Jańalyqtar  >
  Sport

Mıhaıl Kýkýshkın álemdegi úzdik 200 tennısshiniń qataryna qaıta kirdi

2022 jylǵy 28 qarasha, 13:48
Mıhaıl Kýkýshkın álemdegi úzdik 200 tennısshiniń qataryna qaıta kirdi

ASTANA. QazAqparat – Kásibı tennısshiler qaýymdastyǵy (ATP) jańartylǵan reıtıngini jarııa etti, dep habarlaıdy QazAqparat tilshisi.

Qazaqstannyń úzdik tennısshisi Aleksandr Býblık 37-inshi, Tımofeı Skatov 146-ornynda qaldy.

Ótken aptada Italııadaǵy Andrııa chellendjer týrnıriniń fınalyna deıin jetken Mıhaıl Kýkýshkın 223-ten 192-orynǵa kóterildi.

ıAǵnı ol úzdik 200 tennısshiniń qataryna qaıta kirdi. Denıs Evseev 295-ten, 293-ke, Beıbit Jýkaev 315-ten 311-ge joǵarylady.

Úzdik úshtikte burynǵysha ıspanııalyqtar Karlos Alkaras pen Rafael Nadal, norvegııalyq Kasper Rýýd, juptyq synda nıderlandtyq Ýeslı Kolhof, ulybrıtanııalyq Nıl Skýpskı, amerıkalyq Radjıv Ram keledi.

Juptyq synda qazaqstandyqtar Andreı Golýbev 47-satyda qalsa, Aleksandr Nedovesov 53-ten 52-ge, A.Býblık 173-ten 170-ke shyqty.

Áıelder tennısi qaýymdastyǵy (WTA) jarııalaǵan reıtıngide jekeleı synda Elena Rybakına 22-ornynda tursa, ıÝlııa Pýtıntseva 52-den 51-ge, Jibek Qulambaeva 435-ten 433-ke bıiktedi.

Úzdik úshtikte ózgeris joq – Polsha ókili Iga Sventek, týnıstik Ons Jaber, amerıkalyq Djessıka Pegýla, juptyq synda chehııalyq Katerına Sınıakova, reseılik Veronıka Kýdermetova, taǵy bir chehııalyq Barbora Kreıchıkova kósh basynda.

Juptyq synda Anna Danılına 11-ornynda qalsa, J.Qulambaeva 200 tennısshiniń qataryna (+3) kirdi.

Eske sala keteıik, budan buryn tennısten Qazaqstan quramasynyń Devıs kýboginiń irikteý saıysynda Chılımen oınaıtynyn jazǵan bolatynbyz.

Sondaı-aq Mıhaıl Kýkýshkın Italııadaǵy jarystyń fınalynda jeńilip qaldy.

Qazaqstandyq jas tennısshi halyqaralyq týrnırde úshinshi ret chempıon atandy.

Foto: ktf.kz


Tegı:
Sport   Reıtıng   Tennıs  
Seriktester jańalyqtary

Jańalyqtar