+7 (701) 759 90 19
USD 445.84 EUR 490.47
RUB 5.73 CNY 62.87
Jańalyqtar

Mınıstr Abaev qazaqstandyqtar Qytaıdan qalaı evakýatsııalanǵanyn aıtyp berdi

2020 jylǵy 6 aqpan 22:08
Bólisińiz:
Mınıstr Abaev qazaqstandyqtar Qytaıdan qalaı evakýatsııalanǵanyn aıtyp berdi

NUR-SULTAN. QazAqparat – Qytaıdyń Ýhan qalasynan qazaqstandyqtardy evakýatsııalaý máselesi Prezıdenttiń tikeleı baqylaýynda boldy. Bul týraly QR Aqparat jáne qoǵamdyq damý mınıstri Dáýren Abaev aıtty, dep habarlaıdy QazAqparat tilshisi.

Uqsas jańalyqtar
30 naýryzdan bastap Aqtaýda birqatar shekteý sharalary engiziledi Koronavırýs juqtyrǵan 12 jastaǵy qyz bala jazylyp shyqty - Almaty BAÁ-den taǵy 116 qazaqstandyq elge oraldy

«Azamattarymyzdy evakýatsııalaý máselesi Memleket basshysynyń tikeleı baqylaýynda boldy. Bastapqyda-aq óz azamattarymyzdy qıyndyqta qaldyrmaımyz degen ustanym boldy. Árıne, halyq olardy tez arada evakýatsııalaýdy talap etti. Biraq, mundaı máselede asyǵystyqqa jol berilmeıdi. Úkimet, onyń ishinde Densaýlyq saqtaý, Syrtqy ister mınıstrlikteri, Azamattyq avıatsııa komıteti uıymdastyrý jumystarymen qatar aınalysty. Sanavıatsııa bortynan bastap, arnaıy korpýsqa deıin ázirledi. Qytaılyq tarappen mańyzdy dıplomatııalyq kelissózder júrgizildi. Bul rette, qytaılyq tarapqa túsinistik tanytqany úshin alǵys aıtýymyz kerek», - dedi mınıstr «Habar» arnasyndaǵy «Ashyq dıalog» baǵdarlamasynda.

Sonymen birge, mınıstr sheteldik azamattardy qutqarýǵa narazy bolǵandarǵa jaýap berdi.

«Dúnıejúzilik densaýlyq saqtaý uıymynyń barlyq talaptary eskerilip, evakýatsııalanǵan qazaqstandyqtar bólek aýrýhanaǵa jatqyzyldy. Oǵan qosa, Belarýs, Qyrǵyzstan, Armenııa azamattary da bar. Áleýmettik jelide «sheteldikterdi nege qutqardyńdar?» degen pikirler qaıran qaldyrdy. Al keshe, Syrtqy ister mınıstrligi Reseı men Ózbekstannyń arnaıy ushaqtary arqyly 8 qazaqstandyqtyń evakýatsııalanǵanyn habarlady. Bizdiń úkimetter ortaq qıyndyqta birlesip jumys istep jatyr. Menińshe, dál osy ustanym máseleni tezirek retteýge yqpal etedi», - dedi Dáýren Abaev.

Aıta keteıik, 2020 jyldyń 2 aqpanynda QR DSM-niń Ulttyq shuǵyl medıtsına úılestirý ortalyǵy Qytaıdyń Ýhan qalasynan 83 qazaqstandyqty, onyń ishinde 80 stýdentti elge jetkizdi.

Al 5 aqpanda Qazaqstannyń 8 azamaty Ýhan qalasynan Reseı men Ózbekstanǵa evakýatsııalandy.

Búginde koronavırýstyń jańa túri órshigen Qytaı elinde indetke shaldyqqandar sany 25 myńǵa jýyqtady, 500-ge jýyq adam kóz jumdy.

Qazaqstan Syrtqy ister mınıstrliginiń aqparatyna sáıkes, qazirgi tańda QHR aýmaǵynda elimizdiń 780 azamaty júr. Onyń 559-y – stýdentter.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT