+7 (701) 759 90 19
USD 445.84 EUR 490.47
RUB 5.73 CNY 62.87
Jańalyqtar

Mindetti deklaratsııalaýǵa jatatyn múlik tizbesi naqtylanady – Qarjy mınıstrligi

2020 jylǵy 28 qańtar 15:19
Bólisińiz:
Mindetti deklaratsııalaýǵa jatatyn múlik tizbesi naqtylanady – Qarjy mınıstrligi

NUR-SULTAN. QazAqparat – QR Qarjy mınıstrligi mindetti deklaratsııalaýǵa jatatyn múlik tizimin naqtylaýdy usyndy. Bul týraly Parlament Senatynda ótken dóńgelek ústel otyrysynda atalǵan vedomstvonyń vıtse-mınıstri Qanat Baedilov málim etti, dep habarlaıdy QazAqparat tilshisi.

Uqsas jańalyqtar
Mınıstrlik medıatorlardy daıarlaý erejesin qaıta qaraýdy usyndy Qazaqstan men Armenııa arasynda resmı qujattardy tanýdyń ońaılatylǵan tártibi belgilendi Senatta poshta qyzmetterin jeńildetýge arnalǵan qujat qabyldandy

«Birinshiden, uıymdastyrý jáne tehnıkalyq sıpattaǵy sheshilmegen máselelerge baılanysty 2021 jyldan bastap jalpyǵa birdeı deklaratsııalaýǵa kezeń-kezeńmen ótý týraly sheshim qabyldandy. 2021 jyldyń 1 qańtarynan bastalatyn birinshi kezeńde deklaratsııalaý memlekettik qyzmetshiler men olarǵa teńestirilgenderge jáne olardyń jubaılaryna qatysty bolady. Sebebi atalǵan sanattaǵy adamdar bul úrdiske daıyn», - dep naqtylady vıtse-mınıstr.

Ekinshi kezeńde, ıaǵnı 2023 jyldyń 1 qańtarynan deklaratsııalaýmen memlekettik mekemeler men kvazımemlekettik sektordyń jumyskerleri jáne olardyń jubaılary qamtylady.

Al úshinshi kezeń 2024 jyldyń 1 qańtarynan bastalady. Deklaratsııalaý zańdy tulǵalardyń basshylaryna, quryltaıshylaryna, jeke kásipkerlerge, sondaı-aq olardyń jubaılaryna qatysty bolady.

«Tórtinshi kezeńdegi 2025 jyldyń 1 qańtarynan bastap deklaratsııalaý azamattardyń qalǵan sanattary úshin engiziledi. Deklaranttardyń jalpy sany 13 mıllıonǵa jýyq adamdy quraıdy», - dedi Q. Baedilov.

Onyń sózine qaraǵanda, jalpyǵa birdeı deklaratsııalaýǵa daıyndyq aıasynda Qaraǵandy oblysy Osakarovka aýdanynyń úsh aýyldyq okrýginde qanatqaqty joba iske asyryldy. Jobanyń qorytyndysy boıynsha aýyldyq jerlerde qarjylyq saýattylyq deńgeıiniń tómendigi baıqaldy. Respondentterdiń 80 paıyzdan astamy deklaratsııany ózderi toltyra almaǵan.

Vıtse-mınıstrdiń sózine qaraǵanda, qoldanystaǵy zańnamada kiris deklaratsııada kórsetilýge jatatyn málimetterdiń naqty krıterııleri eskerilmegen. Osyǵan baılanysty kórsetilýi tıis múliktiń tizimin naqtylaý usynyldy.

Birinshiden, Qazaqstannan tys jerdegi múlik boıynsha: jyljymaıtyn múlikti, áýe jáne teńiz kemelerin, kólik quraldaryn, arnaıy tehnıka men tirkemelerdi, sondaı-aq sheteldegi banktik esep-shottarda 1 myń AEK-ten astam somadaǵy aqshany mindetti deklaratsııalaý eskerilip otyr.

Ekinshiden, turǵan jerine qaramastan mindetti deklaratsııalaýmen kelesi múlik túrlerin qamtý usynyldy: turǵyn úı qurylysyndaǵy qatysý úlesi, zańdy tulǵanyń jarǵylyqty kapıtalǵa qatysý úlesi, baǵaly qaǵazdar, zııatkerlik menshik nysandary.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT