Mınıstr Asqar Ýmarov Astana jáne Qazaqstan mıtropolıtimen kezdesti
2022 jylǵy 29 qańtar 18:38

Mınıstr Asqar Ýmarov Astana jáne Qazaqstan mıtropolıtimen kezdesti

NUR-SULTAN. QazAqparat - Aqparat jáne qoǵamdyq damý mınıstri Asqar Ýmarov Astana jáne Qazaqstan mıtropolıti Aleksandrmen kezdesti, dep habarlaıdy QazAqparat.

Mınıstr A.Ýmarov pravoslav shirkeýi mınıstrliktiń eldegi konfessııaaralyq kelisim qundylyqtaryn damytýǵa baǵyttalǵan kóptegen bastamasyna qashan da qoldaý kórsetetinin atap ótti.
Sondaı-aq Asqar Ýmarov tótenshe jaǵdaı kezinde memleket qabyldaǵan sharalarǵa shirkeýdiń qoldaý bildirgeni jáne túsinistik tanytqany úshin mıtropolıtke óz atynan alǵys aıtty.
Óz kezeginde mıtropolıt Aleksandr memleket júrgizip otyrǵan din salasyndaǵy saıasat qazaqstandyq qoǵamda birlik pen kelisimdi qamtamasyz etip otyrǵanyn jetkizdi.
Taraptar konfessııalar men memleket arasyndaǵy dıalogty damytý máseleleri boıynsha yntymaqtastyqty odan ári damytýǵa nıet bildirdi.


Jańalyqtar

MURAǴAT