+7 (701) 759 90 19
USD 422.87 EUR 503.38
RUB 5.6 CNY 64.3
Jańalyqtar

Moldavan qyzy: Qazaq tilinde jazylǵan ǵylymı materıaldar men ádebıetter jetkiliksiz

2020 jylǵy 22 qazan 14:21
Bólisińiz:
Moldavan qyzy: Qazaq tilinde jazylǵan ǵylymı materıaldar men ádebıetter jetkiliksiz

NUR-SULTAN. QazAqparat – Qazaq tilin ultaralyq qatynas tiline aınalandyrǵymyz kelse, qazaq tildi kitaptardy barlyq oblys, aýdandarda qoljetimdi etýimiz qajet. Bul týraly «Uly dalanyń ultaralyq tili» respýblıkalyq forýmynda A.Baıtursynov atyndaǵy Qostanaı memlekettik ýnıversıtetiniń 1 kýrs stýdenti Anel Pımıcheva aıtty, dep habarlaıdy QazAqparat tilshisi.

«Men 17 jyl buryn Qostanaı qalasynda dúnıege keldim. Ata-ájemniń qolynda óstim. Atam qazaq tili meniń bolashaǵyma kerek bolatynyn jaqsy túsinip, úıdiń janyndaǵy qazaq balabaqshasyna jáne qazaq mektebine berdi. Bastapqy jyldary biraz qınaldym, ásirese mektepke barǵanda mazmundama jazý men úshin ońaı bolmady. Tildi jetik meńgerýime otbasymyzdaǵy jıyn-toılarǵa keletin syıly adamdardyń yqpaly óte zor boldy. Tarıhtan, ádebıetten syr shertetin úlkenderdiń áńgimesine únemi qulaq túrip otyratynmyn. Ásirese, týǵan kún keshterinde dastarhan basynda qazaqtyń dástúrli ánderi oryndalyp, bata-tilekter aıtylatyn. 4-synyptan bastap, qazaq tilinen tórt degen baǵa ala bastadym, keıin beske túzedim. Bıyl mektep bitirgenimde attestatymda jalǵyz ǵana tórt degen baǵa boldy, ol – orys tilinen...», - deıdi moldavan qyzy Anel Pımıcheva.

Ol oblystyq, respýblıkalyq deńgeıde memlekettik tilge, tarıhqa qatysty ótetin baıqaýlardyń barlyǵyna qatysyp júretinin aıtty.

«Osyndaı jarystarǵa qatysatyn kezde Qazaqstan tarıhyna qatysty qyzyqty jáne tereń qamtylǵan málimetterdi kóp jaǵdaıda orys tilindegi kitaptardan kezdestiremin, al qazaq tilinde taba almaımyn. Ǵylymı materıaldar men ádebıetter, qazirgi trend bop júrgen sapaly podkasttar jetpeıdi. Biraq qazirgi tańda kitap áli de memlekettik tildi qorǵaıtyn quralǵa aınala alǵan joq. Bul ay da bolsa – shyndyq. Men sııaqty jastar Qazaqstan tarıhyn orys tilinen aýdaryp, oqyp júr. Óz basymnan ótken taǵy bir mysal: jaz kezindegi Berdibek Soqpaqbaevtyń «Ólgender qaıtyp kelmeıdi» kitabyn oqyǵym keldi. Tek ınternetten taptym. Eger biz Qasym-Jomart Kemeluly aıtqandaı, qazaq tilin ultaralyq qatynas tiline aınalandyrǵymyz kelse, qazaq tildi kitaptardy barlyq oblys, aýdandarda qoljetimdi etýimiz qajet. Kitaphana sórelerinde turýy tıis, dúkenderde satylýy qajet», - deıdi ol.


Bizdiń kanalymyzǵa jazylyńyz:

#Til   #Qoǵam  
Bólisińiz:

Avtor:

Zarına Qaharman

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT