Mınıstr elimizdegi kómir tapshylyǵy týraly: Qoldan jasalyp otyr
2021 jylǵy 23 qarasha 11:40

Mınıstr elimizdegi kómir tapshylyǵy týraly: Qoldan jasalyp otyr

NUR-SULTAN. QazAqparat – Elimizde kómir jetispeýshiligi joq, tapshylyq qoldan jasalyp otyr. Bul týraly QR Indýstrııa jáne ınfraqurylymdyq damý mınıstri Beıbit Atamqulov aıtty, dep habarlaıdy QazAqparat tilshisi.

«Bizde barlyǵy 27 paıyz eksport bar jáne biz kómirdiń eki túrin eksporttaımyz - bul metallýrgııalyq óńdeýge arnalǵan joǵary aglomeratsııalyq kómir jáne 38 paıyzdan joǵary kúlge ıe energetıkalyq kásiporyndar úshin. Al halyqqa qoldanýǵa kúl mólsheri tómen kómir túrin usynamyz. Bul Qarajyra, Shubarkól, Bogatyr jáne taǵy basqa. Quramynda kúl mólsheri joǵary jáne ortasha kómirdi eksporttaımyz.

Biz qazirdiń ózinde oblystardyń ótinimderi boıynsha halyqqa qajet kómirdiń 94 paıyzyn jónelttik. Jalpy bıyl ótken jyldyń qazan aıymen salystyrǵanda jospardy asyra oryndap otyrmyz. Tapshylyq qoldan jasalyp otyr», - dedi Beıbit Atamqulov Úkimet úıinde tilshilerdiń suraǵyna jaýap bere otyra.

Mınıstrdiń aıtýynsha, elimizde kómirmen qamtý jaǵdaıy turaqty jáne ony tasýda iri jetkizýshi uıymdarmen memorandým jasalǵan.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT