Mınıstrlik muǵalimder jalaqysynyń keshigýi týraly: Ýaqytsha másele
2022 jylǵy 23 maýsym 14:30

Mınıstrlik muǵalimder jalaqysynyń keshigýi týraly: Ýaqytsha másele

NUR-SULTAN. QazAqparat –QR Oqý-aǵartý vıtse-mınıstri Ǵanı Beısembaev pedagogterge jazǵy eńbek demalysy men emdelý ótemaqysy qashan tolyq tólenetinin aıtty, dep habarlaıdy QazAqparat tilshisi.

«Bul máseleniń týyndaýy aqshanyń joqtyǵyna baılanysty emes jáne júıeli problema da emes. Negizinen jergilikti qarjyny bólgende ákimdikter jiti mán bermegendikten osyndaı másele týyndap otyr. ıAǵnı, ýaqytsha másele dep aıtýǵa bolady. Aqsha bar, másele mınıstrliktiń jiti qadaǵalaýynda. Eń bastysy muǵalimder tıesili jalaqysyn alǵany kerek», - dedi mınıstrdiń orynbasary.

Onyń aıtýynsha, mınıstrlik eńbekaqy qaryzy bar óńirlerdiń ákimdikterimen birge jazǵy eńbek demalysy men emdelý ótemaqysynyń qaryzyn tolyq óteýge arnalǵan keste qurǵan.

«Sol keste boıynsha, jýyq arada, ıaǵnı kelesi aptanyń basyna deıin bári tıesili aqshasyn alyp bitedi dep otyrmyz. Oblystardyń bizge bergen ýádesi sondaı. Men soǵan súıenip aıtyp otyrmyn. Tıesili tólemderdiń bárin jýyq arada tólep bitemiz degen ýádeleri bar. Kórip otyrmyz, ázirge ol ýádelerin oryndap jatyr.

Pedagogterdiń aılyǵy men eńbekaqysyn, jazdyq demalysqa baılanysty aqylaryn tóleý jergilikti atqarýshy organnyń enshisindegi dúnıe. Biz oǵan qaramastan búkil aımaqtardaǵy pedagogterdiń aılyqtarynyń ýaqtyly tólenýin baqylaýda ustap otyrmyz», - dedi Ǵanjıe Beısembaev.

Eske salsaq, keshe Májilis depýtaty ıÝlııa Kýchınskaıa Oqý-aǵartý mınıstri Ashat Aımaǵambetovtiń atyna depýtattyq saýal joldap, muǵalimderdiń aılyǵyn keshiktermeı tóleýdi suradǵan edi. Onyń aıtýynsha, jazǵy eńbek damlysyna shyqqan muǵalimderdiń 30 mlrd teńge kóleminde eńbekaqysy tólenbegen. Muǵalimderdiń keshiktirilgen 28 mlrd teńge eńbekaqysy bir apta ishinde aýdarylatyny buǵan deıin de belgili boldy.



Uqsas jańalyqtar

Jańalyqtar

Úrdis

MURAǴAT