Mınıstrlik «Qazsýshar» mekemesin aktsıonerlik qoǵamǵa aınaldyrmaq
2022 jylǵy 28 qańtar 18:02

Mınıstrlik «Qazsýshar» mekemesin aktsıonerlik qoǵamǵa aınaldyrmaq

NUR-SULTAN. QazAqparat – QR Ekologııa, geologııa jáne tabıǵı resýrstar mınıstrligi «Qazsýshar» mekemesin qaıta qurylymdamaqshy, habarlaıdy QazAqparat tilshisi.

«Qazsýshar» respýblıkalyq memlekettik kásipornyna Sý resýrstary komıtetiniń sý sharýashylyǵy ınfraqurylymyn salý jáne rekonstrýktsııalaý boıynsha tapsyrys berýshi retindegi fýnktsııalaryn bere otyryp, aktsıonerlik qoǵam etip qaıta uıymdastyrý usynylady», - dedi vıtse-mınıstr ortalyq kommýnıatsııalar qyzmetinde ótken brıfıngide.

Onyń sózine qaraǵanda, atalmysh qadam Sý resýrstary komıtetine sý resýrstaryn basqarý, sý únemdeý jáne sýdy paıdalaný tıimdiligin arttyrý máselelerine kóbirek kóńil bólýge múmkindik beredi.

«Respýblıkalyq memlekettik kásiporyndy aktsıonerlik qoǵam etip qaıta uıymdastyrý jáne qyzmet salasyn keńeıtý arqyly bıýdjetten tys ınvestıtsııalar tartýdy kózdep otyrmyz. Mysaly, sýdy esepke alý isin avtomattandyrý jáne sol sııaqty jobalar.

Osylaısha, «Qazsýshar» mekemesin qaıta uıymdastyrý memlekettik bıýdjettiń júktemesin azaıtýǵa múmkindik beredi», - dedi Serik Qojanııazov.


Jańalyqtar

MURAǴAT