Mobıldik qosymshalardy qazaq tilinde qyzmet kórsetýge májbúrleımiz – Mýsın
2022 jylǵy 24 mamyr 16:03

Mobıldik qosymshalardy qazaq tilinde qyzmet kórsetýge májbúrleımiz – Mýsın

NUR-SULTAN. QazAqparat – Mobıldik servıster men qosymshalardy qazaq tilinde qyzmet kórsetýge májbúrleımiz. Bul týraly QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın aıtty, dep habarlaıdy QazAqparat tilshisi.

«Buǵan buryn mán bermeýshi edik. Tek qana memlekettik organdardyń saıttaryna, portaldaryna nazar aýdaryp keldik. Olardy májbúrlep, qazaqsha aýdarttyq. Biraq, olardyń da sapasy azdap tómen ekenin bilemiz. Qazir jaqsartyp jatyrmyz. Olarǵa talap qoıyldy, jumys júrgizilip jatyr.

Munda jekemenshik servısterdiń, Facebook-tiń qazaqshasy nege joq degen suraq týyndaıdy ǵoı. Biraq ony biz qalaı qazaqsha jasaı alamyz? Ol – naryq. Facebook ózi jasamasa, biz jasaı almaımyz ǵoı. Ony májbúrlesek, qazaqsha joq dep jaýyp tastasaq, adamdar shýlaı bastaıdy. Sondyqtan osy satyda qazir Amerıkaǵa barmaı-aq qoıaıyq, janymyzdaǵy servıster – 2GIS, ıAndeks bolsyn, solarǵa shyǵyp, osyndaı talaptardy qoıyp jatyrmyz. «Bizdiń ekonomıkada jumys istegińiz kelse, onda qazaq tilin engiz» degen talap qoıamyz. Sondaı usynystardy talqylaýdamyz», - dedi mınıstr Aqtóbe oblysy jurtshylymen kezdesý barysynda.

Onyń atap ótýinshe, mundaı talapty zańǵa engizý de qajet.

«Bul kúrdeli másele. Biraq, ony birtindep engizemiz», - dedi Baǵdat Mýsın.


Uqsas jańalyqtar

Jańalyqtar

MURAǴAT