+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

Moldahmet Qanaz: Prezıdent tapsyrǵan daǵdarysqa qarsy sharalar tolyq oryndalýy tıis

2020 jylǵy 1 sáýir 16:14
Bólisińiz:
Moldahmet Qanaz: Prezıdent tapsyrǵan daǵdarysqa qarsy sharalar tolyq oryndalýy tıis

NUR-SULTAN. QazAqparat - Prezıdent tapsyrǵan daǵdarysqa qarsy is-sharalar tolyq oryndalýy tıis. Memleket basshysy Qasym-Jomart Toqaevtyń daǵdarysqa qarsy is-sharalar jónindegi málimdemesine oraı jazýshy, «Densaýlyq» jýrnalynyń bas redaktory Moldahmet Qanaz osyndaı pikir bildirdi.

«Búgingi el basyna túsken jaǵdaı – ońaı sharýa emes. Juqpaly aýrý adamdy, qyzmetińdi, dárejeńdi tańdamaıdy. Vırýs múmkindiginshe kóp taraýǵa tyrysady, vırýstyń tabıǵaty solaı. Onyń qaýpi kózge kórinbeıdi, emi – qıyn. Eń jamany – bul vırýstyń vaktsınasy tabylǵan joq, sol sebepti biraz áýre-sarsańǵa salýy múmkin. Men de úlken kisi, osy eldiń azamaty esebinde halyqqa janym ashıdy. Qazaq halqy – salǵyrttaý, «Bir Qudaı aman alyp qalar», «Úkimet óltirmeıdi ǵoı» dep júre beredi. Osy salǵyrttyq bizge zııan bolýy múmkin», - deıdi jazýshy.

Onyń paıymynsha, qazirgi kúni dert qarqynyn báseńdetip keledi. Al buǵan memleket tarapynan bolǵan qamqorlyq, der kezinde qabyldaǵan sharalar óz septigin tıgizip otyr.

«Keshe Prezıdentimiz Qasym-Jomart Toqaev bul máseleni qaıta qarap, taǵy birsypyra qosymsha sharalar tapsyrdy. Onyń tapsyrmalary júzege asatyny sózsiz. Prezıdent málimdemesinde halyqtyń basy-qasynda júrgen dárigerlerge qamqorlyq erekshe bolatynyna nazar aýdardy. Bul – óte oryndy, durys sheshim. Olardyń da otbasy, óz ómiri bar. Buryn qoǵamnyń dárigerlerge degen renishi bolyp turatyn. Osy joly dárigerler shyndyǵynda otansúıgishtik, patrıottyq minez tanytyp otyr. Dárigerlerge sený kerek jáne kómek kórsetý kerek», - deıdi ol.

Sonymen qatar, Moldahmet Qanaz qosymsha shara retinde Prezıdent sheshimin qoldaıtynyn bildirdi.


«Qarjy – halyqtyń qazynasy. Memleket basshysynyń halyqtyń óz qazynasyn ózine jumsaǵany óte oryndy. Prezıdent Qasym-Jomart Toqaevtyń bul sheshimin qoldaıtynym sózsiz. Jalpy bundaı jaǵdaıda aýyzbirshilik, túsinistik kerek, aıtylǵan tapsyrmalar tolyq oryndalýy tıis», - deıdi ol.


Sóz sońynda jýrnaldyń bas redaktor salaýatty ómir salty, buqaranyń saýlyǵy týraly toqtala kele, bul baǵytta BAQ kóterer júgi jeńil emes ekenin atap ótti.


«Densaýlyq – zor baılyq» degendi bári aıtady. «Saqtansań – saqtaıdy» degen áńgime de burynnan kele jatyr. Densaýlyq saqtaýdyń eń negizgi prıntsıpteriniń biri – aldyn alý, qamdaný, salamatty ómir súrý. Osy mańyzdy baǵytty dáriptep, nasıhattap júrgen «Densaýlyq» jýrnaly týraly da sóz qosa ketkim keledi. Osydan 25 jyl buryn elimizde 200 myń danamen taraǵan ana tilimizdegi jalǵyz jýrnal osy bolatyn. Bul jýrnalǵa memleket tarapynan qoldaý bolsa deımin. Halyq óz densaýlyǵy týraly naǵyz mamandardan shynaıy aqparatty bilip, oqyp, odan oı túıip otyrýy kerek. Myna indet te densaýlyq pen aqparat salasyndaǵy saıasatqa jaqsy ózgerister ákeledi dep úmittenemin», - deıdi Moldahmet Qanaz.


Bizdiń kanalymyzǵa jazylyńyz:

Bólisińiz:

Avtor:

Zarına Qaharman

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT