+7 (701) 759 90 19
USD 445.84 EUR 490.47
RUB 5.73 CNY 62.87
Jańalyqtar

Mınıstr: Ekpeden bas tartqandar óz balasyna ǵana emes, qoǵamǵa qaýip tóndirip otyr

2020 jylǵy 16 qańtar 22:25
Bólisińiz:
Mınıstr: Ekpeden bas tartqandar óz balasyna ǵana emes, qoǵamǵa qaýip tóndirip otyr

NUR-SULTAN. QazAqparat – QR Aqparat jáne qoǵamdyq damý mınıstri Dáýren Abaev ekpe salynbaǵan balalardy balabaqshaǵa kirgizbeý týraly jańa qaǵıdaǵa qatysty pikir bildirdi, dep habarlaıdy QazAqparat tilshisi.

Uqsas jańalyqtar
Atyraý oblysynda 800 ata-ana balasyna Mantý synamasyn saldyrmaı qoıǵan Mańǵystaýda 765 ata-ana balasyna ekpe saldyrýdan bas tartqan Atyraý oblysynda sońǵy úsh jylda 1,5 myń bala vaktsına almaǵan

«Iá, bul – radıkaldy qadam jáne ony talqylaǵanbyz. Biraq, ekpe salmaýdyń kesirinen de dál sondaı radıkaldy jaǵdaıǵa tap boldyq. Ótken jyly qyzylsha aýrýynyń 13 myńnan astam oqıǵasy tirkeldi. Onyń 70% - balalar. Bıyldyń ózinde 300-den astam oqıǵa tirkeldi. Onyń basty sebebi – ekpe saldyrmaý bolyp otyr. Mundaıda memleket ne isteýi kerek?», - dedi mınıstr Habar arnasyndaǵy «Ashyq dıalog» baǵdarlamasynda.

Mınıstr ekpe boıynsha halyqaralyq tájirıbeden mysaldar keltirdi.

«Máselen, Italııada ekpe saldyrmaǵan balalarǵa mektep pen balabaqshaǵa kirýge tyıym salynǵan. Al ata-anasyna 500 eýroǵa deıin aıyppul salynady. Germanııada ekpe saldyrýdan bas tartqan ata-analarǵa 2,5 myń eýro aıyppul júkteledi. Al balalar mektepke kirgizilmeıdi. Osyndaı tájirıbeni kóptegen memleketter qolǵa alýda. Munda bir nárseni túsingen jón: ekpeden bas tartý arqyly adamdar óz balasyna ǵana emes, tutas qoǵamdyq ımmýnıtetke qaýip tóndirip otyr. Odan densaýlyǵy máz emes basqa adamdar zardap shegedi. Sondyqtan, ózin áleýmettik jaýapty dep oılaıtyn ata-analar erikti túrlde ekpe saldyrǵandary jón», - dep atap ótti ol.

Sonymen birge, D. Abaev ekpeniń janama áseri bolatynyn da jasyrmady.

«Ókinishke qaraı, asqyný túrindegi janama áserler de bolýy múmkin. Mamandardyń aıtýynsha, mundaı asqyný júz myń ekpede bir ret kezdesedi. Sátsiz vaktsınatsııa qaýpi qyzylsha qaýpinen anaǵurlym az. Sondyqtan, jekelegen jaǵdaılar ekpeden bas tartýdyń sebebi bolmaýy tıis. Biraq, bul oqıǵalar balanyń ekpe saldyrýǵa deıingi densaýlyǵyn teksertýge, baqylaýǵa qosymsha argýment bolýy tıis», - dedi mınıstr.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT