesteriniń biri - óz salasynan oıyp oryn alǵan «Empasoft» kompanııasy. Osy aptada mońǵolııalyq kaznews.mn aqparat portaly atalǵan kompanııanyń negizin qalaýshy Kádirbek Saılaýulymen suhbattasyp, kompanııasyn qandaı tásilmen basqaratyny jaıly kólemdi materıal jarııalady.

K. Saılaýuly Túrkııada aqparattyq tehnologııa mamandyǵyn ıgerip kelgen soń jeke kompanııa quryp, «Empasoft Academy» arqyly búginge deıin osy salada 5000-daı maman daıyndaǵan. Bul akademııany bitirgender álemdik joǵary tehnologııalyq kompanııalarda jumys istep, Mońǵol eliniń iskerlik salasynyń árbir tarmaǵynda biliktiligin jumsap, bıik nátıjelerge qol jetkizip júr, dep jazady mońǵolııalyq BAQ.

Kádirbek Saılaýuly aqparattyq tehnologııa kompanııasyn qalaı qurǵany týraly keńinen toqtalady.

Onyń aıtýynsha, IT salasyndaǵy atqarǵan isteri eldiń damýyna ózindik yqpalyn tıgizýde. «Aqparattyq tehnologııa (IT) kún saıyn ózgerip, damyp otyratyndyqtan bizdiń jumysymyz soǵan sáıkes dınamıkalyq qozǵalysta bolady. Shaǵyn adammen ónimdi eńbek etýdi maqsat tutyp, 13 jyl ishinde osy salaǵa aıtarlyqtaı úles qostym dep aıta alamyn» deıdi IT mamany.


K. Saılaýuly Túrkııanyń Ankara qalasynda aqparattyq tehnologııalar baǵytyndaǵy joǵary oqý ornyn bitirip kelgen soń osy baǵytta bilim beretin ınstıtýttar men ýnıversıtetterdiń oqý sapasy nashar bolýmen qatar arnaıy bilim beretin oryndar az ekenin baıqaǵan. Sondyqtan Túrkııada birge oqyǵan dosymen birlesip, 2006 jyly aqparattyq tehnologııalar oqytý ortalyǵyn ashyp, kompanııany «Empasoft» dep ataǵan. Sonyń nátıjesinde búginge deıin memlekettik sertıfıkatpen 5000-daı ınjener-maman ázirlep, «Empasoft Academy» deńgeıine jetkizgen.


«Biz tehnolgııalyq oqytýmen qatar memlekettik mekemelerge IT keńes berý qyzmetin usynamyz, dıjıtal transformatsııalaý, aqparattyq tehnologııa jáne aqparattyq qaýipsizdik máselelerin sheship berip, bulttyq esepteý (Cloud computing) tehnologııasyn engizýdemiz. Sondaı-aq álemge tanymal baǵdarlamalarmen qamtamasyz etýshi 20 kompanııamen birlesip, ónimderin taratamyz», - deıdi IT mamany.


«Jumys tásilińiz qandaı? Ortasha táýliktik jumys kúnińiz qalaı ótedi?» degen saýalǵa jaýap bergen Kádirbek Saılaýuly ár mamandy durys baǵalaı bilý mańyzdy ekenin aıtady.

«Adamdy basqarý degenimiz - ony qalaı baǵalaıtynyńyzǵa tikeleı qatysty uǵym. Durys baǵalaı bilseńiz, adam jumysynan kúsh-qýat, lázzat alatyndyqtan qurmetteý men syılata bilýdi mańyzdy sanaımyn. Adamdarmen jyly, durys qatynas jasaýǵa tyrysamyn. Olardy tyńdap, túsinip, ornyna ózińdi qoıyp, kemshiliginen góri artyqshylyǵyna nazar aýdarǵan jón. Tájirıbege qaraǵanda osyndaı tásilmen jumys júrgize berse, birazdan keıin adamnyń osal tusy da baıqalmaı qalady» deıdi kompanııa basshysy.

Onyń aıtýynsha, kompanııa talaptaryna saı kelip, quramǵa engen adam jumys isteı almaıdy degen bolmaıdy. Kerisinshe, ony paıdalana almaýymyz múmkin. «Ol másele men jáne meniń jumysshylarymmen tez til tabysyp ketýime baılanysty bolady» deıdi ol.

Kádirbek óziniń kóp qoldanatyn, paıdalanýǵa qushtar jumys quralyn, sondaı-aq qoldanbaly baǵdarlamalary qandaı ekenin aıtady.

«Biz «Microsoft»-tyń bulttyq tehnologııalarynyń keshendi baǵdarlamalaryn paıdalanamyz. Úlken data (Big data) óndirilip jatqan qazirgi zamanda kez kelgen kompanııa aqparatyn joǵaltyp alý qaýpi bar bolǵandyqtan «Microsoft Office 365» baǵdarlamasyn qoldanamyz. Sondaı-aq Microsoft Teams, Power BI, Outlook– terdi de qajetke jaratamyz. Odan basqa What3words, Shazam, Telegram, Skyscanner qatarly applıkeıshnder turaqty qoldanysymda bar», - deıdi Kádirbek Saılaýuly.


Atalǵan kólemdi materıalda ІT mamany bolýdyń ózi biletin kóptegen syrlarymen kólisedi. Ol qazirgi basty maqsattary IT qyzmetterin klassıkalyq deńgeıge jetkizýge kúsh salyp otyrǵanyn aıtady.

«Biz IT qyzmetterimizdi klassıkalyq deńgeıge jetkizýge talpyný ústindemiz. Osy maqsatta kabınettik oqytýmen qatar onlaın júıege kóship, jańa platformany damytyp, kontent daıyndaýdamyz. Bul platformany osy aıdyń aıaǵynda áleýmetke tanystyrýdy josparlap otyrmyz. Uıym mekemeler úshin sandyq transformatsııalaý degenimiz tek tehnologııalyq emes, 100 paıyz adamdardyń tutynýy men bilim dárejesine baılanysty bolǵandyqtan ońaıǵa túspeıdi. Tehnologııa jyldam damysa da, adamdardyń ony ıgerýi baıaý. Sondyqtan tehnologııalyq keshendi kontentti onlaın júıesinde taratý azamattardyń tehnologııalyq bilimin jetildirýdiń eń tıimdi tásili dep oılap, bul jobany qolǵa alyp otyrmyz. Keleshekte bulttyq tehnologııaǵa basa nazar aýdarmaqpyz. Qazirgi kezde kim aqparattyq tehnologııalyq artyqshylyqtardy qoldanysqa engizedi, sol tabysqa jetip otyr. Basqasha aıtsaq, XXI ǵasyrdaǵy kez kelgen kásiptiń keleshegi tehnologııany qalaı utymdy paıdalanyp, sandyq transformatsııalanýyna qatysty bolady. Mysaly, sońǵy ýaqytta elimizdiń taý-ken salasy kompanııalary bizge suranys jasap, servıs alatyn boldy» dep oıyn túıindeıdi «Empasoft» basshysy.

Qazaqstan jyly aıasynda Tashkentte «Japon kúzi» ótti -ÓzA


Bıylǵy Ózbekstandaǵy «Qazaqstan jyly» aıasynda kóptegen sharalar uıymdastyrylyp jatqany barshaǵa aıan. Sol sharalardyń jalǵasy retinde taǵy da ónersúıer qaýym úshin «Degdar» gýmanıtarlyq qory jáne JTI kompanııasynyń uıymdastyrýymen «Japon kúzi» festıvali ótken.

Bul týraly osy aptada Ózbekstannyń «ÓzA» memlekettik aqparat agenttigi habarlaǵan bolatyn.

«Munda sizder tek Japon eliniń dástúrli mýzykalyq sazymen tanysyp qana qoımaı, álemdik klassıka men djaz mýzykalarynan lázzat alasyz. Óıtkeni bul festıvalde álemge áıgili japondyq organıst mýzykashy Keıko Inoýe, «Mýzykalyq ara» dep atalatyn erekshe mýzykalyq aspapta oınaıtyn mýzykant Sakıta Hadjıme, sondaı-aq Qazaqstandaǵy úzdik etno-folklorlyq ansamblderdiń biri «Astana sazy» men ózbek ulttyq mýzykalyq aspaptarymen óner kórsetetin «Registan» óner ujymy qatysty» dep jazady óbekstandyq basylym.

Atalǵan festıval Ózbekstan Memlekettik konservatorııasynyń organ zalynda 24 qyrkúıek kúni ótti.

Beıjińdegi Olımpıada jáne Paralımpıada oıyndarynyń nyshandary tańdaldy - «Jenmın jıbao» (People Daily)


Álemniń 35 eliniń dızaınerinen kelgen 6 myńǵa jýyq úlgiden panda men qytaılyq qolsham tańdap alyndy, dep habarlaıdy People Daily. Pandanyń aty - Bıń Dýn dýn (muz krıstaldy panda – avt.). Birinshi ıeroglıf qytaı tilindegi maǵynasy «muz» ıaǵnı, ol tazalyq pen kúsh degen maǵynany bildiredi.

Olımpıada uıymdastyrýshylary nyshandy «Muzdaı kostıým kıgen ol (panda) altyn júrekti jáne barlyq sport túrlerin jaqsy kóredi», - dep sýretteıdi.

Josparlanǵandaı, Bıń Dýn dýn sportshylardyń myqty denesin jáne sheksiz olımpıadalyq rýhty bildiredi.

Paralımpıada oıyndarynyń sımvoly qyzyl tústi qytaılyq dástúrli sham Sıý Rongong boldy. Onyń esimindegi alǵashqy tańba aýdarmada «qar» degendi bildiredi.

«Ol sham bizdiń júregimizdi jylytyp jiberdi», - dedi 2022 jylǵy Olımpıadanyń uıymdastyrý komıteti.

Atalǵan sharaǵa QHR Memlekettik keńestiń orynbasar tóraǵasy, XXIV qysqy Olımpıada oıyndary basshylyq etý grýppasynyń bastyǵy jáne Halyqaralyq olımpıada komıtetiniń Prezıdenti qatynasty.

Aıta keteıik, qysqy Olımpıada 2022 jyly 4-22 aqpan aralyǵynda, Paralımpıada oıyndary 4-13 naýryz aralyǵynda Qytaı astanasy Beıjińde ótedi. Olımpıada oıyndarynda júzden astam medal jıyntyǵy sarapqa salynady

Murat Dákeıuly salynyp jatqan birqatar nysandardy aralady - KAZNEWS


Mońǵolııa Uly quryltaı depýtaty Murat Dákeıuly óz bastamasymen salynyp jatqan birqatar nysandardy aralap qaıtty. Bul týraly mońǵolııalyq KAZNEWS aqparat portaly habarlaǵan bolatyn.

«Uly quryltaı depýtaty M. Dákeıuly ózi saılanǵan aýmaǵynda halyqpen kezdesý uıymdastyryp, kópshiliktiń oı-pikirin tyńdady. Sonymen qatar, óz bastamasymen salynǵan Delúún sumyny mektebiniń 150 balaǵa arnalǵan jataqhanasynyń jumysymen jáne jańadan salynyp jatqan Mádenıet ortalyǵy, ortalyq monsha qurylysymen tanysty» dep jazdy mońǵolııalyq BAQ.

Qytaı rejısserine «Ómirlik tabys» júldesi beriledi - TRT


26-shy ret ótken Altyn Koza Halyqaralyq fılm festıvalinde qytaılyq kınorejısser Shıe Fı «Ómirlik tabys» júldesin alady, dep jazady Túrkııa Radıo Televızııa portaly.

«Adana qala ákimshiliginen jasalǵan jazbasha málimdemege qaraǵanda Berlın Fılm festıvalinde Altyn Aıý jáne Kúmis Aıý júldelerin jeńip alǵan rejısser Shıe Fı 23-29 qyrkúıekte uıymdastyrylatyn festıvalge qonaq bolady. Altyn Koza Halyqaralyq fılm festıvalinde fılmderi toptyq kórsetiletin rejısser Shıe Fıge «Ómirlik tabys» júldesi beriledi. Shıe Fı festıval aıasynda uıymdastyrylatyn is-sharada Qytaı kınosyn búgingi tabysqa jetkizgen protsess jáne kınematografııa týraly baıandaıdy» dep jazady túrkııalyq BAQ.

Bizdiń kanalymyzǵa jazylyńyz:

Basty sózder: Qandastar, BAQ,
Bólisińiz:

Avtor:

Beısen Sultan

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT