+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Mońǵol qobyzymen oryndalǵan qazaq áni kórermenderdiń yqylasyna bólendi - Sheteldegi qazaq tildi BAQ-qa sholý

2021 jylǵy 1 tamyz 11:15
Bólisińiz:
Mońǵol qobyzymen oryndalǵan qazaq áni kórermenderdiń yqylasyna bólendi - Sheteldegi qazaq tildi BAQ-qa sholý

NUR-SULTAN. QazAqparat - «QazAqparat» HAA ádettegideı sheteldegi qazaq tilinde taraıtyn aqparat kózderine aptalyq sholýyn usynady.

Uqsas jańalyqtar
Qazaqstanda BAQ týraly zańǵa ózgerister 2023 jyly qabyldanýy múmkin Astana Media Week–2021-ge álemdik BAQ top-menedjerleri qatysady

Tokıo-2020: Ózbekstandyq qandasymyz shırek fınalǵa shyqty - «ÓzA» aqparattyq agenttigi

Boks boıynsha XXXII jazǵy Olımpıada oıyndarynyń -63 keli salmaqqa deıingi erler arasyndaǵy jarysta Elnur Abdýraımov shırek fınalǵa shyqty, dep habarlaıdy Ózbekstannyń «ÓzA» memlekettik aqparat agenttigi.

Bul týraly atalǵan basylym 31 shilde kúni habarlaǵan bolatyn.

Ózbekstan boks quramasynyń sapyndaǵy qandasymyz Elnur Abdýraımov 1/8 fınal beldesýinde sharshy alańda tájikstandyq Bahorıd Ýsmonovpen qolǵap túıistirip 5:0 esebimen jeńiske jetken.

«Osylaısha Elnur shırek fınalǵa jol aldy. Endi ol aldaǵy ýaqtta armenııalyq Hovanıs Bachkovke qarsy rıngke shyqpaq», dep habarlaǵan bolatyn «ÓzA».

Aıta keteıik, ýıkıpedııada Elnur Abdýraımov ulty qazaq, 1994 jyly 10 maýsymda týǵan, jeńil salmaqtaǵy ózbek boksshysy, dep jazylǵan.

Gýańshıdan Qazaqstanǵa qatynaıtyn Qytaı-Eýropa júk poıyzy jolǵa shyqty - «Jenmını jıbao» (People Daily)

27 shilde kúni Qytaı-Eýropa júk poıyzy Qytaıdyń Gýańshı ólkesi, Nannıń halyqaralyq temir jol vokzalynan jolǵa shyqty, dep habarlaıdy People Daily.

Atalǵan BAQ-tyń dereginshe, shamamen 11 kúnnen keıin Qazaqstannyń astanasy Nur-Sultan, Almaty qalasy sııaqty jerlerge jetedi. Bul tuńǵysh ret Gýańshıdan Qazaqstanǵa tike qatynaǵan Qytaı-Eýropa júk poıyzy eken.

«Bıyl naýyryz aıynda Gýańshı temir jol mekemesi «Nannıń - Shı-an - Nur-Sultan» Qytaı-Eýropa júk poıyzynyń aınalmaly jolyn ashqan bolatyn. Tasymal ónimdiligin arttyryp, kásiporyn tasymalynyń ózindik qunyn tómendetý úshin Qytaı temir joly Nannıń mekemesi sapaly tasymal jobasyn jasap, «Nannıń - Nur-Sultan - Almaty» tike jolyn belgiledi. Jańa joldyń jalpy uzyndyǵy 4662 kılometr. Burynǵy joldan 369 kılometr qysqaryp, tasymal ýaqyty da únemdelgen», dep jazady kazakh.people.com.

2 myń 300 jyldyq balyq súıekteri tabyldy - TRT

Antalııanyń Kash aýdanyndaǵy Patara ejelgi qalasynda 2 myń 300 jyldyq balyq súıekteri tabyldy.

Bul týraly osy aptada Túrkııa radıo televızııa portaly habarlaǵan bolatyn.

Jerorta teńizi Ýnıversıteti Arheologııa kafedrasynyń oqytýshysy Erkan Dúndar basqarǵan qazbada Tepedjık degen jerde ashana jáne dastarhan qaldyqtarynan qalǵan janýar súıekteri tabyldy. Qazba barysynda tabylǵan erekshe balyq qańqalary zerttele bastaldy, dep jazady túrkııalqy BAQ.

Dombyramen mońǵol qobyzynyń súıemelinde oryndalǵan qazaq áni - CNR

Qazaqtyń dombyrasy men mońǵoldyń atbas qobyzynyń súıemelinde oryndalǵan qazaq áni kórermenderdiń ystyq yqylasyna bólendi, dep habarlaıdy Qytaıdyń kazakcnr aqparattyq portaly.

Qytaılyq BAQ-tyń dereginshe, Shyńjańnyń Buratala mońǵul avtonomııaly oblysynda 35 ult bar. Olar tatý-tátti ómir súrip, tirshilik keship jatyr. Sonymen qatar olar bir-biriniń óner, mádenıetimen de jete tanys. Sonyń anyq mysaldarynyń biri qazaq qyzy Jańylqan men mońǵol ónerpazy Erkinniń qazaq ánin qazaq tilinde oryndaýy, dep jazady CNR.

«Jańylqan balalarmen birge mońǵoldyń bir ónerpazyna amandasa bardy. Olar buryn da talaı sahnalarda áriptes bolyp, birge óner kórsetken eken. «Atbas qobyz» dep atalatyn mýzykalyq aspapty tartyp otyrǵan mońǵol azamatynyń aty Erkin. Ol ózderiniń ulttyq aspabymen qazaqtyń halyq ánine mýzyka qosýda», deıdi qytaılyq BAQ.

Aıta ketý kerek, Jańylqan men Erkinniń oryndaǵany qazaqtyń halyq áni «Ahaý kerim».

Qazaqstanda 1300 jyldyq músin tabyldy - TRT

Qazaqstanda mólshermen 1300 jyldyq baıyrǵy Túrki dáýirine tán tas músin tabyldy. Professor doktor Muhtar Qoja tas músindi Túrkistannan 250 kılometr qashyqtyqtaǵy Syrdarııa ózeni jaǵasynan bir turǵynnyń baıqaǵanyn aıtqan.

Qazaqstannan tabylǵan tarıhı músin týraly aqparatty osy aptada Túrkııa radıo televızııa portaly da habarlaǵan bolatyn.

Halyqaralyq Túrik akademııasynyń ınternet paraqshasynda jarııalanǵan málimdemede osy tarıhı tabys jaıly alǵashqy málimetter Qoja Ahmet ıAsaýı atyndaǵy Halyqaralyq Túrik-Qazaq ýnıversıtetiniń muǵalimi professor, doktor Muhtar Qoja tarapynan habarlanǵandy, dep jazdy túrkııalyq BAQ.

Muhtar Qoja Tas músinniń baıyrǵy Túrki dáýirine tán ekenin aıtqan.

«Elimizde buryn da kóptegen tas músin tabyldy. Bul jolǵy músinniń kórinisi men órnekteri jaǵynan burynǵylardan ózgeshe. Alǵashqy zertteýde bıiktigi bir metr músinniń 1000-1300 jyldyq tarıhqa ıe ekenin mólsherledik» dedi Muhtar Qoja.

Sondaı-aq, Muhtar Qoja músinde áıel beınesi sýrettelgenin tilge tıek etedi.

«Muny oramal men syrǵadan baıqadyq. Aýqatty áıeldiń sýrettelgeni aıqyn. Sol dáýir bıleýshisiniń áıeli bolýy múmkin. Umaı ana sımvoly bolýy da yqtımal», deıdi professor.

Aıta keteıik, músin ýnıversıtettiń Arheologııa zertteý ınstıtýty mamandary tarapynan zerttelgenin aıtqan M. Qoja zertteý nátıjesiniń jaqynda jarııalanatynyn habarlaǵan.


Bizdiń kanalymyzǵa jazylyńyz:

#BAQ   #Qoǵam  
Bólisińiz:

Avtor:

Beısen Sultan

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT