+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

Mınıstrler «100 naqty qadam» Ult josparyn iske asyrý barysyn baıandady

2020 jylǵy 1 qazan 17:54
Bólisińiz:
Mınıstrler «100 naqty qadam» Ult josparyn iske asyrý barysyn baıandady

NUR-SULTAN. QazAqparat - QR Premer-Mınıstri Asqar Mamınniń tóraǵalyǵymen jáne QR Parlamenti Májilisiniń Tóraǵasy Nurlan Nyǵmatýlınniń qatysýymen ótken Jańǵyrtý jónindegi ulttyq komıssııanyń selektorlyq otyrysynda «Tuńǵysh Prezıdent – Elbasy N. Nazarbaevtyń bes ınstıtýtsıonaldyq reformasyn iske asyrý boıynsha 100 naqty qadam» Ult josparyn jáne Memleket basshysy Q. Toqaevtyń Joldaýyn oryndaý barysy qaraldy, dep habarlaıdy QazAqparat primeminister.kz saıtyna silteme jasap.

Uqsas jańalyqtar
Úkimette Almaty JEO-2-ni gazdandyrý jobasy maquldandy Asqar Mamın: Barlyq óńir Prezıdent tapsyrmalaryn tıimdi iske asyrý úshin jumysty jandandyrýy tıis

Atqarylyp jatqan jumys barysy týraly Ulttyq ekonomıka mınıstri R. Dálenov, Qarjy mınıstri E. Jamaýbaev, Indýstrııa jáne ınfraqurylymdyq damý mınıstri B. Atamqulov, Aýyl sharýashylyǵy mınıstri S. Omarov, Bilim jáne ǵylym mınıstri A. Aımaǵambetov, Densaýlyq saqtaý mınıstri A. Tsoı, Tsıfrlyq damý, ınnovatsııalar jáne aeroǵarysh ónerkásibi mınıstri B. Mýsın, Strategııalyq josparlaý jáne reformalar jónindegi agenttik tóraǵasy – «Astana» halyqaralyq qarjy ortalyǵynyń basqarýshysy Q. Kelimbetov jáne ózgeleri baıandady.

«Memleket basshysy Qasym-Jomart Kemeluly Toqaev 2020 jylǵy 1 qyrkúıektegi óz Joldaýynda Ult jospary men Bes ınstıtýtsıonaldyq reforma aıasynda Elbasynyń reformalaryna salmaqty serpin berý qajettigin atap ótti. Bıyl birqatar baǵyt boıynsha barynsha kúsh-jiger salynyp, Ult josparynyń 5 qadamy tolyq júzege asyryldy. Qazirgi kezde 33 qadam iske asyrylý ústinde», — dedi A. Mamın.

Qazirgi ýaqytta «Kásibı memlekettik apparat qurý» baǵyty boıynsha 15 qadamnyń 13-i oryndaldy, «Zańnyń ústemdigin qamtamasyz etý» baǵyty boıynsha barlyq 19 qadam, «Indýstrııalandyrý jáne ekonomıkalyq ósim» baǵyty boıynsha 50 qadamnan 20 qadam, «Birtektilik pen birlik» baǵyty boıynsha 6 qadamnan 3 qadam, «Esep beretin memleketti qalyptastyrý» baǵyty boıynsha 10 qadamnan 9-y oryndalǵan.

Otyrysta sút jáne et óndirisin jáne qaıta óńdeýdi damytý úshin strategııalyq ınvestorlardy tartý, týrıstik jáne ınnovatsııalyq klasterlerdi keńeıtý, kedendik jáne salyq júıelerin ıntegratsııalaý, jobalaý aldyndaǵy jáne jobalaý-smetalyq qujattamaǵa saraptama júrgizýge memlekettik monopolııadan kezeń-kezeńimen bas tartý, memlekettik basqarý, bilim berý jáne densaýlyq saqtaý júıelerin jetildirý, memlekettik organdar men óńirler ákimdikteri janyndaǵy qoǵamdyq keńesterdiń rólin kúsheıtý máseleleri qaraldy.

Úkimet basshysy Ult josparyn tolyq ári sapaly júzege asyrý boıynsha belsendi jumysty jalǵastyrýdy tapsyrdy. Investıtsııalar tartý kólemin, birinshi kezekte, turaqty, «sapaly» jańa jumys oryndaryn qurýdy qamtamasyz etetin ekonomıkanyń basym sektorlaryndaǵy jańa iri jobalarǵa arttyrý jónindegi tarmaqtarǵa erekshe nazar aýdaryldy.

Sondaı-aq otyrysqa qatysýshylar QR Prezıdenti Q. Toqaevtyń 2019 jylǵy 2 qyrkúıektegi Joldaýyn iske asyrý boıynsha — tabıǵı monopolısterdiń taýarlary men qyzmetteriniń baǵalary men tarıfterin kóterýge, naryqtardaǵy baǵalyq sóz baılasýǵa qarsy kúresti kúsheıtý, tarıf belgileý tásilderin retke keltirý jónindegi Jalpyulttyq is-sharalar josparynyń (JUJ) 31-tarmaǵynyń oryndalýyn qarastyrdy.

Memlekettik organdardyń tarıfter men baǵalardyń negizsiz ósýine jol bermeý boıynsha josparly jumystar atqaryp jatqany atap ótildi. Jyl basyna qaraı tarıfter men baǵalardyń ósýi orta eseppen 0,5%-ǵa tejeldi, áleýmettik mańyzy bar azyq-túlik taýarlaryn óndirý jáne satý naryǵynda baǵalyq sóz baılasýǵa jol bergen 600-den astam sýbektiniń is-áreketi anyqtalyp, toqtatyldy.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT