+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Mınıstrlik saýda boıynsha analıtıkalyq platforma múmkindikterin túsindirdi

2021 jylǵy 7 qyrkúıek 10:51
Bólisińiz:
Mınıstrlik saýda boıynsha analıtıkalyq platforma múmkindikterin túsindirdi

NUR-SULTAN. QazAqparat – Búgin Úkimet otyrysynda Saýda jáne ıntegratsııa vıtse-mınıstri Erjan Qazanbaev saýda boıynsha analıtıkalyq platforma múmkindikteri týraly aıtty, dep habarlaıdy QazAqparat tilshisi.

Uqsas jańalyqtar
Úkimet ulttyq damý jobalaryn bekitti: Ekonomıka salalarynda qandaı ózgerister bolady Úkimette Qazaqstannyń EYDU-men yntymaqtastyǵynyń máseleleri talqylandy 2022 jyly órtke qarsy qyzmetke 500-den astam maman qajet bolady

Aıta keteıik, Memleket basshysynyń bıylǵy 1 qyrkúıektegi Joldaýyn iske asyrý maqsatynda Saýda jáne ıntegratsııa mınıstrligin áleýmettik mańyzy bar taýarlar baǵasynyń ósýin tejeý máselelerinde biryńǵaı úılestirýdi júzege asyratyn negizgi jaýapty memlekettik organ retinde aıqyndaý usynyldy.

«Mınıstrlik azyq-túlik baǵalaryn turaqtandyrý máseleleri boıynsha salalyq memlekettik organdar men uıymdar arasyndaǵy ózara is-qımyl reglamentiniń jobasyn ázirlep, kelisilgen nusqasy jaqyn arada Úkimetke engiziledi. Azyq-túlik taýarlaryna monıtorıng pen baǵalardyń neǵurlym sapaly jáne tıimdi júıesin júrgizý maqsatynda mınıstrliktiń tıisti ınstıtýtsıonaldyq kúsheıtýlerin usynamyz», - dedi vıtse-mınıstr.

Osy bastama aıasynda memlekettik organdardyń:

- shekti baǵalar men saýda ústemeleri mólsheriniń saqtalýyn baqylaý;

taýarlar boıynsha boljamdardy qalyptastyrý;

turaqtandyrý qorlaryna jáne «aınalym shemasyna» qarajatty tıimdi bólý boıynsha usynymdar berý sııaqty fýnktsııalaryn biriktirý qajet.

«Saýda boıynsha analıtıkalyq platforma quryldy. Platforma onlaın rejıminde azyq-túlik baǵalaryna monıtorıng júrgizýge jáne boljamdy baǵalardy qalyptastyrýǵa múmkindik beredi. Al múddeli memlekettik organdardyń qoldanystaǵy bazalarymen ıntegratsııa júrgize otyryp, platforma baǵanyń ósý sebepteri men olardy turaqtandyrý joldaryn kórýge múmkindik beretin matematıkalyq modelderdi qurýǵa múmkindik beredi. Sonymen birge, saýda salasynyń jaı-kúıine keshendi taldaý júrgizý, túpkilikti tutynýshyǵa deıin búkil tizbek boıynsha taýarlarǵa baǵa belgileý úrdisterin anyqtaý múmkin bolady. Bul jumys Úkimettiń tsıfrlyq keńsesi aıasynda júrgiziledi. Osy platformaǵa ákimdikterdiń ahýaldyq ortalyqtary da qosylatyn bolady, bul árbir óńirdegi baǵa boıynsha jaǵdaıdy jedel rejımde monıtorıngteýge múmkindik beredi», - dedi Erjan Qazanbaev.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT