+7 (701) 759 90 19
USD 427.91 EUR 506.9
RUB 5.6 CNY 64.17
Jańalyqtar

Mınıstr orfandyq aýrýy bar balalardy dárimen qamtýdy óz baqylaýyna aldy

2020 jylǵy 28 qyrkúıek 21:03
Bólisińiz:
Mınıstr orfandyq aýrýy bar balalardy dárimen qamtýdy óz baqylaýyna aldy

NUR-SULTAN. QazAqparat – Búgin Densaýlyq saqtaý mınıstri Alekseı Tsoı azamattyq qoǵam, úkimettik emes uıymdar, qoǵamdyq qorlar men Qazaqstannyń barlyq óńirindegi Densaýlyq saqtaý basqarmalarynyń ókilderimen orfandyq aýrýǵa shaldyqqan balalardy dári-dármekpen qamtamasyz etýdegi máselelerdi talqylady, dep habarlaıdy QazAqparat.

Uqsas jańalyqtar

Eske salsaq, orfandyq aýrýǵa qarsy preparattar máselesi buǵan deıin de kóterilgen edi. Balalardy tıisti dárimen qamtýdaǵy problema jóninde Bala quqyqtary jónindegi ýákil Arýjan Saın dabyl qaqqan bolatyn.

«Biz búgin óte mańyzdy máseleni qaraýdamyz. Bul kóptegen faktorǵa baılanysty jyldar boıy iske asyrylmaı kelgen problema. Osy máselege erekshe kóńil aýdarǵymyz keldi, ony júıeli sheshý úshin kemshilikterdi nemese normatıvtik problemalardy qaraýymyz tıis», - dedi A.Tsoı.

Orfandyq aýrýlardyń tizimine 59 nozologııa kiredi. Biryńǵaı dıstrıbıýtordyń 2020 jylǵa arnalǵan tiziminde sırek kezdesetin aýrýlardy emdeýge arnalǵan dárilik zattar men medıtsınalyq buıymdardyń 1 415 ataýy bar. Onyń ishinde statsıonarlyq kómekke – 1 177 ataý, ambýlatorııalyq dári-dármekpen qamtamasyz etýge – 649 ataý arnalǵan.

Qazaqstan Respýblıkasynda dıspanserlik naýqastyń elektrondyq tirkeliminiń derekteri boıynsha, 2020 jylǵy 25 qyrkúıekte orfandyq aýrýlary bar 13 863 bala esepte tur.

Mınıstrlikten málim etkendeı, elimizde orfandyq aýrýǵa shaldyqqan balalarǵa arnalǵan dári-dármekke qatysty birqatar problema bar – keıbir preparat tirkeýden ótpegen, dárilik zattardy satyp alý úshin shekti baǵa belgilenbegen, dárini jetkizý jolyndaǵy kedergiler, densaýlyq saqtaý basqarmalarynyń salǵyrttyǵy taǵy bar.

Sondaı-aq búgingi tańda oryn alyp otyrǵan taǵy bir problema - sırek kezdesetin aýrýlary bar patsıentterge qajetti kóptegen preparat Qazaqstanda tirkelmegen.

«Bul máseleni biz jyldar boıy sheshe almaı kelemiz. Ákimderge talaı ret hat ta jazdyq. Endi Densaýlyq saqtaý mınıstrligi jergilikti ákimdikterge naqty usynys berse. Óıtkeni aýrý balalardy dári-dármekpen qamtamasyz etýge jaýaptylar jumysyna salǵyrt qaraǵany úshin jazalanýy tıis. Ata-analardan, qoǵamdyq qorlardan kelgen shaǵym, ótinishke nemquraıly qaraýǵa bolmaıdy. Sonymen qatar, saıası sheshim qabyldaýdy jáne bul dári-dármekti májbúrli túrde tirkeýdi suraımyn», - dedi Bala quqyqtary jónindegi ýákil Arýjan Saın.

Densaýlyq saqtaý mınıstri bul máseleni, ásirese óńirlerde erekshe baqylaýǵa alý qajet ekenin eskerdi.

«Birrettik tasymal, tirkeýge qatysty problemalar bar – bul taza bıýrokratııalyq rásimder. Sondaı-aq, logıstıka máselesi de bar. Sondyqtan bizdiń mindetimiz – durys josparlaý jáne aldyn-ala boljam jasaý. Birinshi kezekte dári-dármekti jetkizý, birrettik tasymal boıynsha máseleni sheshý kerek. Biz bul preparattardy erekshe baqylaýǵa alamyz. Qazaqstanǵa kelgen dári-dármektiń múmkindiginshe tirkeýden tez ótýin qadaǵalaımyz», - dedi mınıstr.

Sondaı-aq, A.Tsoı balalardy dári-dármekpen qamtý máselesine qatysty osyndaı kezdesýler aldaǵy ýaqytta turaqty ótkiziletinin aıtty.


Bizdiń kanalymyzǵa jazylyńyz:

Bólisińiz:

Avtor:

Aıaýlym Altynbek

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT