Mınıstrlik pedagogterge 30 mlrd teńge qaryz – depýtat
2022 jylǵy 22 maýsym 13:34

Mınıstrlik pedagogterge 30 mlrd teńge qaryz – depýtat

NUR-SULTAN. QazAqparat – Májilis depýtaty ıÝlııa Kýchınskaıa Oqý-aǵartý mınıstri Ashat Aımaǵambetovtiń atyna depýtattyq saýal joldap, muǵalimderdiń aılyǵyn keshiktermeı tóleýdi surady, dep habarlaıdy QazAqparat tilshisi.

«Keıingi birneshe kúnde depýtattardyń atyna muǵalimderden kóptegen ótinishter túsip jatyr. Olar aılyqtary, eńbek demalysynyń aqysy, emdelý ótemaqysy keshigip jatqanyn aıtyp, kómek suraýda», - dedi Májilis ókili.

Onyń deregi boıynsha, 1 maýsymda eldegi 300 myńdaı muǵalim jazǵy eńbek demalysyna shyqqan.

«Sizdiń vedomstvo mamandarynyń bıýdjet josparlaýǵa salǵyrt qaraýynyń saldarynan qarajat tapshylyǵy týyndap otyr. Onyń salarynan pedagogterdiń bir bóligi mamyr aıynyń aılyǵyn tolyq kólemde ala almaı otyr. Onyń ústine eńbek demalysynyń aqysy men emdelý ótemaqysynyń qaryzy 30 mlrd teńgege jetken. Pedagogterdiń bul shaǵymy ádiletti bolǵanyna qaramastan, mınıstrlik jumǵan aýzyn ashpaı otyr», - degen depýtat mınıstr Ashat Aımaǵambetovten atalǵan máseleni keshiktirmeı sheshýdi surady.

QR Oqý-aǵartý mınıstrligi mektepke deıingi jáne orta bilim komıtetiniń tóraǵasy Gúlmıra Kárimovanyń aıtýynsha, eldegi maman tapshy óńirlerge barǵan muǵalimderdiń jalaqysy 150%-ben tólenedi.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT