Mınıstrlik medıtsınalyq saqtandyrýǵa qatysty feık aqparatqa senbeýge shaqyrdy

NUR-SULTAN. QazAqparat – Taýarlar men kórsetiletin qyzmetterdiń sapasy men qaýipsizdigin baqylaý komıtetiniń tóraǵasy Lıýdmıla Bıýrabekova elimizde kúshine engen mindetti áleýmettik medıtsınalyq saqtandyrý júıesine qatysty Whats App-ta taraǵan jalǵan aqparatqa senbeýge shaqyrdy, dep habarlaıdy QazAqparat tilshisi.

Uqsas jańalyqtar

Almatyda medıtsına qyzmetkerleri basy jarylǵan balany dalada qaldyrǵan

Dáriger: Vaktsınatsııa – koronavırýs ınfektsııasyn jeńýdiń jalǵyz joly Jansaqtaý bóliminen shyǵa sala naýqastardy emdeýge kiristim – aqtóbelik dáriger Erlan Tátimov Qazaqstanda sońǵy táýlikte 1124 adam koronavırýstan jazyldy

«Qazir Whats App messendjeri arqyly densaýlyq saqtaýǵa qatysty jańa kodekstiń qabyldanǵany týraly habar tarap júr. Aýdıofaılmen taratylǵan aqparatta mindetti túrde kelisimge otyrý kerektigi aıtylady. Bul jalǵan aqparat ekenin aıtqymyz keledi. Aýdıofaıldy tyńdasańyz, áńgime Reseı Federatsııasy jáne medıtsınalyq saqtandyrýǵa qatysty federaldy zańnama týraly aıtylyp otyrǵanyn uǵasyz. Bizdiń zańnamaǵa onyń túk qatysy joq», - dedi Lıýdmıla Bıýrabekova OKQ-da ótken baspasóz máslıhatynda.

Komıtet basshysy messendjerler arqyly taraǵan bul aqparatqa senbeýge shaqyrdy.

«Bul habarlamalardy taratqan adamdardy jaýapkershilikke tartý týraly quqyq qorǵaý organdaryna júginemiz», - dedi ol.