+7 (701) 759 90 19
USD 421.91 EUR 511.57
RUB 5.59 CNY 65.2
Jańalyqtar

Merki aýdanyndaǵy aýylda  1,5 mlrd teńgeniń dıagnostıkalyq ortalyǵy ashyldy

2020 jylǵy 30 qarasha 01:45
Bólisińiz:
Merki aýdanyndaǵy aýylda  1,5 mlrd teńgeniń dıagnostıkalyq ortalyǵy ashyldy

TARAZ. QazAqparat – Jambyl oblysynyń Merki aýdanynda quny 1,5 mlrd teńge bolatyn dıagnostıkalyq ortalyq ashyldy, dep habarlaıdy QazAqparat tilshisi.

Jańa dıagnostıkalyq ortalyq Merki aýdanynyń Sarymoldaev aýylynda ornalasqan. Mamandar bul aýyldyq jerde ashylǵan osy sekildi alǵashqy dıagnostıkalyq ortalyq ekenin aıtady

«Bizde eń zamanaýı qondyrǵylar, onyń ishinde magnıt-rezonans tomografy, 80 tilimdi kompıýter tomografy, tsıfrlyq rentgen jáne flıýorografııa, jańa úlgidegi ÝDZ apparaty ornatylǵan. Magnıt-rezonans jáne kompıýter tomografısy barlyq músheni tekserýge múmkindik beredi, sondaı-aq nátıjesiniń dáldigi joǵary. Koronavırýs pandemııasy kezinde bárimiz kompıýter tomografııasy dıagnoz qoıýdaǵy eń senimdi jáne negizgi ádis ekenine kóz jetkizdik», - dedi «Meıirim» Taraz medıtsınalyq ortalyǵynyń bas dárigeri, jeliniń basqarýshy dırektory Gúlchahra Mametova.

Sondaı-aq, dıagnostıkalyq ortalyqta terapevt, kardıolog, nevropatolog, pedıatr, okýlıst, otolarıngolog, gınekolog, jalpy tájirıbelik dárigerdiń qabyldaý kabınetteri ashylmaq. Táýligine 50-den astam adam mamandardyń qabyldaýynda bolyp, 120 adam MRT jáne KT, sondaı-aq 250 adam flıýorografııadan óte alady.


Aımaq basshysy Berdibek Saparbaev adamnyń eń úlken baılyǵy – onyń densaýlyǵy ekenin atap ótti.

«Eń bastysy, bizdiń turǵyndar ózderin jaqsy sezinýi tıis. Táýelsizdiktiń alǵashqy kúnderinen bastap Elbasy Nursultan Nazarbaev medıtsına men densaýlyq saqtaýǵa salalaryna aıryqsha kóńil bólý úshin basymdyqtardy belgiledi. Tek deni saý ult qana tabysqa jete alady. Merki aýdanynda úlken jumystar atqarylǵanyn kórip otyrmyz, qymbat jabdyqtar satyp alynyp, bilikti mamandar daıarlanǵan. Jambyl oblysynda tórt MRT jáne 11 KT apparaty bar. Jambyldyqtardyń densaýlyǵy úshin biz oblystyń árbir aýdan ortalyǵyn zamanaýı tomograftarmen qamtamasyz etýimiz kerek», - dedi ol.


Sonymen qatar, Berdibek Saparbaev Merki aýdanynyń sondaı-aq jaqyn kórshiles Shý, Qordaı jáne T.Rysqulov aýdandary turǵyndaryn sapaly, eń bastysy – ýaqtyly dıagnostıkamen qamtý múmkindigine qol jetkizilip otyrǵanyn basa aıtty.

«Densaýlyq jaǵdaıyn bilýi úshin endi mundaǵy turǵyndar sonaý Taraz ben Almatyǵa sabylmaıtyn bolady», - dedioblys ákimi.

Ortalyq dırektory tolyq qýattylyqta jumys isteý úshin 110 medıtsına qyzmetkeri jumyldyrylatynyna sendirdi, olardyń kópshiligi merkilikter. Al 24 dárigerdiń 20-sy jergilikti turǵyndar.


Bizdiń kanalymyzǵa jazylyńyz:

Bólisińiz:

Avtor:

Saıa Sembaı

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT