+7 (701) 759 90 19
USD 385.55 EUR 426.57
RUB 6.05 CNY 54.77
Jańalyqtar

Mońǵolııa balýandary «Ólgeı alyptarynan» ımenetin boldy - Sheteldegi qazaq tildi BAQ-qa sholý

2019 jylǵy 11 mamyr 12:08
Bólisińiz:
 Mońǵolııa balýandary «Ólgeı alyptarynan» ımenetin boldy - Sheteldegi qazaq tildi BAQ-qa sholý

ASTANA. QazAqparat - «QazAqparat» HAA sheteldegi qazaq tilinde taraıtyn aqparat kózderine aptalyq sholýyn usynady.

Ysqaq Pasha saraıynyń álemdegi tuńǵysh ortalyqtan jylý júıesi qurylǵan saraı ekenin bilesiz be - TRT

null

Agrynyń Dogýbeıazyt aýdanyndaǵy Ysqaq pasha saraıy álemdegi tuńǵysh bir ortalyqtan jylý júıesi qurylǵan saraı, dep jazady Túrkııa Radıo Televızııa portaly.

«1685 jyly qurylysy bastalǵan túrik sáýletiniń eń kórkem úlgileriniń biri - Ysqaq pasha saraıy 99 jylda aıaqtalǵan. Sonymen birge bir kesene bolyp sanalatyn saraı - Stambýldaǵy Topkapy saraıynan keıin salynǵan eń kórkem saraılardyń biri. Saraıdy salǵyzǵan myrza onyń kórkemdigimen tóńirekke jáne ortalyq bılikke óziniń kúshin kórsetkisi kelgen. Tas qabyrǵalardyń ishindegi bos jerler saraıdyń jylý júıesimen jylytylǵanyn kórsetedi. Osy ereksheligimen Ysqaq pasha saraıy tarıhta ortalyq jylý júıesi qurylǵan álemdegi eń birinshi saraı bolyp esepteledi», - dep jazady BAQ.

Mońǵolııanyń myqty balýandary «Ólgeı alyptarynan» ımenetin boldy - KAZNEWS

null

Mońǵolııalyq KAZNEWS aqparattyq portalyna «Ólgeı alyptary» sport klýbynyń tóraǵasy, ulttyq kúresten «Aımaq arystany» ataǵynyń ıegeri Aıdos Qabıdenuly suhbat bergen.

Atalǵan BAQ-tyń jazýynsha, Aıdos Qabıdenuly - 1979 jyly Mońǵolııanyń Baıan-ólgeı aımaǵynda týǵan. Qazirgi kúni Mońǵolııa astanasy Ulanbatyr qalasyndaǵy «Saýda damý bankiniń» qaýipsizdik bóliminiń basshysy. 2003 jyly Baıan-Ólgeı aımaǵynyń memlekettik toıynda kúresten «Aımaq arystany» ataǵyn alǵan. 2015 jyly «Ólgeı alyptary» sport klýbyn qurýǵa bastamashy bolǵan.


null

«...Bala kezimnen sportpen, ziltemir kóterýmen aınalysýǵa qushtar boldym. 10-synypta aımaqtyq jasóspirimder arasyndaǵy ulttyq kúres básekesine qatysyp, birinshi oryn ıelengenmin. 2002 jyly balýandar daıyndaıtyn «Shonhor» deneshynyqtyrý jáne sport ýnıversıtetin oqytýshy-jattyqtyrýshy mamandyǵymen bitirdim. Keıin Ulanbatyrdaǵy Basqarý akademııasynan «memlekettik basqarý» mamandyǵyn ıgerdim. 2002 jyly «Aımaqtyq lashyn», 2003 jyly «Aımaqtyq arystan» ataǵyn ıelendim. Ýnıversıtettegi oqýymdy aıaqtaǵan soń «Has banktiń» Baıan-Ólgeı aımaǵyndaǵy bólimshesinde qorǵanys mamany bolyp ornalasyp, keıin Ulanbatyr qalasyndaǵy ortalyǵyna aýysqan bolatynmyn. Sońǵy 15 jyldaı baniktiń qaýipsizdik bóliminde basqarý qyzmetin atqaryp kelemin», - deıdi Aıdos Qabıdenuly KAZNEWS-qa bergen suhbatynda.


null

Atalǵan suhbatta, Aıdos Qabıdenuly sońǵy jyldary jastar arasynan úmitti, myqty balýandar shyǵyp, talaptanyp júrgenin kórip, olarǵa qoldaý kórsetý maqsatynda «Ólgeı alyptary» sport klýbyn qurǵanyn aıtady. Ol búginde osy ortalyqtyń qazaq sportshylaryna durys baǵyt-baǵdar kórsetip, ónimdi, jemisti eńbek etip jatqanyn tilge tıek etedi.

null

«Allaǵa shúkir, aýyz toltyryp aıtatyn nátıjeler bar. «Ólgeı alyptary» sport klýbynan eki memlekettik «lashyn» ataǵyn alǵan balýan shyqty. 2016 jyly B.Baatartsol «memlekettik lashyn» ataǵyn alsa, kelesi jyly Serik Berdimuratuly da osy memlekettik ataqqa qol jetkizdi. Bıylǵy memlekettik merekedegi jarysqa qatysý úshin, Mońǵolııaǵa eńbek sińirgen sportshy, «memlekettik pil» O.Odgerelmen birlesip, jastardy daıyndaý jumysyna kirisip kettik. Al, negizgi jumysymyz ulttyq kúreske shoǵyrlanǵan bolsa da, klýb jospary tek ulttyq kúrespen ǵana shektelmeıdi. Mysaly, B.Ardahan degen qyzymyz dzıýdo kúresimen aınalysatyn myqty sportshy. Klýbta 5-6 jasar balalardy daıyndaıdy. Qazaq kúresi de jaqsy damyp keledi. Jýyqta qazaq kúresinen el birinshiligi ótkizildi. Onda 55 kg salmaqta Ý. Aıdynbek kúmis medal jeńip aldy. +100 kg salmaqta N.Mustafa, 90 kg salmaqta J.Ótegen, 82 kg salmaqta J.Aqjol qola medal enshiledi. Kúni keshe ǵana B.Jandos baýyrymyz dzıýdodan Almaty qalasynda ótken Azııa kýbogynda -90 keli salmaq dárejesinde qola júldeger atandy. Munyń barlyǵy tek meniń ǵana eńbegim emes, osy isti qolǵa alǵan azamattardyń, palýandardyń eńbegi, tókken teri dep oılaımyn. Únemi qarjylaı qoldaý kóresetetin kásipkerlerdiń de eńbegi orasan zor», - deıdi Aıdos Qabıdenuly.


null

Qytaıdyń klassıkalyq ádebı shyǵarmalary Qazaqstanda jaryq kórdi - Qytaıdyń «Ortalyq halyq radıosy» (CNR)


null

Qazaqstannyń Almaty qalasynda qazaq tilinde basylyp shyqqan «Áýlet», «Tún», «Túıe shııańzy», «Shalǵaıdaǵy shahar» sekildi Qytaıdyń 4 klassıkalyq romanynyń tanystyrylymy ótti, dep habarlaıdy kazakcnr.com saıty.


null

«Qytaı Halyq Respýblıkasynyń Qazirgi zaman ádebıetine jatatyn «Áýlet», «Tún», «Túıe shııańzy», «Shalǵaıdaǵy shahar» sekildi 4 klassıkalyq romany qazaq tiline aýdarylyp, oqyrmandarmen júzdesti. Atalǵan jańa kitaptardyń tanystyrylymy Qazaqstanda, Almaty qalasyndaǵy Ulttyq kitaphanada ótkizildi. Aıta ketsek, osy kitaptardyń Qazaqstanda shyǵýyna muryndyq bolǵan «Qytaı ulttar» baspasy men Qazaqstan jazýshylar odaǵy 2014 jyldan bastap, Qytaı men Qazaqstan jazýshylarynyń tańdaýly shyǵarmalaryn ózara aýdaryp, baspadan shyǵarýǵa ýaǵdalasqan. Sol kelisilgen mámileniń natıjesinde aýqymdy jumystar atqarylyp, Qytaıdyń klassıkalyq shyǵarmalary Qazaqstanda jaryq kórse, Qazaqstannyń belgili jazýshylarynyń eńbekteri de qytaı tiline aýdarylyp, qytaılyq oqyrmandarmen júzdesken», - dep jazdy qytaılyq BAQ.



null

Atalǵan derek kóziniń jazýynsha, qazaqstandyq úsh baspa orny «Tań Dınastııasy dáýiriniń 300 óleńi», «Sunziniń áskerı óneri», «Qazaq emshiligi», «Qazaqsha-túrikshe-qytaısha sózdik» sekildi 60-qa jýyq kitapty basyp shyǵarǵan. Aldaǵy ýaqytta taǵy da qytaılyq jazýshylardyń «Mo ıAn eńbekteri», «Lýshun jınaǵy» sııaqty kitaptary Qazaqstanda basylmaq. Sonymen birge Qazaqstandaǵy 60 avtordyń tańdamaly shyǵarmalary eki tomǵa jınaqtalyp Qytaıda jaryq kórmek.


null

Ózbekstan Respýblıkasynyń Májilis Spıkeri Qazaqstannyń Ózbekstandaǵy elshisimen kezdesti - «ÓzA» aqparattyq agenttigi


Ózbekstan Respýblıkasy Joǵarǵy Májilisi Zań palatasynda, parlamenttiń tómengi palatasy Spıkeri Nýrdınjan Ismaılov Qazaqstan Respýblıkasynyń Ózbekstandaǵy Tótenshe jáne ókiletti elshisi Darhan Satybaldymen kezdesý ótkizdi, dep habarlaıdy Ózbekstannyń «ÓzA» memlekettik aqparattyq agenttigi.

Atalǵan BAQ-tyń jazýynsha, Ózbekstan Respýblıkasynyń Joǵarǵy Májilisi Zań palatasy Spıkeri Darhan Satybaldyny elimizdegi elshi bolyp taǵaıyndalýymen shyn júrekten quttyqtaı otyryp, jaýapty jáne qurmetti dıplomatııalyq qarym-qatynasty ornatýda tabystar tiledi. Kezdesý barysynda elshige Ózbekstan Respýblıkasynyń Joǵarǵy Májilisiniń tómengi palatasynyń zańnamalyq qyzmeti, shyǵarmashylyq normalary, komıtetter men fraktsııalardyń jumys ádisterin jáne parlamentarızm salasyndaǵy jańalyqtar jaıynda habardar etti.

Óz kezeginde Qazaqstan Respýblıkasynyń Ózbekstandaǵy Tótenshe jáne Ókiletti Elshisi Darhan Satybaldy shynaıy áńgime úshin raqmet aıtyp, konstrýktıvti jáne syndarly dıalogty jalǵastyrý, ekijaqty qarym-qatynastardy damytýdyń mańyzdy faktory bolyp tabylatyn parlamentaralyq yntymaqtastyqty odan ári keńeıtý men nyǵaıtý úshin osy syndy is-sharalardyń paıdaly ekenin atap ótti.

Qazaqstandaǵy biregeı bilim ordasy - Qytaıdyń «Ortalyq halyq radıosy» (CNR)

null

Qytaı Halyq Respýblıkasynyń jaqyn kórshisi, «Bir beldeý, bir jol» bastamasyna belsendi ún qosyp kele jatqan mańyzdy el, Qazaqstannyń eń bedeldi joǵary oqý ordalarynyń biri Ál-Farabı atyndaǵy Qazaq Ulttyq ýnıversıteti, dep jazady kazakcnr.com saıty.

«Qandaıda bir memlekettiń damýy sol eldegi bilim berý qurlymynyń deńgeıimen tikeleı baılanysty. Biz maqalamyzda Qytaı Halyq Respýblıkasynyń jaqyn kórshisi, «Bir beldeý, bir jol» bastamasyna belsendi ún qosyp kele jatqan mańyzdy el - Qazaqstan Respýblıkasynyń eń bedeldi joǵary oqý ordalarynyń biri Ál-Farabı atyndaǵy Qazaq Ulttyq ýnıversıteti týraly maǵulmat berýdi jón sanadyq. Ál-Farabı atyndaǵy Qazaq Ulttyq ýnıversıteti 1934 jyly qurylǵan. Qazirge deıin 85 jyldyq tarlan tarıhty bastan ótkergen bul bilim ordasy Qazaqstan Respýblıkasyndaǵy eń úlken jáne eń bedeldi, kópsalaly ýnıversıtet. Bilim ordasy ózi basyp ótken ǵasyrǵa jýyq ýaqytta Qazaqstannyń ekonomıka, saıası, mádenıet, ádebıet, ǵylym men pedagogıka salasyna zor úles qosty», - dep jazdy qytaılyq BAQ.

null
null

Atalǵan qytaılyq saıtta jaryq kórgen maqalada, Ál-Farabı atyndaǵy Qazaq Ulttyq ýnıversıteti týraly jalpy maǵulmat egjeı-tegjeıli, tolyq qamtylyp jazylǵan. Onda oqý ornynyń el ishinde jáne halyqaralyq deńgeıde moıyndalǵan biregeı ortalyq bolyp tabylatyny aıtylǵan.

null

«Ýnıversıtet quramynda 16 fakýltet, 67 kafedra, 32 ǵylymı-zertteý ınstıtýty men ortalyqtar, tehnopark jumys isteıdi. Bilim ordasynda 25 myńnan astam stýdent pen magıstrantqa 2000-nan astam professor, doktor, ǵylym kandıdaty men fılosofııa doktorlary, 100-den astam akademııalardyń akademıkteri dáris oqıdy. Ýnıversıtet álemniń eń iri 418 halyqaralyq joǵarǵy oqý ornymen yntymaqtastyq ornatqan. Sonymen qatar munda kóptegen sheteldik stýdentter de bilim alyp júr. Sondaı-aq, Ál-Farabı atyndaǵy Qazaq Ulttyq ýnıversıteti 1990 jyldan qazirge deıin Qytaı Halyq Respýblıkasynyń jıyrmadan astam joǵary oqý ornymen yntymaqtastyq ornatqan. Ýnıversıtette «Qytaıtaný-zertteý ortalyǵy», «Bir beldeý, bir jol» zertteý ortalyǵy, «Konfýtsıı ınstıtýty» sııaqty ortalyqtar ashylyp, eki el arasyndaǵy dostyq qarym-qatynasqa ózindik úlesin qosyp, natıjesin kórsetip otyr», dep jazady Qytaıdyń «Ortalyq halyq radıosy» saıty.

Qazaqstannyń prezıdenttik saılaýyna 45 halyqaralyq baıqaýshy qatysady - «Fars» aqparat agenttigi

null

Qazaqstannyń Ortalyq saılaý komıssııasy bul eldiń prezıdenttik saılaýynyń barysyn baqylaýǵa halyqaralyq uıymdardyń 45 baıqaýshysynyń ótinishin qabyldady. Bul týraly osy aptada Fars aqparat agenttigi habarlady.

«Fars» aqparat agenttiginiń málimetinshe, Qazaqstannyń Ortalyq saılaý komıssııasy: «Qazaqstan Syrtqy ister mınıstrligi halyqaralyq uıymdardyń 45 ókilin usyndy jáne olardyń barlyǵy sheteldik baıqaýshylar tizimine tirkeldi»,- dep habarlady.

Bul málimet boıynsha 7 baqylaýshy TMD músheleri tarapynan, 12 baqylaýshy Eýropadaǵy yntymaqtastyq jáne qaýipsizdik uıymy, 4 baqylaýshy Islam yntymaqtastyǵy uıymynan Qazaqstanǵa keledi.

Qazaqstannyń prezıdenttik saılaýy aǵymdaǵy jyldyń 9 maýsymynda ótedi.

Naratta qazaq áni áýeledi - «Jenmın jıbao» (People Daily)

null

Qytaı Halyq Respýblıkasynda resmı mereke kúni bolyp tanylǵan «1 mamyr - halyqaralyq eńbekshiler» jáne «4 mamyr - jastar» merekesi kúnine oraı, Іle Qazaq avtonomııaly oblysynyń Kúnes aýdanynda «Naratta áýelegen áz áýen» atty merekelik kontsert ótti, dep habarlaıdy kazakh.people.com.cn saıty.

null
null

«Kúnes aýdanynyń Narat jaılaýyndaǵy «qazaq aýylynda» ótken merekelik is-sharaǵa Qytaıdyń memlekettik 1-shi dárejeli ánshisi Dálelqan Ádilbekuly, dúńgen ultynyń tanymaly ánshisi Zordun, «Kúmis kómeı» án baıqaýynyń jeńimpazy Shalqar Álimbekuly jáne jas ánshi Dıdar Jumabekqyzy sııaqty belgili óner juldyzdary qatysty. Sondaı-aq kontsert barysynda kórermenderge dızaınerler qolynan shyqqan ulttyq naqyshtaǵy kıim úlgisi kórsetildi», - dep jazady «Jenmın jıbao» saıty.


null

Bizdiń kanalymyzǵa jazylyńyz:

Basty sózder: BAQ, Álem,
Bólisińiz:

Avtor:

Baqytjol Kákesh

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT