Mınıstr monoqalalardaǵy taý-ken qorynyń taýsylýyna alańdaýshylyq tanytty
2022 jylǵy 23 maýsym 15:44

Mınıstr monoqalalardaǵy taý-ken qorynyń taýsylýyna alańdaýshylyq tanytty

NUR-SULTAN. QazAqparat – QR Ekologııa, geologııa jáne tabıǵı resýrstar mınıstri Serikqalı Brekeshev ekonomıkasy taý-ken metallýrgııasymen baılanysty monoqalalarda ken qoryn ýaqtyly tolyqtyrý qajettigin aıtty, dep habarlaıdy QazAqparat tilshisi.

«Paıdaly qazbalardyń memlekettik tiziminde 8 myńnan astam ken orny bar. Onyń ishinde munaı-gaz – 317 (munaı, gaz, kondensat), qatty paıdaly qazbalar – 910, keń taralǵan paıdaly qazbalar – 3 myńnan astam jáne 4 myńǵa jýyq jer asty sýlary ken orny bar. Elimizdegi munaı qorynyń basym bóligi Atyraý (75%) men Mańǵystaýǵa (11%) tıesili. Altynnyń negizgi qory Shyǵys Qazaqstan oblysynda 36%, Aqmola oblysynda 21% jáne Qaraǵandy oblysynda – 11% quraıdy», - dedi Serikqalı Brekeshev QR Parlamenti Májilisinde ótken geologııa salasyn damytý taqyrybyna arnalǵan dóńgelek ústel barysynda.

Sondaı-aq, mınıstrdiń málimetinshe, mys qorynyń 82% shyǵys jáne ortalyq óńirlerde shoǵyrlanǵan.

«Qorǵasyn-myrysh ken oryndarynyń 41% Ortalyq Qazaqstanda, 33% Shyǵys Qazaqstanda jáne 21% Túrkistan oblysynda jatyr. Paıdaly qazbalardy qarqyndy óndirýge baılanysty, ásirese ekonomıkasy taý-ken metallýrgııasy quraıtyn monoqalalarda qorlardy ýaqytyly tolyqtyrý qajet. Tıisti tolyqtyrýsyz, kóptegen taý-ken qory taıaý bolashaqta taýsylýy múmkin», - deıdi ol.


Seriktester jańalyqtary

Jańalyqtar

Úrdis

MURAǴAT