+7 (701) 759 90 19
USD 397.56 EUR 445.94
RUB 5.82 CNY 55.96
Jańalyqtar

Merkide koronavırýs juqtyrǵan dárigerdiń shaǵymy boıynsha tekserý bastaldy

2020 jylǵy 9 sáýir 01:13
Bólisińiz:
Merkide koronavırýs juqtyrǵan dárigerdiń shaǵymy boıynsha tekserý bastaldy

TARAZ. QazAqparat – Jambyl oblysy Merki aýdandyq aýrýhanasy dárigeriniń áleýmettik jelidegi shaǵymy boıynsha qyzmettik tekserý bastaldy. Bul týraly oblys ákiminiń baspasóz qyzmeti málimdedi, - dep habarlaıdy QazAqparat Jambyl oblysy ákimdiginiń resmı saıtyna silteme jasap.

Aıta keteıik, buǵan deıin koronavırýs ınfektsııasyn juqtyryp alǵan atalǵan aýdandyq aýrýhananyń ınfektsıonıst dárigeri Tolqynaı Ordabaeva áleýmettik jelide ózi qyzmet etetin aýrýhanaǵa qatysty shaǵymdaryn jetkizgen bolatyn.

Ol emdeý mekemesiniń medıtsına qyzmetkerlerin maska tigýge májbúrlegenin, jumysta eshqandaı maska men qorǵanysh quraldary berilmeıtinin, bunyń barlyǵy ımmýnıtettiń álsireýine alyp kelgenin aıtyp, narazylyǵyn bildirgen edi.

Al, oblys ákimi baspasóz qyzmetiniń habarlaýynsha, búginde densaýlyq saqtaý basqarmasy jáne taýarlar men qyzmetterdiń sapasy men qaýipsizdigin baqylaý komıtetiniń departamentimen birlese otyryp, Merki aýdandyq ortalyq aýrýhanasynyń dárigeri T.Ordabaevanyń áleýmettik jelilerde jarııalanǵan shaǵymy boıynsha qyzmettik tekserý bastalǵan.

«Dáriger-ınfektsıonıst T. Ordabaeva 1,75 shtattyq birlikke (saǵat 9-dan 18.00-ge deıin) sáıkes laýazymdyq jalaqymen jumys istegen. Onyń ishinde-0,25 shtattyq birlik onyń óz kelisimi boıynsha densaýlyǵyna baılanysty eńbekke jaramsyzdyǵyna qatysty áriptesiniń ýaqytsha mindetin atqarǵan.

Aǵymdaǵy jyldyń 3 sáýirinde T. Ordabaeva dene qyzýynyń joǵarylaýyna shaǵymdanǵan. Odan zerthanalyq taldaýlar (PTR) alynyp, qorytyndysyna sáıkes koronavırýstyq ınfektsııany juqtyrǵandyǵy rastalǵan. Epıdemıologııalyq tekserýler júrgizilip, vırýs juqtyrǵan dárigermen jaqyn baılanysta bolǵan 5 adam anyqtalyp, karantınge ornalastyryldy.

Naýqas ınfektsııalyq statsıonardyń eki oryndyq boksynda osyndaı dıagnozy bar basqa patsıentpen birge jatqyzylǵan. Bul sanıtarlyq-epıdemıologııa talaptaryna qaıshy kelmeıdi. Densaýlyq saqtaý mınıstrligi bekitken emdeý hattamasyna sáıkes Alývııa preparatyn qabyldaǵan»,-delingen vedomstvo habarlamasynda.

Sondaı-aq, Bas memlekettik sanıtarlyq dárigerdiń qaýlysyna sáıkes, zerthanalyq rastalǵan dıagnozy bar emdelýshilerde PTR-nyń qaıtalanǵan taldaýlary tek shyǵar aldynda ǵana eki ret alynatyndyǵy, emdeýge jatqyzý kezinde qaıtadan taldaý alý talap etilmeıtindigi aıtylǵan.

«Búgingi kúni aýdandyq aýrýhananyń medıtsına qyzmetkerleri tolyq kólemde jeke qorǵanys quraldarymen qamtamasyz etilgen. 1000 - nan astam medıtsınalyq bir rettik medıtsıanalyq betperdeler, kóp ret qoldanylatyn maskalar – 1600, bir ret qoldanylatyn kostıýmder – 1200 birlik, dezınfektsııalyq quraldar-40 myń «Dıahlora» tabletkasy, 15 lıtr antıseptıkter bar. Aǵymdaǵy jyly aýrýhana 3 mıllıon 468 myń teńgege JQQ jáne dezınfektsııalyq quraldardy satyp alǵan. Qosymsha 6 mıllıon teńgege satyp alýlar josparlanýda. Aǵymdaǵy aıda koronavırýsty ınfektsııanyń taralýyna jol bermeý boıynsha is-sharalarǵa tartylǵan osy aýdandyq aýrýhananyń 20 medıtsına qyzmetkeri, sonyń ishinde dáriger T.Ordabaevaǵa da syıaqy tóleý josparlanýda. Ol aıtqan barlyq faktiler qyzmettik tergeý barysynda tekseriletin bolady»,-delingen baspasóz qyzmetiniń málimdemesinde.

Jalpy, koronavırýstyq ınfektsııanyń taralýyna jol bermeý jónindegi is-sharalarǵa oblysqa respýblıkalyq bıýdjetten 576 mıllıon teńge jáne jergilikti bıýdjetten 281 mıllıon teńge bólingen. Qazirgi tańda 4,1 myń dana bir rettik kostıýmder, 276 myń dana bir rettik betperdeler, 17,8 myń dana respıratorlar, 4,8 myń lıtr dezınfektsııalyq quraldar men antıseptıkter jáne basqa da medıtsınalyq buıymdar men preparattar qory bar.


Bizdiń kanalymyzǵa jazylyńyz:

Bólisińiz:

Avtor:

Qajy Murat

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT