+7 (701) 759 90 19
USD 425.37 EUR 492.66
RUB 5.97 CNY 66.15
Jańalyqtar

Mınıstrlik Bek Air ushaǵy ekinshi ushqyshynyń qaıtys bolýyna qatysty túsinik berdi

2020 jylǵy 29 qańtar 12:47
Bólisińiz:
Mınıstrlik Bek Air ushaǵy ekinshi ushqyshynyń qaıtys bolýyna qatysty túsinik berdi

NUR-SULTAN. QazAqparat - QR Іshki ister mınıstriniń birinshi orynbasary Marat Qojaev apatqa ushyraǵan Bek Air ushaǵy ekinshi ushqyshynyń qaıtys bolýyna qatysty pikir bildirdi, dep habarlaıdy QazAqparat tilshisi.

Uqsas jańalyqtar
Balqash kóli mańynda charterlik ushaq aýdarylyp qaldy Mınnıhanov 11 qazandy Tatarstanda aza tutý kúni dep jarııalady Tatarstanda jeńil ushaq apatqa ushyrady, birneshe adam qaza tapty

«Kez kelgen adamnyń ólimi faktisi boıynsha qajetti sot-medıtsınalyq zertteý taǵaıyndalady. Aldyn ala málimetterge qaraǵanda, atalǵan jaǵdaıda ushqyshtyń qaıtys bolýyna áýe apatyndaǵy jaraqattar nemese basqa da krımınaldyq faktorlar sebep bolyp otyrǵan joq. Bul turǵyda másele onyń densaýlyǵyna qatysty bolyp turǵan sııaqty. Degenmen de naqty sebepti sot-medıtsınalyq saraptama kórsetedi», - dedi M. Qojaev Parlament Májilisinde tilshiler saýalyna jaýap bere otyryp.

Osy oraıda sot-medıtsınalyq saraptamaǵa 30 kúndeı ýaqyt kerek ekendigin de atap ótti.

Budan buryn habarlanǵandaı, 28 qańtarda Almaty mańynda ushaq apatynan jaraqat alǵan ekinshi ushqysh qaıtys boldy.

Qalalyq Qoǵamdyq densaýlyq saqtaý basqarmasy baspasóz qyzmetiniń málimdeýinshe, pılot 21 qańtarda №4 qalalyq klınıkalyq aýrýhanadan emhanada ambýlatorııalyq emdelýge jaǵdaıy turaqty kúıde úıine shyǵarylǵan.

«Emhanada kardıolog, hırýrg, terapevt, psıhologtardyń qaraýynda bolǵan. Búgin saǵat 18.00-da Jedel járdem qyzmetine onyń jaǵdaıy kenet nasharlap ketkeni jóninde shaqyrtý túsken. Jedel járdem der kezinde keldi, júrek qyzmetin qalpyna keltirý jónindegi barlyq reanımatsııalyq is-sharalar jasaldy, alaıda onyń barlyǵy nátıjesiz boldy», - dep málim etti basqarma ókili.

Eske sala keteıik, 2019 jyldyń 27 jeltoqsanynda Almatydan Nur-Sultan qalasyna ushyp shyqqan 93 jolaýshy jáne 5 ekıpaj múshesi mingen ushaq apatqa ushyraǵan bolatyn. Áýe kemesiniń komandıri 57 jastaǵy Marat Muratbaev oqıǵa ornynda qaza tapty.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT