+7 (701) 759 90 19
USD 445.84 EUR 490.47
RUB 5.73 CNY 62.87
Jańalyqtar

Mınıstr ımporttyq ónimdi almastyrý merzimin aıtty

2019 jylǵy 27 jeltoqsan 17:31
Bólisińiz:
Mınıstr ımporttyq ónimdi almastyrý merzimin aıtty

NUR-SULTAN. QazAqparat – Aýyl sharýashylyǵynda ımporttyq ónimdi otandyq taýarmen almastyrý mindeti 2024 jylǵa deıin iske asyrylady. Bul týraly Senatta depýtattarmen kezdesý barysynda QR Aýyl sharýashylyǵy mınıstri Saparhan Omarov aıtty, dep habarlaıdy QazAqparat tilshisi.

Uqsas jańalyqtar
Túrkistan oblysynda kenege qarsy kúres jumystary bastaldy Prezıdent áleýmettiń kóńil-kúıine monıtorıng júrgizip otyrýdy tapsyrdy Sharýalar nazardan tys qalmaıdy - Ómirzaq Shókeev

«Sektorda Qazaqstannyń agroónerkásiptik kesheniniń damýyn tejep turǵan birqatar problemalar bar. Bul turǵyda aýyl sharýashylyǵy daqyldary túsiminiń tómendiligi jáne mal sharýashylyǵynda ónimdiliktiń tómendegeni baıqalýda. Aýyl sharýashylyǵy eńbekkerleriniń 60 paıyzdan astamy mal sharýashylyǵymen emes, ósimdik sharýashylyǵymen aınalysady. Tısinshe, olar halyqty jyl boıy jumyspen qamtı almaıdy. Aýyl sharýashylyǵy tehnıkasy men jabdyǵynyń tozý deńgeıi 80 paıyzǵa jetedi, qaryz qarajatyna qoljetimdilik, onyń ishinde kóktemgi dala jumystary úshin 2 jylǵa arnalǵan «aınalym» boıynsha máseleler bar», - dep toqtaldy mınıstr.

Osy oraıda, S. Omarov mınıstrlik agroónerkásiptik keshendi memlekettik qoldaý tásildemelerin, azyq-túlik taýarlaryn ákelý kezindegi ınflıatsııa ımporty máselelerin eskere otyryp, qaıta qarap shyqqanyn atap ótti.

«Qazirgi ýaqytta Aýyl sharýashylyǵy mınıstrligi «Nur Otan» partııasynyń ishki naryqty otandyq ónimdermen molyqtyrý jónindegi saılaýaldy platformasyn eskere otyryp, Agroónerkásiptik keshendi damytýdyń 2017-2021 jyldarǵa arnalǵan memlekettik baǵdarlamasyna ózgerister daıyndaǵanyn aıta ketkim keledi. Búginde bizdegi áleýmettik mańyzy bar taýarlar tizbesine 19 taýar engen, olardyń ishinde 505 mln AQSh dollary somasyndaǵy tek 6 taýar boıynsha ǵana ımportqa táýeldimiz», - dedi vedomstvo basshysy.

Atap aıtqanda, bul 6 taýardyń quramyna: 191,6 myń tonna nemese ishki tutynýdyń 49 paıyzy kólemindegi qus eti; shamamen 30 myń tonna nemese ımport úlesi 39 paıyz kólemindegi shujyq ónimderi; 21,9 myń tonna nemese jalpy tutynýdyń 46,5 paıyzy kólemindegi irimshik pen súzbe; 101 myń tonna nemese ımport úlesi 31,5 paıyz kólemindegi alma; shamamen 250 myń tonna nemese ımport úlesi 57,3 paıyz kólemindegi qant; 30,6 myń tonna nemese ımport úlesi 72 paıyz kólemindegi balyq.

«Jalpy alǵanda, ımporttyq ónimdi otandyq taýarmen almastyrý mindeti orta merzimdi perspektıvada 2024 jylǵa deıin iske asyrylýy múmkin», - dep naqtylady Saparhan Omarov.

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT