+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

Mınıstr elordada jaryqtyń sónip qalýyn álemdik mysaldarmen túsindirdi

2019 jylǵy 14 qarasha 21:32
Bólisińiz:
Mınıstr elordada jaryqtyń sónip qalýyn álemdik mysaldarmen túsindirdi

NUR-SULTAN. QazAqparat – Elordada jaryqtyń sónip qalýynyń sebebi anyqtalyp, BAQ-qa jarııalanatyn bolady. Bul týraly QR Aqparat jáne qoǵamdyq damý mınıstri Dáýren Abaev aıtty, dep habarlaıdy QazAqparat tilshisi.

«Jaǵdaıǵa dramalyq sıpat berýdiń qajeti joq. Júıeli óshý jaǵdaıy emes, jeke sıpattaǵy aqaý boldy dep úmittenemin. Prezıdent buǵan qatysty tıisti tapsyrma berip, bul máseleni jan-jaqty tekseretin komıssııa quryldy. Sózsiz, onyń bári BAQ-ta jarııalanady», - dedi Dáýren Abaev «Ashyq dıalog» baǵdarlamasynda.

Mınıstr óz sózinde álem elderi boıynsha birneshe mysal keltirdi.

«Osy jyldyń tamyz aıynda ǵana Anglııanyń búkil ońtústik aýmaǵy men Londonnyń bir bóligi jaryqsyz qaldy. Ondaǵy baǵdarshamdar men metrolar, elektropoıyzdar isten shyqty. Bul másele mıllıonǵa tarta adamnyń basynan ótti. Sonymen birge, osy jazda Nıý-Iorkte qalanyń 100 myń turǵyny jaryqsyz qalǵan bolatyn. Sebep – podstantsııadaǵy jarylys pen órt. Ózimiz kórip otyrǵandaı, elektr energııasyna orasan zor júkteme túsedi. Sol sebepti, keıde qysym kúsheıip ketip, osynyń saldarynan jaryq sónip qalyp jatady», - dedi ol.

Eske sala ketsek, 10 qarashada túngi saǵat ekide «Levoberejnaıa» 110/10 kV shaǵyn stantsııasynyń 10 kV kabel kanalynda órt shyǵyp, kabel lınııasy zaqymdandy. Saldarynan birqatar kóshedegi abonentter elektr jaryǵynan ajyratyla bastady. Bular - Qonaev, Syǵanaq, Túrkistan, Almaty jáne Dostyq kóshelerindegi barlyǵy 25 nysan men 7 turǵyn úı kesheni. Olardyń arasynda Aqorda, Parlament Senaty men Májilisi, Mınıstrlikter úıi, Úkimet úıi, Joǵarǵy sot, Ulttyq kitaphana, Ulttyq muraǵat ǵımarattary, «Báıterek» monýmenti bar. 11 qarasha, tańerteńgi saǵat 07.00-de energııa jartylaı berile bastady.

Memleket basshysy Qasym-Jomart Toqaev oryn alǵan apatqa baılanysty Úkimetke arnaıy komıssııa qurýdy tapsyrdy.

Al ІІM jaryqtyń sónip qalýyna baılanysty qylmystyq is qozǵalǵanyn jarııalady.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT