Mırbolat Aıýpov «Qazteleradıo» AQ basqarma tóraǵasy bolyp taǵaıyndaldy

NUR-SULTAN. QazAqparat - QR Aqparat jáne qoǵamdyq damý mınıstriniń buıryǵymen Mırbolat Aıýpov «Qazteleradıo» AQ Basqarma tóraǵasy bolyp taǵaıyndaldy, dep habarlaıdy QazAqparat mınıstrlikke silteme jasap.

Mırbolat Haıratuly Aıýpov 1963 jyly 26 tamyzda Qaraǵandy qalasynda dúnıege kelgen.

Máskeý ınjenerlik-fızıka ınstıtýtynyń kıbernetıka fakýltetin bitirgen.

1986 jyldary Qaraǵandy Memlekettik tehnıkalyq ýnıversıtetinde ǵylymı jáne oqytýshylyq qyzmetter atqardy.

1998 jyldary «Altel» AQ jáne «Qazaqtelekom» AQ kompanııalarynda basshylyq laýazymda boldy.

Ár jyldary «Transtelekom» AQ, «Zerde» Ulttyq ınfokommýnıkatsııa holdıngi» AQ, «Qazmedıa ortalyǵy» basqarýshy kompanııasy» JShS-in basqardy.

Baılanys jáne telekommýnıkatsııa, sondaı-aq, televızııa tehnologııalary salasynda 20 jyldan astam basshylyq qyzmetterdi atqaryp keldi.

«Qurmet» ordeniniń, Qazaqstan Respýblıkasyndaǵy basqa da birqatar medaldar ıegeri, «Qurmetti baılanysshy» degen ataǵy bar.

«Qazteleradıo» AQ basty maqsaty – halyqqa teleradıo habarlaryn taratýdyń túrli jelilerinde memlekettik baǵdarlamalardy tegin qabyldaý múmkindigin qamtamasyz etý.

Bul rette birinshi kezektegi mindetter tsıfrlyq efır telehabaryn taratýdy engizý, jerseriktik teleradıo habarlaryn taratý jelisin, memlekettik habar taratý jelilerin damytý, ınternet-habar taratýdy keńeıtý jáne memlekettik aqparattyq saıasat júrgizýdi qamtamasyz etý bolyp otyr.