+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Mınıstr: Joshy han kesenesiniń mańaıyna mazar ornatý zańsyz

2021 jylǵy 14 mamyr 14:17
Bólisińiz:
Mınıstr: Joshy han kesenesiniń mańaıyna mazar ornatý zańsyz

NUR-SULTAN. QazAqparat – Mádenıet jáne sport mınıstri Aqtoty Raıymqulova Joshy han kesenesiniń mańaıyna mazar salý áreketteriniń zańǵa qaıshy ekenin aıtty, dep habarlaıdy QazAqparat tilshisi.

Josh han kesenesiniń mańaıyna Jezqazǵandaǵy ýnıversıtettiń rektorynyń áýleti mazar ornatqany qanshalyqty zańdy? Tarıhı-mádenı qoryq-murajaıdyń aýmaǵynan jer telimi qalaı berilip ketken? Ortalyq kommýnıkatsııalar qyzmetinde ótken brıfıngide Aqtoty Raıymqulova osyndaı suraq qoıyldy. Mádenıet jáne sport mınıstri mundaı árekettiń zańsyz ekenin eskertti.

«Joshy han kesenesi respýblıkalyq mańyzy bar eskertkishterdiń tizimine kiredi. Onyń aýmaǵy qoldanystaǵy zańnama boıynsha tarıhı-mádenı maqsattaǵy jer bolyp sanalady. Osy mańda 1997 jyly alǵash ret kúmbezdi mazar boı kóteripti. Ol kezde nysan Mádenıet jáne sport mınıstrliginiń qaraýynda bolǵan joq. Joshy han kesenesi mınıstrlik qaraýyna 2008 jyly ǵana endi. Sodan beri mazar aýmaǵynda zańsyzdyqtar boldyrmaýǵa baǵyttalǵan jumys istep jatyrmyz», - degen vedomstvo basshysy BAQ ókilderi ataǵan jaǵdaıdy arnaıy tekserý júrzigip, anyqtaý kerektigin atap ótti.

«Joshy han mazary Ulytaý tarıhı-mádenı qoryq-murajaıynyń quramyna kiredi. Osy keseneniń aýmaǵynda eshqandaı kelisý protsedýralaryn júrgizbeı salynǵan mazarlar narazylyq týǵyzyp jatyr. «QR Tarıhı-mádenı mura nysandaryn qorǵaý jáne paıdalaný týraly» Zańynyń baptary boıynsha, árıne, tıisti rásimder oryndalmaı jasalǵan áreketter zańdy nysanǵa jatpaıdy.

Jer telimin berý jergilikti atqarýshy organnyń quzyretinde ekenin bilesizder. Eskertkishtiń aýmaǵynan jer telimi nege berilgenin anyqtaýdy qajet etip tur. Ulytaý qoryq-murajaıy ákimshiliginiń jumysyndaǵy osy olqylyqtarǵa baılanysty tıisti sharalar qabyldanady», - dedi mınıstr.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT