+7 (701) 759 90 19
USD 428.68 EUR 507.21
RUB 5.57 CNY 64.2
Jańalyqtar

Mıhaıl Bortnık Esep komıtetiniń múshesi boldy

2020 jylǵy 9 qyrkúıek 10:25
Bólisińiz:
Mıhaıl Bortnık Esep komıtetiniń múshesi boldy

NUR-SULTAN. QazAqparat – Parlament Májilisiniń jalpy otyrysynda Mıhaıl Bortnık Respýblıkalyq bıýdjettiń atqarylýyn baqylaý jónindegi esep komıtetiniń múshesi qyzmetine taǵaıyndaldy, dep habarlaıdy QazAqparat tilshisi.

«Ózderińiz bilesizder, Konstıtýtsııamyzdyń 57-babybynyń birinshi tarmaqshasyna sáıkes, Parlamenttiń ár palatasy Respýblıkalyq bıýdjettiń atqarylýyn baqylaý jónindegi esep komıtetiniń úsh múshesin 5 jyl merzimge qyzmetke taǵaıyndaıdy. Osyǵan oraı Konstıtýtsııanyń 58-baby úshinshi tarmaǵynyń jetinshi tarmaqshasy negizinde Respýblıkalyq bıýdjettiń atqarylýyn baqylaý jónindegi esep komıtetiniń múshesi qyzmetine Mıhaıl Bortnıktiń kandıdatýrasyn usynamyn», - dedi Májilis tóraǵasy Nurlan Nyǵmatýlın.

Osy oraıda ol M. Bortnık biraz jyl Parlament Senatynyń depýtaty qyzmetin atqarǵan eske saldy.

Palata depýtattary jalpy otyrysta atalǵan kandıdatýrany qoldady.

Mıhaıl Mıhaılovıch Bortnık 1960 jyly dúnıege kelgen. 1982 jyly Pavlodar ındýstrııaldy ınstıtýtyn, 2002 jyly Ortalyq Azııa ýnıversıtetin támamdaǵan. Ónerkásiptik jylý energetıka ınjeneri, zańger.

1982-1998 jyldary Aqtaý qalasynda tehnıkalyq qural-jabdyq jóndeý masteri. 1998-1999 jyldary Aqtaý qalasy ákiminiń orynbasary qyzmetin atqarǵan. 1999-2008 jyldary Mańǵystaý oblysy ákiminiń orynbasary. 2008 jyldyń qazan aıynan Mańǵystaý oblysynan saılanǵan Qazaqstan Respýblıkasy Parlamenti Senatynyń depýtaty, Ekonomıkalyq damý jáne kásipkerlik komıtetiniń múshesi.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Kanat Tokabaev
Kanat Tokabaev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT