+7 (701) 759 90 19
USD 376.51 EUR 418.91
RUB 6.13 CNY 54.90
Jańalyqtar

Mınıstrlik Iraktan oralǵan sábılerdiń qazirgi jaǵdaıy týraly aıtty

2019 jylǵy 9 jeltoqsan 12:42
Bólisińiz:
Mınıstrlik Iraktan oralǵan sábılerdiń qazirgi jaǵdaıy týraly aıtty

NUR-SULTAN. QazAqparat - Iraktan oralǵan sábıler jaqynda týystarymen qaýyshady. Bul týraly búgin QR Bilim jáne ǵylym mınıstriniń balalar quqyǵy jónindegi keńesshisi Raısa Sher aıtty, dep habarlaıdy QazAqparat tilshisi.

Uqsas jańalyqtar
Analaryń jaqynda keledi: Iraktan oralǵan sábılerdi tárbıeshiler qalaı jubatady Iraktan oralǵan tul jetim sábıdiń ájesi tabyldy Iraktan oralǵan balalardy tezirek týystaryna tapsyrýǵa tyrysamyz – BǴM

«QR Syrtqy ister mınıstrliginiń bastamasymen QR Bilim jáne ǵylym, Densaýlyq saqtaý mınıstrlikteriniń, sonymen qatar ózge de vedomstvolardyń qoldaýymen Iraktan qazaqstandyq balalardy alyp kelýge baǵyttalǵan «Rýsafa» degen ataýmen arnaıy operatsııa júrgizildi. Qarashanyń 27-inen 28-ine qaraǵan kúni balalar Qazaqstanǵa jetkizildi. Balalar Nur-Sultan qalasynyń qıyn jaǵdaıǵa tap bolǵan balalardy qoldaý ortalyǵynda turyp jatyr. Osy jerge 14 bala jetkizildi. Olardyń 10-y 1 jas on aıdan 5 jasqa deıingi sábıler, ekeýi 6 jáne 9 jasta, taǵy eki bala 10 jáne 13 jasta», - dedi ol atalǵan ortalyqta balalardyń jaǵdaıymen tanystyrý barysynda.

Onyń atap ótýinshe, barlyq balalar atalǵan ortalyqta áleýmettendirilip, ońaltýdan ótip jatyr. Olarmen pedagogtar, tárbıeshiler, medıtsına qyzmetkerleri kúndelikti jumys isteıdi. Bul mekemeniń qaýipsizdigin Nur-Sultan qalalyq polıtsııa departamenti qorǵaıdy.

«Bastapqy kezde balalar jylap, bir-biriniń qolynan ustap júretin bolsa, qazirgi ýaqytta birshama boı úıretip qaldy. Kóńilderi kóterińki, daýystap sóılep, tipti bir-birimen alysyp ta alady. Balalardy elimizdiń túrli óńirlerinde turatyn týystaryna jaqyn arada, shamamen 12 jeltoqsanda berý josparlanyp otyr. Olar bul jerde týystarynsyz turyp jatyr. Sebebi olarǵa genomdyq saraptamalar júrgizildi. ıAǵnı, aldyn ala saraptamalarǵa saı týystyqtary qanshalyqty durys ekendigin taǵy bir naqtylaý júrgizildi. Genomdyq saraptama týystyqtaryn taǵy da bir márte naqtylady. Biraq, týystary bas tartqan 4 bala bar. Belgili bir sebepterge baılanysty olar balalardy qabyldaýǵa daıyn emes. Sondyqtan biz ol balalardy asyrap alýshy otbasyǵa nemese otbasylyq úlgide tálim-tárbıe beretin mekemege berýdi josparlap otyrmyz»,- dedi Raısa Sher.


Eske salsaq, Irak túrmesinde óz analarynyń janynda jatqan 14 qazaqstandyq bala qaıtarylǵan edi.

Iraktan Qazaqstanǵa balalardy qaıtarý jumysy osy jyldyń basyndaǵy Tuńǵysh Prezıdent – Elbasy Nursultan Nazarbaevtyń bastamasymen iske asyrylǵan «Jýsan» gýmanıtarlyq operatsııasynyń jalǵasy bolyp otyr.

9 qazanda elordada ótken Eýropadaǵy qaýipsizdik jáne yntymaqtastyq uıymynyń (EQYU) Aýǵanstan boıynsha jıynynda QR Syrtqy ister mınıstri Muhtar Tileýberdi Qazaqstannyń Iraktan 14 balany qaıtarý baǵytynda jumys júrgizip jatqanyn habarlaǵan.

«Irakta júrgen kishkentaı qazaq balalaryn elge alyp kelemiz. Jaqyn arada bolýy kerek. Osy aıdyń ishinde. Balalardyń shesheleri sottalyp, túrmede otyr. Sondyqtan, balalary jat elde qalmasyn dep, osyndaǵy týǵan-týystary ótinish bildirdi. Sol balalardy alyp kelemiz. Árıne, buqaralyq aqparat quraldary ókilderin áýejaıdan kútip alýǵa shaqyramyz», - degen bolatyn Aıbek Smadııarov vedomstvoda ótken brıfıng barysynda.

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT