+7 (701) 759 90 19
USD 422.87 EUR 503.38
RUB 5.6 CNY 64.3
Jańalyqtar

Metall artqan júk kemesi Qara teńizge batyp ketti

2018 jylǵy 13 qazan 18:27
Bólisińiz:
Metall artqan júk kemesi Qara teńizge batyp ketti

MÁSKEÝ. QazAqparat - Metall artqan júk kemesi Qara teńizge batyp ketti. Borttaǵy ekıpaj músheleri qutqaryldy, dep habarlaıdy QazAqparat TASS agenttigine silteme jasap.

«Keme bir jaǵyna qaraı jantaıyp, sýǵa batyp ketti. Ekıpajdyń segiz múshesi túgeldeı qutqaryldy. Olar qazir Novorossıısk aılaǵyn betke alǵan tankerdiń bortynda», - dep málim etti «Rosmorrechflot» baspasóz qyzmeti agenttikke.

Aıtýynsha, ekıpaj músheleriniń arasynda eki Túrkııa jáne alty Ázerbaıjan azamaty bar.

«Olardyń jaǵdaıy jaqsy», - dep naqtylady «Rosmorrechflottaǵylar».

Máskeý ýaqyty boıynsha saǵat 06:45-te Sevastopoldiń teńiz qutqarý ortalyǵynyń kezekshisinen Panama týyn ilip alǵan belgisiz kemeniń Qara teńizde, jaǵalaýdan 50 mıl qashyqtyqta apatqa ushyraǵany jóninde habar kelip túsken. Keme bir jaǵyna qaraı jantaıyp ketken. Shuǵyl arada kemedegi adamdar qutqarýshy salǵa kóshirildi. Kómekke teńiz kemeleri kelip jetti. Onyń ishinde «Mınerva» tankeri de bar. Ol apatqa ushyraǵan kemeniń ekıpajyn otyrǵyzyp, oqıǵa ornynan alyp ketti.

«Al kemeniń ózi sýǵa batyp ketti» dep habarlady «Rosmorrechflottan».

Munda sýdyń tereńdigi - 1900 metr. Sýdyń lastaný qaýpi joq. Qutqarý ortalyǵynyń málimetinshe, keme bul metaldy Túrkııaǵa apara jatqan.

Foto: Petr Kovalev/TASS

Bizdiń kanalymyzǵa jazylyńyz:

#Oqıǵa   #Álem   #Reseı  
Bólisińiz:

Avtor:

Janat Qapalbaeva

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT