+7 (701) 759 90 19
USD 399.67 EUR 452.95
RUB 5.82 CNY 56.36
Jańalyqtar

Mınıstrlik medıatorlardy daıarlaý erejesin qaıta qaraýdy usyndy

2020 jylǵy 13 naýryz 12:20
Bólisińiz:
Mınıstrlik medıatorlardy daıarlaý erejesin qaıta qaraýdy usyndy

NUR-SULTAN. QazAqparat - QR Aqparat jáne qoǵamdyq damý vıtse-mınıstri Danııar Esın medıatsııa ınstıtýtyn keńinen damytýdy tejep turǵan problemalardy atady, dep habarlaıdy QazAqparat tilshisi.

«Búginde medıatsııa ınstıtýtynyń keńinen damýyn jáne ony qoldanýdy tejep turǵan problemalar bar. Olardyń arasynda halyqtyń medıatsııa rásimderi týraly jetkilikti habardar bolmaýy men oǵan degen senimniń tómendigi. Áleýmettik saýalnama nátıjesine súıensek, suralǵan adamdardyń tek 36 paıyzy medıatsııa jaıynda biledi», - dedi Danııar Esın Senatta medıatsııa zańnamasyn jetildirý taqyrybyna arnalǵan dóńgelek ústel otyrysynda.

Mamandardyń paıymynsha, medıatsııa rásimderine halyqtyń senimin arttyrý úshin azamattyq daýlar men ákimshilik ister boıynsha sotqa deıingi kezeńde mindetti túrde medıatormen aqparattyq keńes júrgizýdi engizý qajet.

«Medıator jumysy daýdyń bastapqy kezeńinde ony tıimdi ári der kezinde retteýge múmkindik beredi, sondaı-aq sottarǵa, ishki ister organdary men prokýratýraǵa júktemeni azaıtady», - dep túsindirdi D. Esın.

Sonymen qatar ol kásibı medıatorlardy daıarlaý sapasy máselesine nazar aýdardy.

«Búginde daıarlaý baǵdarlamasy boıynsha oqýdan ótkenin rastaıtyn sertıfıkaty barlar kásibı medıator bola alady. Osyǵan baılanysty qazirgi jaǵdaıdy eskere otyryp, medıatorlardy daıarlaý erejesin qaıta qaraý usynylady», - dedi vıtse-mınıstr.

Onyń aıtýynsha, búginde Qazaqstanda medıatorlardy daıarlaý boıynsha 120-dan astam qoǵamdyq ortalyq tirkelgen. Alaıda olarda biryńǵaı baǵa saıasaty, biryńǵaı ádistemelik eńbekter men medıatsııa rásimderin júrgizýge arnalǵan sharttar, sondaı-aq oqyǵan medıatorlar men berilgen sertıfıkattardy esepke alatyn biryńǵaı organ joq.

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT