Mıhaıl Kýkýshkın Ýımbldonda onynshy ret óner kórsetedi
2022 jylǵy 23 maýsym 21:58

Mıhaıl Kýkýshkın Ýımbldonda onynshy ret óner kórsetedi

NUR-SULTAN. QazAqparat - Qazaqstandyq Mıhaıl Kýkýshkın Ýımbldonda negizgi týrnırge joldama aldy, dep habarlaıdy QazAqparat tilshisi.

Qazaqstan tennıs federatsııasynan málim etkenindeı, álemniń 160-raketkasy M.Kýkýshkın irikteý saıystarynyń fınalynda dúnıejúzilik reıtıngte 178-orynda turǵan majarstandyq Jombor Pıroshpen kúsh synasty.

Qazaqstandyq tennısshi tórt sette 7:6 (7:3), 6:2, 4:6, 7:6 (7:0) esebimen jeńiske jetti.

Úsh saǵat 35 mınýtqa sozylǵan kezdesýde Kýkýshkın 5 eıs jasap, 7 breıkke qol jetkizdi.

Osylaısha, qazaqstandyq tennısshi Ýımbldonda onynshy ret óner kórsetedi. Onyń bul «Úlken dýlyǵa» dodasyndaǵy úzdik kórsetkishi 2019 jyly tirkeldi. Sol jyly tórtinshi aınalymǵa deıin jetip, japonııalyq Keı Nıshıkorıge ese jiberdi.

Qazaqstannyń birinshi, álemniń 39-raketkasy Aleksandr Býblık Istborn ATP 250 týrnıriniń jartylaı fınalyna shyǵa almady. Ol álemniń 14-raketkasy, amerıkalyq Teılor Frıtstan utylyp qaldy - 3:6, 2:6.

Eske sala keteıik, budan buryn qazaqstandyq tennısshiniń Serbııadaǵy týrnırdiń shırek fınalyna shyqqanyn jazǵan bolatynbyz.

Sondaı-aq qazaqstandyq tennısshi Úndistandaǵy jarystyń jartylaı fınalyna joldama aldy.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT