+7 (701) 759 90 19
USD 414.94 EUR 504.03
RUB 5.59 CNY 64.22
Jańalyqtar

Mońǵol ánshileri qazaqtyń tanymal ánin oryndady - Sheteldegi qazaqtildi BAQ-qa sholý

2021 jylǵy 17 qańtar 11:39
Bólisińiz:
Mońǵol ánshileri qazaqtyń tanymal ánin oryndady - Sheteldegi qazaqtildi BAQ-qa sholý

NUR-SULTAN. QazAqparat- «QazAqparat» HAA shet memleketterde qazaq tilinde taraıtyn aqparat kózderine aptalyq sholýyn usynady.

Uqsas jańalyqtar
27 jastaǵy Qazaqstan týmasy amerıkalyq Forbes Next 1000 tizimine endi

Altaılyq qar-shańǵy alańy oqýshylarǵa aqysyz shańǵy tebýdi usyndy - «Aǵajaı-Altaı» saıty


Qytaıdyń Altaı qalasy muz jáne qar sporty túrlerine belsendi qatysýǵa daıarlaý úshin balalarǵa kóbirek múmkindik berýde. Qys bastalǵaly beri Altaı qalasy «Genaral taýy» qar-shańǵy alańyn orta mektep oqýshylaryna aqysyz jáne jeńildetilgen túrde paıdalanýǵa múmkindik berýde, dep habarlaıdy Qytaıdyń kazakh.altxw.com aqparattyq portaly.


Atalǵan aqparat kóziniń deregine súıensek, 2021 jyldyń qysynda Altaı qalasy oqýshylardy taýda shańǵy teýip úırenýge yntalandyrýda. «Genaral taýy» dep atalatyn qar-shańǵy alańy bıylǵy qys maýsymynda týrıster úshin arnaıy esigin ashqan. Sonymen birge 18 jasqa deıingi mektep oqýshylarynyń shańǵy tebýine barynsha jeńildikter jasaǵan.

Aıta ketý kerek, oqýshylar aqysyz shańǵy tebý úshin jeke kýáligin nemese oqýshy bıletin ala kelse jetkilikti. Mektep túlekteri shańǵylardy jalǵa alǵanda baǵanyń jartysyn tóleıdi. Al qar-shańǵy alańyna kirý tegin.


Altaı qalalyq «Genaral taýy» qar-shańǵy alańynyń qyzmetkeri Chen ıAn bul sharanyń negizgi maqsaty Beıjińdegi qysqy Olımpıada oıyndaryn qarsy alýǵa memleket ishindegi daıyndyq ekenin aıtty.

«Beıjińdegi qysqy Olımpıada oıyndaryn qarsy alýda jaqsy atmosfera qurý úshin kelesi kezekte kolledj stýdentteri men basqa da toptarǵa arnalǵan birqatar jeńildikterdi bastaımyz», - deıdi Chen ıAn.

«ÓzA» ujymy «Jyl adamy» atanǵan qandasymyzdy týǵan kúnimen quttyqtady - «ÓzA» aqparat agenttigi


Osy aptada «ÓzA» aqparat agenttiginde Ózbekstan Respýblıkasynyń «Olıı Majlıs» zań shyǵarýshy palatasynyń depýtaty Rasýl Kósherbaevty týǵan kúnimen quttyqtaǵan aqparat jaryq kórdi.

Ózbekstannyń «Olıı Majlıs» depýtaty Rasýl Kósherbaev 1987 jyl 12 qańtarda Tashkent oblysynyń «Qosaǵash» aýylyndaǵy qazaq otbasynda dúnıege kelgen.

«ÓzA» deregine súıensek, ol 2010 jyly Ózbekstan memlekettik Álem tilderi ýnıversıtetin «Halyqaralyq jýrnalıstıka» mamandyǵy boıynsha támamdaǵan. Tashkent memlekettik zań ýnıversıtetiniń magıstranty.

«Búgingi tańda Rasýl Kósherbaevtyń qoǵamdaǵy ózekti problemalardy kóterýdegi belsendiligi, halyqty uzaq jyldardan beri mazalaǵan qıyn máselelerdi ońtaıly sheshim tabýyna batyl qadam tastaǵan áreketi kópshiliktiń kókeıinde ony «qaharman» obrazynda beınelegen. Onyń atqarǵan jumystary halyq yqylasyna bólenýiniń arqasynda Ózbekstan Ulttyq aqparat agenttigi – ÓzA jyl saıyn uıymdastyryp kele jatqan táýelsiz saýalnamaǵa oraı Rasýl Kósherbaev 2020 jyly Ózbekstanda «Jyl adamy» atandy. Al 2019 jyly «Jyl depýtaty» atanǵan bolatyn. Rasýl Qydyráliulyn búgingi mereıli týǵan kúnimen «ÓzA» ujymy shyn júrekten quttyqtap, aldaǵy jumystaryna sáttilik tileıdi», - dep jazady ózbekstandyq BAQ.

Mońǵol ánshileri «Altaıdyń ar jaǵynan kelgen arý» ánin oryndady - Kaznews


Mońǵolııalyq erli-zaıypty ánshiler A.Anhbaıar men B.Chantsaldýlam qazaqstandyq sazger-aqyn Rahym Tynyshbaıulynyń «Altaıdyń ar jaǵynan kelgen arý» áıgili ánin oryndap, áleýmettik jelide hıt bolýda, dep habarlaıdy Kaznews portaly.

Aqparat agenttiginiń tilshisi osy aptada qos ánshimen baılanys ornatyp, áńgimege tartqan. «Bul ándi qazaqsha oryndaý ıdeıasy qashan týdy?» degen suraqqa óner ıeleri kez kelgen shyǵarmany jazylǵan tilinde, óz maqamymen tarıhı dástúrin saqtaı otyryp oryndaǵan durys ekendigin atqan. «Mońǵol tiline aýdaryp aıtýǵa bolar edi. Biraq solaı jasaıyq degendi esh oılamappyz», - deıdi qos ánshi. Bul án Qazaq halqynyń súıispenshiligine bólengen shyǵarma bolǵandyqtan maǵynasy qandaı, qalaı oryndasaq bolady dep oılap, zor jaýapkershilikpen qaraǵanyn aıtady. Erli-zaıyptylar ádemi lırıkalyq ánniń sapasyn túsirmeı, sózin de buzbaı durys aıtyp shyǵýǵa tyrysqan.

Tilshi bir sózinde, avtorlyq quqyq máselesi qalaı sheshilgenin suraıdy. Ánshiler ózderiniń avtorlyq quqyqqa aıyryqsha qurmetpen qaraıtynyn tilge tıek etedi.

«Biz ekeýimiz shyǵarmashylyq pen avtorlarǵa óte qurmetpen qaraımyz. Kez kelgen shyǵarmany avtordyń ruqsatyn alyp, sodan keıin ǵana kópshilikke jarııa etemiz. Elimizde Mońǵolııa kompozıtorlary jáne shyǵarmashylyq ıeleriniń MOSKAP atty uıymy bar. Olar sazgerler men aqyndardyń avtorlyq quqyǵyn qorǵaýmen qatar Azııanyń 30-daı elimen qarym-qatynas ornatqan. Anhaa ózi sazger bolǵandyqtan da osy odaqqa múshe. Biz joǵarydaǵy ándi oryndaý tilegimizdi bildirdik. Sodan olar bizdiń atymyzdan Qazaqstandaǵy uıymdarymen baılanysqa shyǵyp, ruqsatyn alyp berdi», - dep jaýap beredi óner ıesi B.Chantsaldýlam.


Mońǵol ánshisi A.Anhbaıar qazaq tilin, salt-dástúrin bilmese de osy jolǵy óresi bıik ándi oryndaý barysynda qazaq halqynyń kóptegen janǵa jaǵymdy mádenıetin, tarıhyn tanyp bilgenin sóz etedi.

«Osy «Altaıdyń ar jaǵynan kelgen arý» áninen basqa qandaı qazaq ánderin bilesizder?» degen suraqqa, «Qazaqtyń «Ana týraly jyr», «Súıgenim meniń qalada», «Ákeme», «Aqtamaq» qatarly ánderdi tyńdap júrip jattap aldym. Endi resmı túrde tolyqtap, qaıta oryndaýdy josparlap otyrmyz», - dep jaýap beredi A.Anhbaıar.

Suhbattyń sońynda qos ánshi osy ándi oryndaý arqyly qazaq halqynyń erekshe yqylasyna bólengenderin aıtady.

«Ándi jaryqqa shyǵarǵaly kóp bolmasa da, qazaq halqynyń zor alǵysyna bólenip jatyrmyz. Bul bizdi erekshe jigerlendirdi. Tezirek ádemi kıimder tikkizip, klıp jasap shyǵarýdy oılap otyrmyz. Sizderge bizdi qurmettep, suhbat jasaý múmkindigin berip otyrǵandaryńyzǵa alǵys bildiremiz. Oqyrmandar men barsha qazaq halqyna tek qana álemdegi bar jaqsylyqtardy tileımiz», degen izgi tilekterin bildiredi B.Chantsaldýlam men A.Anhbaıar.

Ankarada «Abaıdy túsiný» albomynyń tusaýkeseri ótip, «Abaı» medaldary tabys etildi - TRT

6 qańtar kúni Túrik mádenıetiniń halyqaralyq uıymy TÚRІKSOI men Qazaqstan Respýblıkasynyń Túrkııa Respýblıkasyndaǵy elshiliginiń uıymdastyrýymen Ankaradaǵy TÚRІKSOI bas hatshylyq ǵımaratynda «Abaıdy túsiný» albomynyń tusaýkeseri men «Abaı» medalimen marapattaý saltanaty boldy. Bul týraly osy aptada Túrkııa Radıo Televızııa portaly habarlaǵan bolatyn.


Jınalystyń ashylýynda sóz sóılegen TÚRІKSOI Bas hatshysy Dúısen Qaseıinov Abaı Qunanbaıulynyń týǵanyna 175 jyl tolýyna baılanysty jyl boıy kóptegen is-sharalar uıymdastyrylǵanyn málimdep, osy jyldan keıin de Abaı murasy ıgerile beretinin aıtty.

«Jınalysta sóz sóılegen Túrkııa Respýblıkasy Prezıdentiniń bas keńesshisi ıAlchyn Topchý Túrki áleminiń aqsaqaly Elbasy N.Á.Nazarbaevtyń «Halqymyzdyń myqty bolýyn, ósip-ónýin qalaıtyn árbir azamat Abaıdy oqýy kerek, Abaıǵa qulaq asýy kerek» degen sózderin eske túsirdi. ıAlchyn Topchý ómir boıy zańsyzdyqty jáne ádiletsizdikti synap ótken Abaı atamyz týraly Elbasynyń aıtqan qundy keńesin búkil adamzat, ásirese túrik halyqtary júzege asyrýy kerek ekenin aıtty», - dep jazady túrkııalyq BAQ.

Qazaqstannyń Túrkııadaǵy Elshisi Abzal Saparbekuly ǵasyrlar boıy bir-birinen alshaq turǵan túrikterdiń bir-birine jaqyndaýynda jáne ortaq qundylyqtar aınalasynda uıysýynda tarıh, mádenıet, til men dinniń, sondaı-aq uly tulǵalardy tanýdyń mańyzdy bolyp tabylatynyn tilge tıek etken.


Abaı jylyn qorytyndylaǵan QR Elshisi Túrkııada saıabaqtarǵa, kósheler men dańǵyldarǵa Abaı aty berilip, eskertkishter ornatylǵanyn jáne bul is-sharalardyń 2021 jyly jalǵasa beretinin aıtqan.

«Baıandamalardan keıin Abaı medaldaryn tabys etý rásimi ótkizildi. TÚRІKSOI Abaı medalimen Túrkııa Respýblıkasy Prezıdentiniń Bas keńesshisi ıAlchyn Topchý, Qazaqstannyń Túrkııadaǵy Tótenshe jáne Ókiletti Elshisi Abzal Saparbekuly, Túrkııa respýblıkasy Mádenıet jáne týrızm mınıstriniń orynbasary Serdar Cham, Ankara qalasy Kechıóren aýdanynyń ákimi Týrgýt Altynok, Ankara qalasy Gólbashy aýdanynyń ákimi Ramazan Shımshek, Chorým oblysy Iskılıp aýdanynyń ákimi Alı Súlik, Ahmet ıAssaýı ýnıversıtetiniń Ókiletti keńesiniń tóraǵasy Mýhıttın Shımshek, TRT AVAZ koordınatory Sedat Sagyrkaıa, Qazaqstan respýblıkasynyń Nevshehırdegi Qurmetti konsýly Halıl Ýlýer, Eýrazııa jazýshylar odaǵynyń tóraǵasy ıAkýp Ómeroǵlý, Músinshi Murat Mansurov, Músinshi Qambar Omarov marapattaldy. Medal ıegerlerine Qazaqstannyń Túrkııadaǵy Elshiligi tarapynan estelik syılyqtar da tabystaldy», dep málimdeıdi Túrkııa Radıo Televızııa portaly.


Bizdiń kanalymyzǵa jazylyńyz:

#BAQ   #Álem   #Qoǵam  
Bólisińiz:

Avtor:

Beısen Sultan

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT